Hinn þekkti kanadísk-bandaríski vinstri sinnaði heimildamyndagerðarmaður Leonard Fife var einn af sextíu þúsund mönnum sem flúðu til Kanada til að forðast herskyldu í Víetnam. Nú á síðari hluta áttræðisaldursins er Fife að deyja úr krabbameini í Montreal og hefur samþykkt að veita lokaviðtal þar sem hann er ákveðinn í að afhjúpa loks öll sín leyndarmál og ræða líf sitt af einlægni.
Í litlu þorpi á eyjunni Carpathia er feimna sveitastúlkan Yuri alin upp í ótta við skógarveruna Ochi. En þegar Yuri finnur slasað Ochi barn sem skilið hefur verið eftir fer hún af stað í leit að Ochi til að sameina hana og barnið.
Superman reynir að samræma kryptonska arfleifð sína og uppvöxt á Jörðu sem Clark Kent. Hann er holdtekja sannleikans, réttlætisins og bandarískra gilda í heimi sem lítur á þetta allt saman sem gamaldags viðhorf.
Þegar verkefni fer illilega úrskeiðis þá hefur fyrrum lögregluþjónn og fjölskyldufaðir, sem vinnur sem þrjótur hjá mafíunni í hjáverkum, eitt kvöld til að koma fjölskyldu sinni út úr borginni.
Sagan gerist á fjórtándu öld þegar Evrópuþjóðir rísa til áhrifa innan hins heilaga rómverska ríkis. Austurríska keisaradæmið hefur mikinn metnað til landvinninga og ræðst á nágrannaríkið Sviss. Söguhetjan William Tell, sem var áður friðasamur veiðimaður, neyðist til að taka til sinna ráða þegar fjölskyldu hans og föðurlandi er ógnað.
Helena, sem er kona sem lifir frekar venjulegu lífi, býr yfir drungalegu leyndarmáli - faðir hennar er hinn alræmdi "Fenjakonungur", maðurinn sem hélt henni og móður hennar föngnum úti í óbyggðum í mörg ár. Eftir að hafa alla ævi reynt að flýja fortíðina, neyðist Helena til að horfast í augu við innri djöfla þegar faðir hennar nær að flýja úr fangelsi.
Porky og Daffy verða ólíklegar hetjur þegar skrípalæti þeirra í tyggjóverksmiðju bæjarins leiða í ljós háleynilegt geimverusamsæri. Þeir eru staðráðnir í að bjarga bænum og öllum heiminum ... ef þeir ná þá ekki að gera hvorn annan brjálaðan áður.
Þegar reiður almúginn rís upp gegn vondu norninni, þurfa Glinda og Elphaba að hittast í eitt lokaskiptið. Þar sem vináttan er lykilatriði í framtíð þeirra, þurfa þær að horfa raunverulega og af heilindum inn í hjarta hvorrar annarrar, ef þær eiga að geta breytt sér, og OZ öllu, til frambúðar.
Gunnar hefur einangrað sig á bóndabæ sínum frá því að kona hans og ungur sonur fórust í hræðilegu slysi fyrir ári síðan. Mágkona hans skammar Gunnar fyrir að hafa ekki mætt í minningarathöfn um mæðginin og afhendir honum bréf frá konu hans heitinni þar sem ýjað er að því að dauði mæðginanna hafi ekki endilega verið slys.
Hver veit hvort ókunnugt fólk segir satt og rétt frá högum sínum og fortíð? Þegar tveir brotnir einstaklingar fara að spila hvort með annað er uppgjör óumflýanlegt.
Leigumorðinginn Danny Dolinski er kominn á hálfgerða endastöð og keppir um ástir klúbbaeigandans Anata, þegar Fyrirtækið kallar hann aftur til starfa, til að þjálfa nýliðann Wihlborg, efnilegan leigumorðingja sem vílar ekki fyrir sér að rífa kjaft.
Betty Flood er næstum þrettán ára gömul. Hún er upprennandi tónlistarkona og töfravera og þráir ekkert meira en að vera eins og hinir frábæru, en mjög ólíku, fjölskyldumeðlimir hennar. En af hverju er töfra-mamman hennar svona mikið á móti því? Á meðan Betty glímir við þessa spurningu, uppgötvar hún líka ótrúlegan sannleik um fjölskyldu sína og kemst að því að hið óvenjulega, töfrandi og tónlistarríka eru allt hluti af hennar dásamlega sérkennilegu fjölskyldu.
Einstæður faðir og tvær konur yfirgefa heimili sín til að mæta ógnvænlegum skepnum og bjarga lífi ungs drengs.
Sam er ungur uppistandari og au pair sem glímir við áfallastreituröskun. Hún veltir fyrir sér hvort hún eigi að taka þátt í leitinni að Brooke, týndri stúlku sem hún passaði áður.
Mannaveiðarasvín tekur að sér nýtt verkefni: Pickles, barnalegan og eldfjörugan fíl. Þó að hann ætli upphaflega að fanga hinn hressilega þykkskinnung, þá enda þeir með því að þvælast um heiminn í ævintýri sem kallar fram það besta í þeim báðum.
Forstjóri í stóru fyrirtæki setur ferilinn og fjölskylduna í hættu þegar hún byrjar í sjóðheitu sambandi við ungan starfsnema.
Þegar foreldrar hans, Scott og Teresa, komast að því að Austin er bæði á einhverfurófi og með beinsjúkdóminn "brittle bone disease", fá þau áhyggjur af framtíð sonar síns. En með sívaxandi trú Scotts og ótrúlegum baráttuanda Austins verða þau „ósigrandi“ og finna gleði, þakklæti og hugrekki, jafnvel á erfiðustu stundum. Þetta er einstök sönn saga um föður og son sem læra saman að hver dagur getur verið sá besti í lífinu!
Myndin segir frá einhverfum dreng með sjaldgæfan beinasjúkdóm sem gerir að verkum að beinin eru mjög brothætt. En það sem gerir drenginn einstakan er að hann hefur einstakt og jákvætt viðhorf til lífsins sem gleður alla í kringum hann.
Big Nick er hér aftur á ferð í Evrópu og nálgast nú Donnie, sem er flæktur í sviksamlegan og óútreiknanlegan heim demantaþjófnaðar og hina alræmdu Panther mafíu. Á sama tíma er risastórt rán í heimsins stærstu demantakauphöll í undirbúningi.
Hér segir frá þeim Don, hugmyndaríkri leikbrúðu sem strauk að heiman, og DJ Doggy Dog, yfirgefnum úttroðnum leikfangahundi. Þeir kynnast í Central Park í New York og halda af stað í ævintýraferð inn í borgina.
Elizabeth Masterson, metnaðarfullur læknir í San Fransisco, gaf sér nánast aldrei tíma í neitt. Þegar systir hennar, tveggja barna móðir, stingur upp á manni fyrir hana til að hitta á stefnumóti, þá lendir hún í hörmulegu bílslysi og fellur í dauðadá. Á sama tíma flytur landslagsarkitektinn David Abbot til San Fransisco og af tilviljun, tekur á leigu íbúð Elizabeth. Á meðan hann er í íbúðinni þá ásækir andi Elizabeth hann. Hún man ekki hver hún er, man ekki eftir fjölskyldu sinni, né hvað hún vann við. Það eina sem hún man er íbúðin og hvar allir hlutir voru í henni. Til að leysa úr vandamálinu þá ákveður David að finna út úr því hver Elizabeth raunverulega er. Þegar hann er um það bil að finna svarið, þá verða þau ástfangin og þgear þau loks komast að því hver hún er, þá átta þau sig á því að örlögin eru að verki.
