Væntanlegar íslenskar myndir

Myndin er byggð á tónlist popphljómsveitarinnar Sálarinnar hans Jóns míns og gerist í Reykjavík snemma á tíunda áratug síðustu aldar.

Á meðan jöklarnir bráðna og afar og ömmur hverfa yfir móðuna miklu, breytir Andri Snær Magnason rithöfundur kvikmyndasafni fjölskyldunnar í tímahylki til að varðveita það sem er óðum að hverfa. Minningar, sögur, tímann og vatnið. Um tímann og vatnið er óður til lands og jökla og hvað það þýðir að lifa umbreytingartíma.

Eldgos stöðvar allt flug frá Íslandi og tveir ókunnugir ferðalangar verða strandaglópar. Með þeim takast kynni og þau ákveða að stela bíl til að komast að gosstöðvunum. Það sem hófst sem bílferð breytist í ferðalag sem gjörbreytir lífi þeirra.

Í Loðmundarfirði er sérstætt bæjarfélag í umsjá hjónanna Ólafs og Jóhönnu. Bæjarbúar eru æðarfuglar sem leggja í langt ferðalag til þess eins að ala upp afkvæmi sín í þessari öruggu náttúruparadís. Það skiptast á skin og skúrir í lífi fuglanna en samlífið með hjónunum er einstakt fyrir alla aðila.

Hér heldur aðalsöguhetjan Kristín og teymi hennar af stað í nýja og hættulega leit að hinum goðsagnakenndu demöntum nasista, sem sagt er að hafi verið faldir í lok síðari heimsstyrjaldarinnar. Þegar Kristín verður vitni að morði kemst hún á sporið og, ásamt félögunum Steve og Einari, reynir hún að ráða dulmál, tónbrot og minjar úr stríðinu sem leiða þau inn á dularfullar söguslóðir Evrópu. Ferðin ber þau frá íslenskum jöklum til finnskra skóga og neðanjarðarganga í Helsinki, þar sem dramatískur lokaslagur fer fram í eyjaklasa Finnlands. Á leiðinni þurfa þau að glíma við svik, leyndarmál og ógnir fortíðar.

Þegar lóurnar ákveða að fljúga ekki norður og boða vorið fer fimbulvetur í hönd og snædrottning rís til valda. Ung hugjónarsöm LÓA ákveður að safna saman hópi furðufugla sem leggja á sig stórkostlega hættu í miðju ríkidæmis drottningarinnar til þess að tryggja komu vorsins og þannig bjarga heiminum.

Fimm þekktir einstaklingar etja kappi í röð súrrealískra, skapandi og oft á tíðum bráðfyndinna verkefna sem reyna á hugkvæmdi þeirra og útsjónarsemi. Jóhann Alfreð, hefur umsjón með þrautunum, en það er Taskmasterinn sjálfur, Ari Eldjárn, sem sker úr um úrslitin og úthlutar stigum jafnt fyrir frammistöðu sem og frumleika og húmor. Þetta er íslensk útgáfa af breskum gamanþáttum sem sameina keppni, furðuleika og húmor á einstakan hátt. Þættirnir hafa verið ótrúlega vinsælir um allan heim og búið er að framleiða 20 seríur. Einnig hafa verið gerðar útgáfur af þáttunum um allan heim meðal annars á Norðurlöndunum, Nýja-Sjálandi, Kanada og Bandaríkjunum