Aðalleikarar The Lost City, þau Channing Tatum, Sandra Bullock og Daniel Radcliffe, bregða á leik í nýju myndbandi frá framleiðendum kvikmyndarinnar og deila með okkur nokkrum gullkornum og “staðreyndum”.
Fyrirsætan og rithöfundurinn í kröppum dansi.
Myndin fjallar um höfund rómantískra ástarsagna sem er á kynningarferðalagi fyrir eina bók sína og með henni í för er sjóðheit karlfyrirsætan á bókarkápunni. Auðugur fjársjóðsleitarmaður vill að rithöfundurinn hjálpi sér að finna Týndu borgina og hann bregður á það ráð að ræna höfundinum – og fyrirsætan ákveður að bjarga deginum!
Í myndbandinu sem horfa má á í spilaranum hér fyrir neðan segir Tatum meðal annars frá hárkollunni sem fyrirsætan skrýðist og segir að hún “stjórni manni. Þú ert bara peð á hennar skákborði,” segir Tatum.
The Lost City verður frumsýnd á föstudaginn næsta!
