She's All That (1999)

Myndin kom mér verulega á óvart, kannski vegna þess að ég átti alls ekki von á að sjá hana svona vel gerða miðað við um hvað hún fjallar. Freddie Prinze Jr. og sérstaklega Rachael Leigh Cook standa sig frábærlega vel.

Ágætis gamanmynd með rómantísku ívafi sem fjallar um nokkra skólakrakka í Kaliforníu. Vinsælasti maður skólans, Zach Siler (Freddie Prinze Jr.), verður fyrir áfalli dag einn þegar kærastan hans, sem er fallegasta og vinsælasta stelpa skólans, segir honum upp án fyrirvara eftir að hafa kynnst öðrum strák að nafni Brock Hudson (Matthew Lillard) í sumarfríinu. "Mannorð" Zachs er í hættu eftir þetta og því tekur hann veðmáli sem einn félagi hans býður honum, skilmálarnir eru í stuttu máli að einhver stúlka er valin og að Zach eigi að geta breytt henni í vinsælustu manneskju skólans með því að byrja með henni. Þrátt fyrir að vera fyrirsjáanleg að ákveðnu leiti gengur myndinni furðuvel að forðast klisjur. Einstaka persónur í myndinni eru frekar tvívíðar en flestar eru vel skrifaðar. Leikarar standa sig nokkuð vel, einkum Matthew Lillard í aukahlutverki sem létt ruglaður náungi. Ef að litið er framhjá örfáum smáatriðum þá er þetta fínasta skemmtun fyrir unglinga og fólk í yngri kantinum. Það er erfitt að gera meiri kröfur til myndar sem þessarar.