Fjörug gamanmynd um fjölskyldu sem dvelur neðanjarðar í sprengjuskýli í 35 ár vegna þess að þau halda að kjarnorkusprengja hafi sprungið á yfirborði jarðar. Loks þegar þau halda að…
Fjörug gamanmynd um fjölskyldu sem dvelur neðanjarðar í sprengjuskýli í 35 ár vegna þess að þau halda að kjarnorkusprengja hafi sprungið á yfirborði jarðar. Loks þegar þau halda að öruggt sé að snúa aftur til yfirborðsins senda þau son sinn Adam (Brendan Fraiser) til þess að ná í vistir. Hann hefur dvalið alla sína ævi í skýlinu og er vægast sagt eins og belja á svelli þegar hann kemur í siðmenninguna. Hann kynnist fljótlega stúlku að nafni Eve (Alicia Silverstone) og fær hjálp hennar við að ljúka ætlunarverki sínu. Adam er einnig heitur fyrir því að kynnast stúlku þar sem hann hefur aldrei haft nein samskipti við kvennkynið nema þá móður sína. Eve samþykkir að hjálpa honum einnig við að finna stúlku en málin flækjast verulega þar sem þau verða ástfangin af hvort öðru. Ég hafði mjög gaman af þessari mynd, hún er sannkölluð gæðamynd miðað við margar grínmyndir sem maður hefur séð undanfarið. Handritið er ansi gott og tekst að útfæra atburðarásina vel miðað við hvernig grunnhugmyndin á bakvið myndina er. Brendan Fraiser er frábær sem Adam og Alicia Silverstone er hreint ekki slæm sem Eve. Christopher Walken og Sissy Spacek eru lík mjög góð sem foreldrarnir. Þessi fær mín meðmæli - flestir ættu að geta skemmt sér vel yfir henni.
