The Graduate (1967)

The Graduate er án efa frægasta mynd Dustin Hoffman sem kom honum líka á kortið í Hollywood. Margir aðrir urðu frægir við þessa mynd og þá má nefna tvo Simon og Garfunkel sem sáu alveg um soundtrackið.

The Graduate fjallar um Ben sem er nýútskrifaður úr háskóla á austurströndinni og kemur heim til foreldra sinna til Los Angeles. Hann er búinn að standa sig vel í náminu og fengið verðlaun en veit núna ekkert hvað hann ætlar að gera í sambandi við framtíð sína.
Þegar hann kemur heim er haldin veisla honum til heiðurs, þá biður Mrs. Robinson, gift vinkona foreldra hans, honum að skutla sér heim. Þetta gerir hann en þegar inn er komið tælir hún hann. Þau hefja ástarsamband sem haldið er leyndu.
En Ben verður fyrir enn meiri áhyggjum um framtíð og hvað hann eigi að gera þegar hann er orðinn hrifinn af dóttur hennar.

The Graduate er frábær mynd í alla staði, það er gaman að fylgjast með henni með auga fyrir tækni, vinnslu og upptöku og sjá hvað hún er langt á undan sinni tíð og öðruvísi. Simon og Garfunkel standa fyrir sínu og gera þeir hvert atriði betra.
The Graduate er mynd sem maður getur hlegið mikið yfir þó hún sé líka á alvarlegri nótum. Hún er must-see fyrir alla kvikmyndaaðdáendur.