Marathon Man (1976)

Einn af allra skemmtilegustu þrillerum áttunda áratugarins segir frá því hvernig ungur háskólanemi flækist inn í leynilegar aðgerðir er varða demantaflutninga og gamlan nasistaforingja í S-Ameríku, sem kemur úr felum þegar sending fer úrskeiðis. Námsmaðurinn flækist í málið vegna bróður síns og þegar hann veit orðið of mikið um starfsemi vondu kallana er hætt við að þeir reyni að þagga niður í hopum. Ofbeldisfullur og ljótur eltingarleikur á köflum en einkar spennandi, hraður og grípandi er á líður. Handrit William Goldmans er ansi gott, þótt að það sé býsna þokukennt í endurliti til bernsku Hoffmanspersónunnar, og leikurinn er hreint stórgóður og þar standa þeir fremstir þeir Dustin Hoffman sem fer að vanda á kostum, Roy Scheider og síðast en ekki síst Sir Laurence Olivier sem fékk óskarinn fyrir stórleik sinn á nasistaforingjanum Schell sem nær tvímælalaust hámarki er nasistaforinginn mundar tannlæknatólin á Dustin Hoffman. Ég gef Marathon Man þrjár og hálfa stjörnu og mæli eindregið með henni.