Go er án efa uppáhaldsmyndin mín. Síðan ég keypti hana á DVD held ég að ég hafi horft á hana svona 8 sinnum (að minnsta kosti) og mér finnst hún alltaf jafn fyndin. Mér finnst handritið nokkuð gott - margar skemmtilegar og áhugaverðar persónur sem tengjast flestar allar á einhvern hátt. Þetta er svona eiturlyfja-unglinga-spennu-mynd og nær hún að halda athygli minni allan tíman. Mörg virkilega góð atriði og skondnar samræður - leikararnir eru alveg að standa sig þrátt fyrir ungan aldur. Tónlistin í myndinni er líka frekar töff - passar vel við stemmninguna hverju sinni.
Hreint ágætismynd um unglinga á eiturlyfjum, unglinga í einkadansi, dópsala, samkynhneygða leikara, rosaskrýtna löggu og konuna hans og fullt af öðru fólki.
Söguþræðinum eru gerð sk…
Hreint ágætismynd um unglinga á eiturlyfjum, unglinga í einkadansi, dópsala, samkynhneygða leikara, rosaskrýtna löggu og konuna hans og fullt af öðru fólki.
Söguþræðinum eru gerð skil frá sjónarhóli nokkurra persóna og er býsna skemmtilega unnið úr því, þó það virki á stundum sem Pulp Fiction- kópíering.
Þessi ræma er svolítið sérstök. Hún er þrískipt, sagðar eru þrjár sögur. Miðsagan er best með svolítilli spennu og hún reddar þessari stjörnu. Maður áttar sig ekki alveg hvað lei…
Þessi ræma er svolítið sérstök. Hún er þrískipt, sagðar eru þrjár sögur. Miðsagan er best með svolítilli spennu og hún reddar þessari stjörnu. Maður áttar sig ekki alveg hvað leikstjórinn hefur verið að hugsa, það er eins og hann hafi ekki alveg vitað hvaða stefnu hann hefur átt að taka. Fyrir vikið er myndin svolítið sundurlaus. Leikararnir standa sig flestir ágætlega.
Þessi æðislega mynd var án efa ein sú besta allt seinasta sumar og ein af þeim bestu allt seinasta ár. Myndin sjálf er ein rússíbanaferð frá upphafi til enda með einni ótrúlegustu fram…
Þessi æðislega mynd var án efa ein sú besta allt seinasta sumar og ein af þeim bestu allt seinasta ár. Myndin sjálf er ein rússíbanaferð frá upphafi til enda með einni ótrúlegustu framvindu sem sést hefur. Go byggir á þeirri lífsspeki að ef þú vilt peninga þá reynirðu að ná þeim á þinn máta og hugsar ekki um afleiðingarnar, ef þú ert í vandræðum, þá kemurðu þér út úr þeim án tillits til afleiðinga gjörða þeirra. Óneitanlega djörf lífsspeki, en umhverfi myndarinnar er í raun frumskógur, þar sem reglur frumskógarins gilda.
Ágætis glæpamynd með gamansömu ívafi sem fjallar um afdrifaríkan sólarhring í lífi aðalpersónanna. Söguþráðurinn er of flókin til að hægt sé að lýsa honum hér í smáatriðum, e…
Ágætis glæpamynd með gamansömu ívafi sem fjallar um afdrifaríkan sólarhring í lífi aðalpersónanna. Söguþráðurinn er of flókin til að hægt sé að lýsa honum hér í smáatriðum, en atburðarásin fer af stað þegar dópsala misheppnast herfilega. Þetta er nokkurs konar ferð um glæpaheima Los Angeles og Las Vegas og maður fær að kynnast mörgum áhugaverðum (en skrýtnum) persónum á leiðinni ásamt þeim brengluðu hlutum sem þau lenda í. Myndin er greinileg gerð fyrir ungt fólk þar sem aðalsmerki hennar eru hraðar myndatökur, dúndrandi rave tónlist, eiturlyfjaneysla og svartur húmor. Uppbygging myndarinnar er meira eða minna fengin "lánuð" frá Reservoir Dogs, hún skiptist í þrjá hluta og í hverjum þeirra sjáum við atburðarás þessa sólarhrings frá sjónarhorni mismunandi persóna. Leikararnir sleppa nokkuð vel frá sínu, þeir eru flestir tiltölulega óþekktir en þó eru nokkur kunnugleg andlit í aukahlutverkum. Ég skemmti mér vel yfir myndinni - hún hefur talsvert afþreyingargildi en skilur samt lítið eftir sig.
Not under 16
Violence
Sex
Drugs
Profanity
