Election (1999)

Því miður eru ekki allir sem skilja húmorinn í þessari mynd, eins og sést vel á frekar efnislítilli gagnrýninni hérna fyrir ofan. Election er ekki grínmynd í þeim skilningi sem American Pie eða There's Something About Mary eru grínmyndir. Þær myndir nýttu neðanbeltishúmor og líkamsmeiðingar til að framkalla hlátur; hérna er það hárbeitt handrit, sterk ádeila og sérlega góður leikur af hálfu bæði Matthew Broderick og Reese Witherspoon. Sagan er í stuttu máli sú að Witherspoon leikur hina óþolandi Tracy Flick, stelpu sem er haldin óhuggulegri framalöngun. Ein af þessum týpum sem gerir allt og gengur vel í því, en allir hata. Og þá sérstaklega sögukennarinn hennar (Broderick). Þegar kemur að kosningum um nemendaráðsformann er Tracy auðvitað í framboði. Kennarinn er nú ekki alveg á því og platar stjörnu fótboltaliðsins (Chris Klein) í mótframboð; hann er sá eini sem gæti borið sigurorð af Tracy. Það er hins vegar miklu meira en kosningarnar í húfi hér. Election er sérlega vel skrifuð og leikin mynd; Alexander Payne á vel skilið Óskarsverðlaunatilnefninguna fyrir sitt fyrsta handrit. Reese Witherspoon hefði átt að hljóta tilnefningu en nei, Meryl Streep VARÐ að fá sína 367. tilnefningu í staðinn. Sjáið þessa endilega, bara ekki búast við American Pie 2 eða tippum í rennilásum.

Election er frábær gamanmynd. Þessir húmorslausu gagnrýnendur hér fyrir ofan mig kunna ekki, eins og Ásgeir Sigfússon bendir svo réttilega á, að meta ALVÖRU húmor. American Pie og There's Something... eru kannski fyndnar en eiga ekki sjens í þessa frábæru satíru þar sem frábært handrit er í fyrirrúmi. Leikurinn er einnig í hæsta gæðaflokki svo og tónlist (sem minnti mig dálítið á early-Danny Elfman) og umgjörð. Þeir sem eru komnir með ógeð á unglingagrínmyndunum ættu að sjá þessa hér.