Who Am I? (1998)

Jackie Chan hefur marg sannað sig sem mikil bardagastjarna í myndum eins og Police Story 1 ,2 ,3 (Super Cop) 4 (First Strike) en nú er komið mjög sjálfstætt framhald af Police myndunum en það er WHO AM I. Myndin fjallar um Jackie Chan hermann sem er sendur í leynilega aðgerð til að stela loftsteinsbroti sem fundinn var í námu í Afríku. Hann er svikinn og lendir í þyrluslysi sem kostar hann minnið og dvelur hann án þess að muna neitt hjá Afrískum þjóðflokki , þangað til minnið fer að koma aftur. Hann kemur svo öllum bak við lás og slá í endann , en leikurinn berst til Hollands nánar tiltekið til Amsterdam þar sem ógleymanlegt lokaatriði er tekið upp á þaki á háhýsi þar sem Jackie berst við Tae kwon do og Kung Fu bardagamenn í mögnuðu atriði. Jackie sýnir hér eins og oft áður að hann ber ekki fram í leik en hinsvegar er hann frábær í Kung Fu. Mæli hiklaust með henni og öðrum Jackie Chan myndum.

Ef þú ert hrifinn af mynd þar 90% myndarinnar er barist þá verðurðu ekki fyrir vonbrigðum með þessa.

söguþráðurinn er einfaldur og maður veit alltaf hvað er að fara að gerast,en þetta er samt ágætis afþreying.

Þegar myndin er búinn skaltu ekki slökva strax vegna þess það koma misheppnuð atriði eftir myndina.

Jackie Chan leikur Jackie Chan sem er sérdeildarmaður í leiniþjónustu sem tekur að sér að stela mjög verðmætum steini sem hefur ótrúlega krafta inni í sér. En þeir eru sviknir og allir deyja nema Jackie að sjálfsögðu, sem missir minnið. Hann verður nú að komast að því hver hann er og koma steininum aftur undir réttar hendur svo að hann valdi ekki óbætanlegum skaða fyrir mannkynið. Þeir sem hafa séð Jackie Chan myndir vita að söguþráðurinn er bara bull enda viðurkennir Jackie það sjálfur. En þeir ættu einnig að vita að myndir hans eru nær alltaf bráðskemmtilegar og með hreint ótrúlegum bardagaatriðum. Þessi er engin undantekning. Myndin er mjög fyndin líka sem sýnir að Jackie Chan er ekki bara frábær bardagamaður heldur einnig hinn fínasti gamanleikari og sumar senurnar í þessari mynd eru bókstaflega drepfyndnar. Maður þarf að bíða dálítið eftir að slagsmálaatriðin byrji en þau eru vægast sagt mögnuð og sennilega ein af þeim bestu sem Jackie hefur gert á ferlinum. Maðurinn er hreint og beint ótrúlegur sé tekið tillit til þess að hann er orðinn 45 ára. Who Am I? er hin besta skemmtun og mæli ég með henni fyrir alla þá sem vilja sjá eitthvað létt og flott í bíó.