Fyrirgefið, en mér stendur ekki á sama, þessi mynd er bara sú lélegasta sem ég hef séð í bíó í mjög langan tíma, ég fór á hana með væntingar, því miður, og var að vona að eitt…
Fyrirgefið, en mér stendur ekki á sama, þessi mynd er bara sú lélegasta sem ég hef séð í bíó í mjög langan tíma, ég fór á hana með væntingar, því miður, og var að vona að eitthvað yrði varið í hana, en því miður, hún er bara ömurleg. Ég gekk hreinlega út með grátstafina í kverkunum, öllum þessum peningum hefði verið hægt að eyða í eitthvað gáfulegt og skemmtilegt. Í staðinn fáum við geimkúrekann Val Kilmer, sem sýndi enga hæfileika í þessari mynd, Chuck Pfarrer skrifaði handritið örugglega með því að klippa saman handrit úr öllum (þá meina ég öllum) vísindaskáldsögum síðustu fimmtán ára og við stjórnvölinn situr Anthony Hoffman, sem getur ekki ákveðið sig hvort hann sé að stýra Alien, Terminator, 2001, Armageddon eða Space Cowboys. Þetta er leitt og öll myndin virðist vera uppbyggð á þann hátt að Kilmer sé hetjan, harður og tilfinninganæmur í senn og einhvern veginn er öllum hugmyndum í handriti safnað saman og hrært í með vellu. Ef þið farið á þessa mynd, í guðanna bænum farið á hana með því hugarfari að hún sé kennslumyndband í því hvernig eigi ekki að gera kvikmynd.
Stórskemmtileg vísindaskáldsaga sem gerist árið 2050 og segir frá nokkrum geimförum á Mars og þeirra ýmsum vandamálum. Val Kilmer heldur myndinni uppi með afbragðsgóðum leik og er tvím…
Stórskemmtileg vísindaskáldsaga sem gerist árið 2050 og segir frá nokkrum geimförum á Mars og þeirra ýmsum vandamálum. Val Kilmer heldur myndinni uppi með afbragðsgóðum leik og er tvímælalaust aðalstjarna myndarinnar. Drungalegur stíll og snilldar stemning bæta upp fyrir örlítinn skort á innihaldi. Undirritaður mælir sterklega með Red Planet og er hún með betri myndum sem eiga að gerast á Mars en þó eru þær ekki margar.
Ég verð að segja að ég var bara þokkalega ánægður með Redplanet miðað við allt það sem ég hafði heyrt um hana. Hún er þó ekki neitt til að hrópa húrra fyrir en er þó ágætis …
Ég verð að segja að ég var bara þokkalega ánægður með Redplanet miðað við allt það sem ég hafði heyrt um hana. Hún er þó ekki neitt til að hrópa húrra fyrir en er þó ágætis afþreying og er það ekki það eina sem við viljum. Maður fær það á tilfinningunni að í byrjuninni á myndinni sé verið að flýta sér með persónukynningar til að geta komið myndinni af stað. En þegar því er lokið þá fer allt á stað og myndinn verður ágætlega spennandi. Þó að myndinn sé ekkert meistarastykki þá er hún allavegna 5 stjörnum betri heldur en Mission to Mars sem að mér finnst var alveg hryllileg.
Þetta er fín mynd með Val Kilmer og allavega skárri en Mission To Mars og hinar geimmyndirnar sem ég hef séð, mjög góð mynd en hún fjallar um hóp sem ætlar til Mars. En eitthvað misheppn…
Þetta er fín mynd með Val Kilmer og allavega skárri en Mission To Mars og hinar geimmyndirnar sem ég hef séð, mjög góð mynd en hún fjallar um hóp sem ætlar til Mars. En eitthvað misheppnast því lendingin er svo harkaleg að hópurinn missir öll hjálpartækin og samskiptatæki sín við jörð. Ágætis mynd.
Hún kom mér mjög á óvart þessi mynd. Ég hélt að þessi mynd myndi vera eins og Mission to Mars en svo var nú ekki. Val Kilmer, Carrie-Ann Moss og allir hinir eru mjög góð í sínum hlutve…
Hún kom mér mjög á óvart þessi mynd. Ég hélt að þessi mynd myndi vera eins og Mission to Mars en svo var nú ekki. Val Kilmer, Carrie-Ann Moss og allir hinir eru mjög góð í sínum hlutverkum og myndin er mjög spennandi á tímum.
Hálfu ári eftir að ófögnuðurinn Mission to Mars var frumsýnd er hér komin önnur mynd með afar svipaðan söguþráð. Góðu fréttirnar eru að Red Planet er talsvert betri en sú fyrrnefnd…
Hálfu ári eftir að ófögnuðurinn Mission to Mars var frumsýnd er hér komin önnur mynd með afar svipaðan söguþráð. Góðu fréttirnar eru að Red Planet er talsvert betri en sú fyrrnefnda (enda þarf lítið til). Hún gerist í framtíðinni og fjallar um mannaðan leiðangur til Mars sem framtíð mannkynsins veltur á. Þegar leiðangurinn nálgast plánetuna byrja hlutirnir að fara úrskeiðis og í ljós kemur fljótlega að Mars á sér ýmsa leyndardóma. Handritið verður seint talin snilld - ein eða tvær góðar hugmyndir er þar að finna en að öðru leiti er of mikið af atburðarásinni hönnuð til þess að halda aðalpersónunum uppteknum án þess að keyra söguna áfram. Carrie-Anne Moss sem er flestum velkunn sem Trinity úr The Matrix leikur stjórnanda leiðangurins og á jafnframt heiðurinn af bestu leikframmistöðunni hér. Val Kilmer og restin af leikhópnum kemst þokkalega frá sínu og miðað við efniviðinn er ekki hægt að gera mikið meiri kröfur. Tæknibrellur eru á köflum tölvulegar en þjóna sínum tilgangi. Hljóðrás er einnig góð þó hún gangi mest á að dúndra eins miklum hávaða í eyru áhorfenda og hægt er. Myndin er reyndar alveg ágætis afþreying en það er pirrandi að sjá þeim möguleikum sem grunnhugmyndin um fyrsta mannaða leiðangurinn til Mars býður upp á klúðrað aftur. Ég skelli tveimur og hálfum stjörnum á hana og set þann fyrirvara á að ég er dálítið hlutdrægur gagnvart sci-fi myndum.
