Dungeons & Dragons (2000)

Já já, ég fór á þessa mynd bara vegna þess að ég hafði ekkert annað að gera, og líka vegna þess að ég er ágætlega mikill D&d aðdáandi, ( nei ég spila ekki spilið - enda er það bara fyrir nörda sem eiga ekkert líf ) en ég hef spilað tölvuleikina, Baldur´s gate og hið ágæta framhald hans, Shadows of Amn, en ég ætla nú ekki að fara út í það. ( Icewind Dale var ekkert spes samt! ) Og ég var forvitinn að vita hvort myndin svipaði eitthvað leiknum, s.s í sögu og dýpt. En svo reyndist ekki vera. Þetta er svona aum B-mynd ef svo má að orði komast, tæknibrellur voru ekkert sérstaklega flottar ( alltof gervilegar ! ) og eins umhverfið, og búningar. Svo er þarna svertinginn úr Scary Movie, svona týpiskur sniðugur og skondinn svertingi, sem á að setja húmor í annars alvarlega mynd. En hann gengur bara ekkert upp, það passar ekkert að hafa einhvern fyndinn Scary movie gjæa í þessu ( þó hann hafi stytt stundir manns í bíóinu ! ). Leikararnir eru skelfilegir, nema Jeremy Irons, sem var þó lítið í myndinni. Málið er bara að framleiðendur taka svona myndir ekkert alvarlega, og þessvegna er fengnir svona b-mynda leikstjórar fyrir litla peninga. Og allt við þessa mynd er B-legt. Ekki fara nema þú sért nörd sem á allar D&d bækurnar. Í alvöru!!

Ég er ekki beint sammála fyrri umfjöllun. Myndin er kannski ekki sú besta, en hún hefur upp á margt að bjóða. Söguþráðurinn skilar sér vel og leikur er bara þokkalegur. Sagan er sögð með hraða og á köflum hægt. Myndataka frumleg og lýsing og hljóð ágætt. Mynd sem vert er að sjá.

Ég er algjörlega ósammála þessum virtu aðilum sem skrifa hér á undan mér. Þessi mynd er mjög góð ÆVINTÝRAMYND, og eftir því sem ég best sé, þá er fólkið hér að ofan ekki mikið fyrir myndir af því tagi og ættu því bara að fara og sjá eitthvað annað og menningarlegra fyrst það er svona rosalega fullorðið... Leikurinn í myndinni er kannski ekkert rosalega góður, en mér finnst hann sleppa, og hvað viðkemur söguþræði, þá er þetta eini söguþráðurinn sem ég sé að gangi upp, þetta er saga um hetju og því ekkert skrítið að söguþráðurinn gangi út á það. Tæknibrellur eru frekar vel útfærðar.

D&D er ævintýramynd fyrir fólk á öllum aldri sem kann að varðveita barnið í sér. Myndataka og sviðsmynd er flott og tæknibrellurnar glæsilegar. Sagan er bæði spennandi og skemmtileg. Allir sem voru með mér í bíó voru sammála um að þetta hefði verið mjög góð afþreying. Það þurfa ekki allar bíómyndir að ganga út á að tuða um vandamál samfélagsins í heimspekilegri dýpt. Flest viljum við njóta þess að eiga skemmtilega stund við og við og hvað er betra til þess en gott ævintýri ? En ef þú ert búinn að týna barninu í þér og tekur lífið of alvarlega þá skaltu fara að sjá eitthvað annað !

Ef ég ætti að nota eitt orð til að lýsa þessari mynd þá væri það líklegast orðið "dauðasynd". Hversu ítarlega sem ég þræði lendur huga míns í leit að einhverjum jákvæðum hlut til að segja um þessa mynd þá mun mér aldrei takast það. Söguþráðurinn gæti þess vegna verið stolinn úr Andrésblaði, leikurinn er hreint og beint vandræðalegur og meira að segja tæknibrellurnar (sem yfirleitt er eina skrautfjöður sambærilegra mynda) eru ódýrar og passa illa inn í atriðin. Sér í lagi stingur Marlon Waynes í stúf og fellur hann álíka vel inn í umhverfi sitt og geimfar í sundlaug. Ég sé eftir hverri krónu sem fór í að kaupa mig inn á þessa ómynd og það er nokkuð ljóst að Solomon leikstjóri kemur ekki til með að vaða í jafn miklu gulli og nafni hans gerði.