Apocalypse Now (2001)

Þetta er betri klippt útgáfa af Apocolypse Now,það er bætt upp á tæknibrellurnar og hljóðið. Hermaðurinn Willard (Martin Sheen) á að finna hershöfðingja (Marlon Brando) sem er talinn hafa misst vitið í Víetnam og hann á að drepa hann. Myndin byrjar á því að napalm sprengja sprengir heilan skóg í loft upp þannig að hægt er að gefa í skyn að myndin sé þunglyndisleg. Skotbardagarnir eru rosalegir og þá er bætt inn í tónlist með Wagner (sem kemur óeðlilega vel út) en Coppola leikstýrði vel þannig að það er óhætt að mæla með þessari mynd fyrir alla kvikmyndaunnendur.

Hér er komin lengri og tæknilega endurbætt útgáfa af meistaraverki Francis Ford Coppola, Apocalypse Now. Myndin er 49 mínútum lengri en upprunalega útgáfan og þeim mun magnaðri.

Ég held að það sé ekki ofsögum sagt að hér sé á ferðinni ein allra besta kvikmynd sögunnar. Coppola tekst á undraverðan hátt að skapa andrúmsloft sem á sér vart hliðstæðu. Það er þéttur stígandi í myndinni og geðveikin magnast eftir því sem á líður.

Myndin ber sterk höfundareinkenni Coppola en það eru langar og oft hægar senur. Myndin er einstaklega vel leikin enda ótrúlegur hópur leikara sem kemur við sögu. Martin Sheen, Dennis Hopper, Harrison Ford, Robert Duvall og Laurence Fishburne standa sig allir mjög vel. Sérstaka athygli vekur samt frammistaða Marlon Brando. Hann vinnur enn einn leiksigurinn í frekar litlu en krejandi hlutverki.

Ég nenni að horfa á myndir og í þessu tilviki er ekki um að ræða einhvern rússíbana heldur mynd sem þú verður að nenna að horfa á. Þessi aukaatriði sem bera fyrir sjónir í Redux eru ágæt og gaman að sjá þau en breyta heildarmyndinni ekki neitt. Þau gefa meiri dýpt í myndina og framlengja konfektinu. Leikarar eru í úrvalsflokki og eru þar Martin Sheen og Duvall fremstir. Málið er textinn sem settur er í munninn á þeim. Hann er framúrskarandi snilld. Allar pælingarnar um stríðið og hvað það er að gera mönnum, það er aðal málið við þessa mynd. Það er einsog sá sem samdi handritið hafi farið illa á stríðinu og talað við menn sem drápu börn og húsdýr í nafni réttlætis og upprætingar á kommúnisma. Brando er sjúklegur. Þegar hann hverfur af skjánum vill maður strax meira af honum, mistíkin er áþreifanleg. Í alla staði sjúkleg mynd.

Þetta er mjög góð mynd en eins og hin myndin þá er hún svolítið langdreigin. En það eyðileggur ekkert myndina. Frægt sinfoníulag er í henni man ekki eftir hvern en það brillerar í einu bardaga atriðinu. Mæli með þessari !

Ég viðurkenni að ENDURBÆTTA útgáfan, Redux, hafi ekki verið jafn góð og upprunarlega. Redux var mikið lengri og langdregnari. Sjáið frekar venjulegu útgáfuna og látið þessa eiga sig...

úff! ég er enþá að vakna uppúr þessu. Þvílík Snilld.

Ég get svo svarið það, að hafa gert svona góða mynd fyrir svo mörgum árum sem hún var gerð. Reyndar hef ég aldrei séð fyrri myndina og bjóst ekki við neinu af þessari mynd, eina sem ég hafði heyrt um hana var bara svona sound dæmi af netinu I love the smell of napolm in the morning :)

Sálfræðileg mynd mjög og bara hinn besta skemmtun, ath.. poppiði tvo poka í stað eins því að hún er 3 tímar.

Kú´l end ðí geng mynd!

Apocalypse Now er (og verður) alltaf sama klassíkin. Hún hefur elst mjög vel í gegnum tíðina og er enn að mínu mati ein raunverulegasta, áhrifaríkasta, myrkasta og besta stríðsmynd sem gerð hefur verið. Leikurinn er magnaður að flestu leyti (í dag ættu flestu andlitin að vera afar kunnug; þar má nefna Robert Duvall, Dennis Hopper, R. Lee Ermey, Laurence Fishburne (sem var aðeins 18 ára þarna), Harrison Ford, Martin Sheen og auðvitað Marlon Brando), kvikmyndatakan er mjög góð, samtölin eru vandlega skrifuð og tónlistin er alveg stórkostleg. Persónur myndarinnar eru allar einstakar og áhugaverðar, og þótt söguþráðurinn sé þunnur sem enginn, þá er ótrúlegt hvernig unnið er úr honum og það hefði engum öðrum tekist eins vel og Coppola. Myndin hefur mér alltaf þótt voðalega löng, en samt aldrei neitt langdregin. Endurbætta útgáfan (REDUX) er hvorki meira né minna en 50 mínútum lengri (hún er þá í svona ca. 3½ tíma samtals), þar sem búið er að troðfylla hana af senum sem voru ekki í upprunalegu útgáfunni. Að upplifa Redux-útgáfuna í bíói og stórum sal var að vísu glæsilegt, og sömuleiðis með að horfa á nýju atriðin. En mér fannst samt vera alger óþarfi að Coppola skuli hafa teygt svona hrikalega úr myndinni. Flestar nýju senurnar eru góðar og passa vel inn í söguna, en margar þeirra eru líka ónauðsynlegar, langdregnar og bara hundleiðinlegar og draga myndina mikið niður, og maður fer auðveldlega að skilja hvers vegna Coppola notaði þær ekki fyrst. Þess vegna finnst mér Redux örlítið verri, því hún gerði myndina bara alltof langa. En góðu kostirnir eru þeir að hljóðið er margfalt betra, myndgæðin eru að sjálfsögðu flottari og hér fáum við líka að sjá meira af Marlon Brando (sem kemur með alveg rosalega sterka frammistöðu). Apocalypse Now sýnir samt hversu góðar stríðsmyndir geta verið án þess að sýna fjölda blóðsúthellingar, ofbeldi og annað slíkt. Coppola leggur meiri áherslu á mannlega þáttinn, og hann sagði m.a.s. sjálfur að þegar horft er á myndina líður manni eins og að maður sé að upplifa stríðið sjálft í raun og veru, og ég tek alveg undir það. Svo raunveruleg er myndin. Hún er vel gerð, stórkostleg í útliti og verulega áhrifamikil. Þeir sem kunna sko að meta meistaraverk verða að sjá Apocalypse Now, hvort sem það er upprunalega eða Redux útgáfan, en persónulega mæli ég frekar með upprunalegu útgáfunni.8/10

Apocalypse Now verður betri í endurbætingunni með hverri sekúndu. Betra hljóð, brellur og klipptu senurnar koma á tjaldið. Það er langt síðan hún kom til Bandaríkjanna og á ég þessa á DVD en samt sjáðu þessa endurbætingu.