*************Já það er Spoiler !!!!!**************
Interview with the Vampire er byggð á bók eftir Anne Rice, ég er ekki búinn að lesa bókina en ég veit samt að bókin er pot…
*************Já það er Spoiler !!!!!**************
Interview with the Vampire er byggð á bók eftir Anne Rice, ég er ekki búinn að lesa bókina en ég veit samt að bókin er pottþétt svipað góð því annars verður myndin aldrei góð. Í myndinni sjáum við söguna frá sjónarhorni Louis de Pointe du Lac (Brad Pitt). Daniel Malloy (Christian Slater) er að taka viðtal við Louis og þá fær hann alveg svakalega góða sögu (Öll myndin).
Lestat de Lioncourt (Tom Cruise) er vampíra og kemur auga á Louis og fer svo að elta hann í smá stund og þegar rétta tækifærið gefst þá bítur Lestat, Louis og býður honum mjög gott boð, svona í fyrstu, að gerast vampíru og lifa af eilífu eða að hann drepur hann. Louis er mjög viðkvæmur að þurfa að taka mannslíf (Drepa) þannig hann er til mikilla vandræða fyrir Lestat því að hann er atvinnumaður í að drepa og gera þannig stuff.
Einn dag þá lenda Louis og Lestat í smá rifrildi og Louis fer út í fýlu og þá sér hann stelpuna Claudia (Kirsten Dunst) og hann missir sig og fer að drekka hennar blóð, svo verður Lestat vitni af því og þá fer Louis en Lestat tekur stúlkuna og þeir ákveða svo í sameiningu að láta hana lifa og verða ein af þeim. Þegar þau þrjú Louis,Lestat og Claudia eru búin að lifa í mörg ár jafnvel öld, þá fær Claudia svo mikla leið á Lestat þannig að hún fer og drepur hann. Svo lifa þau Claudia og Louis í margar aldir að leita að öðrum vampírum og svo skyndilega þá hitta þau elstu vampíruna sem er eftir lifandi Armand (Antonio Banderas) og hans fylgis vampírur. Þegar þau lenda líka í miklu rifrildi og þá drepur hópurinn hans Armand, Claudia . Eftir það þá verður Louis aðeins einn. Svo kemur bara endirinn
***********Spoiler búinn***********
Interview with the Vampire er mjög áhugaverður söguþráður og allt svo mjög vel heppnað að öllu leyti og svo hvernig þetta allt stemmir. Leikararnir allir standa sig eins og hetjur sérstaklega Kirsten Dunst og Tom Cruise þau voru lang best í myndinni að mínu mati. Svo kemur Brad Pitt þarna á eftir, við vitum það öll að Brad Pitt er mergjaður leikari og þá á hann að geta gert miklu betur en hann gerði í myndinni. Þetta er svo allra besta hlutverk sem Kirsten Dunst hefur tekið að sér og hún á skilið stórt hrós.
Interview with the Vampire er margverðlaunuð mynd og hún á það svo mikið skilið og hún ætti að fá miklu fleiri Óskara en bara tvo. Hver kannast ekki við vampírur og varúlfa og þess háttar ævintýri, hérna sjáum við þá allra bestu vampíru kvikmynd sem hefur verið gerð frá upphafi. Twilight er drasl og hefur alltaf verið það og svo förum við að meta þessar tvær myndir Twilight vs. Interview with the Vampire, hver heldurðu að útkoman verði ? Twilight neeei alls ekki því að Interview with the Vampire er betri á alla kanta sem eru til. Ég er ekki alveg að sjá hvað stelpur eru að dást yfir vitlausum myndum eins og Twilight í staðinn er miklu gáfulegra að dást af Interview with the Vampire því hún er meistaraverk annað en Twilight. Það vita allt of fáir um myndina því miður, við ættum að skella henni aftur í bíó (Bíó Paradís, Mánudagsbíó) því hún er feit klassísk.
Fólk sem er að neita því að horfa á Interview with the Vampire er að missa af svo miklu að það er ekki eðlilegt. Þegar ég sá myndina fyrst þá sagði ég "Þetta er fokk góð mynd, af hverju er ég ekki búinn að sjá hana fyrr ". Já af hverju var ég ekki búinn að sjá hana fyrr ? Ég sé bara efir því að ekki reynt að ná sambandi við stykkið en ég er búinn að sjá hana og kaupa hana núna. Ég sé svo sannarlega ekki eftir því að eitt mínum 123 min svona vel og þá á þessa mynd. !
Einkunn: 9/10 - "Ef Brad Pitt hefði gert sig besta þá væri þetta bara 10 en því miður gerði hann það ekki, ef þú ert ekki búinn að sjá hana þá skaltu gera það sem fyrst - þú munt ekki sjá eftir því"
Interview with a vampire er ein af bestu myndum sem ég hef séð. Allir fara snilldarlega með hlutverk sín, sérstaklega Kirsten Dunst, Brad Pitt, Tom cruise og Antonio Banderas en mér finnst reyn…
Interview with a vampire er ein af bestu myndum sem ég hef séð. Allir fara snilldarlega með hlutverk sín, sérstaklega Kirsten Dunst, Brad Pitt, Tom cruise og Antonio Banderas en mér finnst reyndar Christian Slater alltaf svo ogeðslega leiðinlegur. Ef þið eruð ekki búin að sja þessa þá verðiði ad drífa í því annars missiði af miklu ein besta mynd allra tíma.
Á þessa SNILLDARMYND á spólu og er búinna að horfa svo oft á hana að ég þurfti að taka mér pásu í smá tíma. Anne Rice er sjálf að skrifa handritið að þessari dásemd og gerir það fantavel, enda er þetta hennar saga og hún veit hvað hún vill á skjáinn. Umhverfi og sviðsmynd er alveg ofboðslega skemmtilegt og tekur maður ekki eftir neinum villum í upppsetningu á því (þó að ég sé ekki neinn sérfræðingur í þeim efnum). Búningar eru flottir og greynilegt að þar hefur engu verið til sparað og allt verið gert af fremstu fagmönnum. Ég er búinn að sjá MARGAR vampírumyndir og hef gaman af viðfangsefninu, Þó að ég sé enginn ofstækismaður í þeim efnum. Flestar, ef ekki allar þessar nýjustu vampírumynda er bölvað sorp, og er þar leikurinn á aftasta bekk. Aftur á móti er allur leikur í þessari mjööög góður og skemmtilegt að fylgjast með persónum, en ekki leikendum. Það hepnast ekki svona vel bara af því að leikaravalið er magnað; heldur útaf frábæru handriti og fínni tilsögn leikstjóra. Þeir hafa tekið sér langann tíma í að fá það besta úr hverjum karakter og fínslípa svo allt saman. Þar koma fínar tennur vampíranna sterkar inn, því að það er ekkert eins pirrandi og vampírumynd þar sem að allt er eyðilagt með ónýtum vígtönnum. Brad Pitt er að leika sitt hlutverk ógeðslega vel, er engin furða að hann hafi verið fenginn í að leika Louy. Vampírur eiga víst að vera ólýsanlega fallegar. Það er Pitt í þessari mynd (ekki misskilja), og reyndar allir aðrir sem að vampírur leika. Reyndar eru flestir aukaleikararnir minna unnir hvað það varðar, en enginn þeirra er í mikilli nærmynd. Tom Cruise er flottur sem Lestat og nær að fanga hans illa eðli óaðfinnanlega (sem var svo gjörsamlega eyðilagt í Queen of the Damned) og var manni frekar illa við hann en samt ekki. Var lengi að sjá hver það var sem að lék hina ungu Claudiu þar sem að hún er svona ung, en áttaði mig þó á endanum. Þar er magnaður leikur hinnar ungu Kirsten Dunst...ja, alveg magnaður. Eini leikarinn sem að mér finnst ekki standa sig í stykkinu er Steaphan Rea, en það er bara af því að hann er svo leiðinlegur, sama hversu mikið hann leggur sig fram. Tæknibrellurnar eru flottar og mjög vel gerðar miðað við þennan tíma sem myndin er gerð. Þar kemur líka sá leikur hjá handritshöfundi og leikstjóra sterkur inn að ekki eru vampírurnar látnar gera einhverja fáránlega hluti í gífurlegu magni, eins og að fljúga um (sem vampírur) eða að breytast í aðrar skelfilegar skeppnur. Reyndar eru sumar þeyrra látnar lesa hugsanir og einhverjir geta svifið um og enn aðrir geta dáleitt fólk með augnaráðinu einu saman. En þetta eru allt saman hlutir sem að er nauðsynlegt að vera fær um til að geta veitt í matinn. Myndin er þannig kaflaskift að hún verður hálf leiðinleg þegar að Claudia og Louy hitta leikhúsvampírurnar, en sá kafli er eiginlega nauðsynlegur til að sína tilfinningatengsl þeirra tveggja og koma smá fjölbreyttni í allt saman. Skemmtilegastur finnst mér endirinn, þar sem að Lestat er kominn á kreik (efir að hafa verið skorinn á háls og kviknað í honum 150 árum áður) og hefur aldrei verið hressari. Svo bíður hann blaðamanninum val á eilífu lífi- eða dauða.
Ég hef ekki lesið bókina eftir Anne Rice en eins og mér skilst þá fer Interview with the Vampire nokkuð vel eftir bókinni. Ég veit að Anne Rice sjálf skrifaði fyrsta útdráttinn af handr…
Ég hef ekki lesið bókina eftir Anne Rice en eins og mér skilst þá fer Interview with the Vampire nokkuð vel eftir bókinni. Ég veit að Anne Rice sjálf skrifaði fyrsta útdráttinn af handritinu sem var að einhverju leyti breytt af öðrum handritskrifara. Myndin fjallar mest um Louis sem Brad Pitt leikur sem missti eiginkonu og barn sitt og hefur misst allan lífsvilja, í bókinni þá var það víst eitthvað með bróður hans. Louis er nú að eyða öllum eigum sínum í leit að vera drepinn en í staðinn kemur vampíran Lestat leikin af Tom Cruise sem gefur honum val, að deyja eða verða vampíra. Louis velur seinni kostinn, og við fréttamann sem Christian Slater leikur segir hann lífssögu sína og hvernig hann hittir aðra eins og Claudia (Kristen Dunst) og Armand (Antonio Banderas). Þessi mynd og Michael Collins er eina mynd sem ég veit um sem Neil Jordan leikstýrði og ég hef aðeins séð brot úr Michael Collins. Interview with the Vampire hefur frábæra sögusetningu og handrit. Allir leika fullkomlega, sérstaklega Kristen Dunst miðað við aldur. Tom Cruise passaði mjög vel sem Lestat þrátt fyrir að passa kannski ekki í útlitslýsingu Lestat´s í bókinni. Tónlistin eftir Elliot Goldenthal á skilið mikið hrós. Myndin hefur samt sína galla, helst sá að myndin er of stutt. Hún er of klippt, mætti vera hálftíma lengri og segja söguna aðeins rólegra. Annars er Interview with the Vampire klássísk og ein besta vampíru mynd sem til er og ein besta mynd 1994.
Þessi mynd er snilldar vampíru mynd. það er flott þegar að Tom Crusie kemur og bítur Brad Pitt og spyr hann hvort hann vilji deyja eða hvort hann vilji eilíft líf. síðan er flott að sjá …
Þessi mynd er snilldar vampíru mynd. það er flott þegar að Tom Crusie kemur og bítur Brad Pitt og spyr hann hvort hann vilji deyja eða hvort hann vilji eilíft líf. síðan er flott að sjá þegar þau bíta annað fólk og breyta því þá deyr allt mennlegt í þeim og þau breytast í vampírur. síðan drepa þau Brad og litla stelpan han Lestat og fara úr landinu og leita í mörg ár að öðrum vampírum og finna þær loks þegar þau eru hætt að leita að þeim og þau drepa litlu stelpuna og konu sem hún lét hann Brad breyta og loka hann inní vegg í líkkistu síðan kemur hann Antonio og tekur hann úr veggnum síðan um kvöldið þá fer hann Brad inní húsið þeirra og drepur allar vampírunrnar þar. síðan alla myndina þá er hann að tala við fréttamann og í lokin á viðtalinu þá er fréttamaðurinn voða hrifinn af sögunni og fer að spyrja hann að mörgu og Brad verður fúll og spyr hann hvort hann vilji verða matur fyrir hina ódauðlegu og hverfur síðan. síðan fer frétamaurinn í burtu og er að fara yfir brú þá kemur Lestat og bítur hann. þessi mynd er mjög góð og ég mæli með henni.
Ferlega góð mynd, reyndar var það fyrir tilviljun að ég sá hana. Ég var veðurteppt hjá frænda mínum og hafði ekkert að gera,sá hana á Skjá einum.
Þetta fjallar um Louis (Brad Pit…
Ferlega góð mynd, reyndar var það fyrir tilviljun að ég sá hana. Ég var veðurteppt hjá frænda mínum og hafði ekkert að gera,sá hana á Skjá einum.
Þetta fjallar um Louis (Brad Pitt) Hann hittir blaðamann sem hann ákveður að segja sögu sína. Fyrir möfg hundruð árum hafði Louis verið bitinn af vampírunni Lestat (Tom Crusie). Louis leið illa og vill ekki drepa neinn og lifir á rottum. En dag nokkurn ,eða um nótt þar sem vampírur þola ekki sólarljós, þá bítur hann 12 ára stúlku, Claudiu (Kirsten Dunst) hún breytist einnig í vampíru og um stund lifa þau þrjú sem ein fjölskylda. Þar til Claudia verður leið á Lestat. Louis og Claudia flakka um heiminn eftir það. Þau hitta margt fólk eins og vampíruna Armand (Antonio Banderas). Þetta er góð mynd sem mig langar að sjá aftur.
Interview with the vampire er einstaklega sérstök mynd sem er mjög ólík öðrum vampíru myndum því þetta er mynd um vampíru semvill láta víta af sér sem vampíra þó hún labbi ekki um o…
Interview with the vampire er einstaklega sérstök mynd sem er mjög ólík öðrum vampíru myndum því þetta er mynd um vampíru semvill láta víta af sér sem vampíra þó hún labbi ekki um og segji öllum frá því þá er hann að láta vita af sér með því að gefa rithöfundi tækifæri til að gera viðtal við hann sem er þá orðinn 200ára Louis sem er aðalsöguhetjan.Loise var bitinn af lestat sem er mjög vel leikinn af tom cruise. Margir frægir leikarar koma fram í þessari myndþar á meðal Brad pitt,Tom cruise,Kirsten dunst,Antonio banderas og margir aðrir...
Interview With A Vampire er dramatísk og ofbeldisfull hrollvekja með gæðaleikurum. Rithöfundur er að taka viðtöl við fólk og hann tekur viðtal við vampíru (Brad Pitt,Snatch,Fight Club,Sev…
Interview With A Vampire er dramatísk og ofbeldisfull hrollvekja með gæðaleikurum. Rithöfundur er að taka viðtöl við fólk og hann tekur viðtal við vampíru (Brad Pitt,Snatch,Fight Club,Seven). Vampíran segir honum frá sögu sinni sem gerist á nítjándu eða sautjándu öld. Hann er reiður við lífið og vill deyja en hittir mann að nafni Lestat (Tom Cruise,The Last Samurai,Mission Impossible) sem er vampíra og bítur hann og gerir hann líka að vampíru. En lífið hans verður ennþá ömurlegra og vandinn er að hann getur ekki drepið sjálfan sig eða orðið drepinn. Myndin er óeðlilega vel leikin og tæknibrellur og búningagerð ekki síðri.
Ef það er einhver mynd sem ég gæti horft á aftur og aftur, þá er það þessi.
Leikararnir eru valdir frábærlega, og Kirsten Dunst (Claudia) er frábær!! Það eru ekki allir ungir krakka…
Ef það er einhver mynd sem ég gæti horft á aftur og aftur, þá er það þessi.
Leikararnir eru valdir frábærlega, og Kirsten Dunst (Claudia) er frábær!! Það eru ekki allir ungir krakkar sem geta sýnt allar þessar tilfinningar, og þegar hún klippir á sér hárið og kemst svo að því að það vex strax aftur var snilldar atriði, maður sá bókstaflega hatrið í augunum á henni þegar hún kom öskrandi framm.
Og það allra besta með henni var þegar hún eldist, hún sýndi það að hún var kona innst inni þó hún liti út fyrir að vera barn.
Antonio Banderas-Armand var snilld líka, hvernig hann lék Armand og hann skilaði því fjári vel. Það var eins og hann væri ekki mannlegur, heldur alvöru vampíra.
Brad Pitt-Louis....hann skilaði því mjög vel, það sást að hann var ekki eins og aðrar vampírur, hann var mennskari og vildi ekki drepa, hann hafði sérstakar tilfinningar í garð ódauðlegra manna.
Tom Cruise-Lestat..persónulega fannst mér að Lestat ætti að vera dökkhærður, en í bókum Anne Rice er hann ljóshærður og ég ætla ekkert að vera að spilla því. Tom hefur ekki alltaf heillað mig og mér hefur aldrei litist á hann.....þar til ég sá Interview with the vampire, þá heillaði hann mig upp úr skónum. Þegar hann leikur Lestat þá getur maður ekki annað sagt en Hann er Lestat.
Besta atriðið sem ég sá í myndinni með honum var þegar hann var að spila á pianóið eftir að Claudia hafði drepið hann og hent honum út í mýrina. Þetta var flott atriði hvernig vindurinn feikti gardínunum frá svo hægt og rólega sást í hann þegar hann var að spila.
Þetta er aðeins brot af því sem ég get sagt um myndina, en ég vil ekki hafa þetta langt.
Myndina var frábær á alla kannta, myndina er mjög vel gerð eftir bókinni, ekkert vantar sem skiptir máli og ekkert er óþarfi. (Anne Rice var líka mjög ánægð með myndina ;) ) Interview with the vampire á svo sannarlega skilið 4 stjörnur og meira til.
Vampírur hafa alltaf verið vinsælar í kvikmyndum. Fyrr á tímum voru þær oftast um Dracula greifa og ævintýri hans en eftir sem kvikmyndirnar urðu fleiri breittust vampírurnar meira, myndir…
Vampírur hafa alltaf verið vinsælar í kvikmyndum. Fyrr á tímum voru þær oftast um Dracula greifa og ævintýri hans en eftir sem kvikmyndirnar urðu fleiri breittust vampírurnar meira, myndirnar fóru að haga sér einsog þær vildu. Stundum þoldu þær hvítlauk, stundum krossa og svo framvegis. Í bókunum ‘The Vampire Chronicles’ sem Anne Rice byrjaði að skrifa árið 1976 með bókinni “A Interview With A Vampire” er mikið um umbreytingar á vampíru þjóðsögunum. Vampírurnar hafa vígtennurnar ennþá, blóðþorstann og sólarfælni en trúin skiptir ekki eins miklu máli og hún gerði og stika í hjarta virkar ekki.
Vampíru bækurnar hennar Anne urðu óhemjuvinsælar og það var bara tímaspursmál hvenær einhver af þeim(þær eru orðnar 6 núna) yrði kvikmynduð. Loksins árið 1994 var fyrsta sagan kvikmynduð.
A Interview With the Vampire er sögð frá sjónarhorni Louis (Brad Pitt). Hann hefur lifað í 200 ár og er að segja blaðamanni sögu sína. Hann byrjar að segja frá árinu 1791 í Louisiana, þar verður Louis fórnarlamb vampírunnar Lestat (Tom Cruice). Lestat bítur hann en leifir honum að velja, dauðann eða eilíft líf sem vera næturinnar. Louise velur það seinna, sú ákvörðun sá hann alltaf eftir.
Louis hefur ekki samviskuna strax í að drepa fólk til að seðja hungrinu svo hann lifir á smá dýrum á borð við rottur. En það er ekki nóg svo á endanum grefur hann sig í hálsinn á 12 ára gamalli stelpu, Claudiu (Kirsten Dunst). Lestat gefur henni svo bölvunina, eilíft líf til þess að hún geti orðið sem dóttir þeirra og í eitthvern tíma eru þau ein stór hamingjusöm fjölskylda en Claudia gefst upp á Lestat svo að hún og Louise flýja frá honum.
Flestir leikararnir eru mjög góðir. Brad Pitt er mjög góður sem Louis sem er hálfgerður væskill, Antonio Banderas kemur aðeins fyrir sem vampíran Armand, Christian Slater er blaðamaðurinn og Kirsten Dunst (Spider-Man) er frábær. En sá sem á mestan heiður skilið er Tom Cruise. Vampíran Lestat er illmennið í myndinni en hefur samt sínar góðu hliðar og því skilar Tom Cruise vel á skjáinn.
Myndin er mjög góð. Handritið eftir Anne Rice er mjög gott, þó að margir segja að það sé langdregið á köflum, en ég er ekki sammála því. Hún hefur gotneskan stíl yfir sér, með góðri leikstjórn eftir Neil Jordan (The Crying Game) og frábæru tónlistarþemu eftir Elliot Goldenthal. Myndin hefur líka mjög einstakt útlit þökk sé kvikmyndatökumanninum Phillipe Rousselot og framleiðslu hönnuðinum Dante Ferretti.
En það sem mér finnst allra best við kvikmyndina er endirinn, ég get auðvitað ekki sagt neitt um hann en lagið “Sympathy for the Devil” kemur þar við sögu.
Snilld, snilld, snilld, snilld og ekkert nema snilld. Þetta er frábær mynd og hún er strax orðin ein af mínum uppáhalds myndum. Brad Pitt og Tom Cruise eru flottir en mest dáðist ég þó að…
Snilld, snilld, snilld, snilld og ekkert nema snilld. Þetta er frábær mynd og hún er strax orðin ein af mínum uppáhalds myndum. Brad Pitt og Tom Cruise eru flottir en mest dáðist ég þó að Kirsten Dunst sem lék litlu stelpuvampíruna. Hún lék þetta erfiða hlutverk rosalega vel. Þetta er hæfilega ógeðsleg og hæfilega sorgleg mynd fyrir minn smekk. Þetta er rosalega góð mynd og ef að þú ert ekki búin(n) að sjá hana þá mæli ég eindregið með því að þú gerir það.
Frumleg og áhugaverð mynd sem er eiginlega ekki hrollvekja heldur nokkurskonar blóðsugudrama. Pitt, Cruise og Banderas standa sig vel sem þrjár blóðsugur en Slater er í mjög daufu hlutverki …
Frumleg og áhugaverð mynd sem er eiginlega ekki hrollvekja heldur nokkurskonar blóðsugudrama. Pitt, Cruise og Banderas standa sig vel sem þrjár blóðsugur en Slater er í mjög daufu hlutverki sem blaðamaður og virðist hann leika alltaf sömu týpuna. En jæja, Þetta er vel heppnuð mynd og ég fílaði hana nógu vel.
Algjör skylda fyrir alla að sjá þetta þvílíkt vel gerða meistaraverk eftir Neil Jordan. Tom Cruise og Brad Pitt alveg frábærir í myndinni ásamt Kirsten Dunst sem leikur litlu stelpuna í m…
Algjör skylda fyrir alla að sjá þetta þvílíkt vel gerða meistaraverk eftir Neil Jordan. Tom Cruise og Brad Pitt alveg frábærir í myndinni ásamt Kirsten Dunst sem leikur litlu stelpuna í myndinni. Topp hrollvekjumynd.
Þegar ég sá þessa mynd fyrst þá varð ég yfir mig hrifin af henni og ég get alltaf horft á hana aftur. Tom Cruise, Brad Pitt, Christian Slater og Kirsten Dunst er alveg óaðfinnanleg í þes…
Þegar ég sá þessa mynd fyrst þá varð ég yfir mig hrifin af henni og ég get alltaf horft á hana aftur. Tom Cruise, Brad Pitt, Christian Slater og Kirsten Dunst er alveg óaðfinnanleg í þessari mynd og er hún ein af þeim bestu myndum sem ég séð á minni ævi og ég hef séð margar myndir!!!!! 4 Stjörnur!!!!
Sem mikil Anne Rice aðdáandi var ég með miklar væntingar til þessarar myndar og stóðst hún þær væntingar nokkurn veginn. Góð myndataka,flottar tæknibrellur og ágætis leikur setur mynd…
Sem mikil Anne Rice aðdáandi var ég með miklar væntingar til þessarar myndar og stóðst hún þær væntingar nokkurn veginn. Góð myndataka,flottar tæknibrellur og ágætis leikur setur myndina í flokk sem mjög fáar hrillings/spennumyndir komast í þ. e. a. s. að vera teknar nokkuð alvarlega.Það eina sem ég var ósáttur með var Tom Cruse sem mér fannst ekki passa í hlutverk Lestat. Lestat á að vera mjög hávaxin með heyðblá augu og mikin þokka........ ég sá lítin asnalegan náunga með litað hár og engan þokka en ég lét það ekki skemma fyrir myndinni sem er yfir heildina mjög góð og skyldu áhorf fyrir alla þá sem hafa áhuga á góðum hryllings/spennumyndum.
