John Q (2002)

Denzel þarf maður að segja eitthvað meira. Hér kemur enn eitt meistaraverkið með Denzel Washington. Denzel leikur mann sem er frekar venjulegur bandarískur verkamaður sem á frekar erfit með að ná endum saman. Hann á konu og einn strák. Þegar strákurinn hans svo skyndilega veikist þegar hann er að spila hafnmarboltaleik byrjar atburðarrásin fyrir alvöru. Þegar komið er á spítalann kemst það í ljós að hjartað í stráknum hans er ónýtt og þarf hann að fá nýtt mjög fljótlega annars mun hann deyja en þar sem aðgerðin er ótrúlega dýr hefur John Q ekki efni á henni leytar nú allra ráða til að afla fjárs fyrir aðgeriðinni. Núna vill ég ekki segja meira til að skemma ekki fyrir þeim sem ekki eru búin að sjá þetta meistaraverk, frábær leikur, gott handrit og góð leikstjórn og ekki og mikil dramatík. Ég mæli með þessari mynd fyrir alla.

John Q Segir sögu John Archibald (Denzel Washington), sem á í erfiðleikum að láta enda ná saman. Svo til að bæta gráu ofan á svart fær svo sonur hans Mike (Daniel E. Smith) hjartáfall í miðjum hafnarboltaleik og í ljós kemur að hann þarf nýtt hjarta til að lifa. John er viss um að tryggingarnar komi til með að dekka þann kostnað sem ígræðslunni fylgir. En þegar tryggingarnar segjast aðeins dekka hluta af þeirri upphæð er útlitið ekki gott þar sem hann verður að leggja fram einn þriðja af þeim 250 þús. $ sem aðgerðin kostar til að koma syni sínum á biðlista. Þar sem hann getur ekki aflað þeirra peninga neitar spítalinn að setja hann á biðlistann, Þetta setur John í þrot þar sem hann sér fram á að þurfa að horfa upp á son sinn deyja, þar sem spítalinn ætlar að útskrifa Mike vegna þess að ekkert er hægt að gera fyrir hann. Þar sem John getur ekki með nokkru móti sætt sig við þessi málalok tekur hann til sinna ráða. Leikstjóri myndarinnar er Nick (sonur John) Cassavetes hefur væntanlega átt auðvelt með að setja sig í spor aðalpersónu myndarinnar þar sem hans eigin dóttir Sasha er á biðlista eftir ígræðslu. Hann notar myndina af vissu leiti sem ádeilu á kerfið en við það að einblína á galla kerfisins og handrit sem mætti vera betra verður þetta aldrei annað en rúmlega miðlungs mynd þrátt fyrir hóp úrvalsleikara.

Ég var nokkuð spenntur fyrir þessari mynd aðallega því Denzel Washington fékk nýlega Óskarsverðlaun fyrir frábæra frammistöðu í kvikmyndinni Training Day. Aðalpersóna myndarinnar er John Quincy Archibald (Denzel Washington) sem kýs að láta bara kalla sig John Q. Hann á konu sem heitir Denise (Kimberley Elise) og ungan dreng sem heitir Michael (Daniel E. Smith). Fjölskyldan nær mjög vel saman enn allt fer í uppnám þegar sonur hans fær hjartaáfall í miðjum hafnaboltaleik. John reynir að bregðast eins rólega við og hann getur til að byrja með en þegar honum er neitað um hjartaígræðslu fyrir Michael fyllist mælirinn. John kemur vopnaður á spítalann sem sonur hans er á og hótar að drepa gíslana ef sonur hans fær ekki ígræðsluna. Ég varð fyrir frekar miklum vonbrigðum með myndina þó svo að Denzel Washington hafi alveg verið þolanlegur. Leikstjórinn, Nick Cassavetes náði aldrei tökum á því sem hann var að gera þó svo að hann hafi verið með þessa frábæru leikara í kringum sig s.s. Denzel, Robert Duvall, James Woods og Ray Liotta. John Q. er því miður vonbrigði sem fær ekki nema 2 stjörnur hjá mér.