Will Freeman is a good-looking, smooth-talking bachelor whose primary goal in life is avoiding any kind of responsibility. But when he invents an imaginary son in order to meet attractive single moms, Will gets a hilarious lesson about life from a bright, but hopelessly geeky 12-year-old named Marcus. Now, as Will struggles to teach Marcus the art of being cool, Marcus teaches Will that you're never too old to grow up.
Það er sjaldan sem að maður sér breska gamanmynd og verður fyrir vonbrigðum. Sama má því miður ekki segja um þær bandarísku, bretarnir kunna þetta bara.
About a boy er mynd byggð á…
Það er sjaldan sem að maður sér breska gamanmynd og verður fyrir vonbrigðum. Sama má því miður ekki segja um þær bandarísku, bretarnir kunna þetta bara.
About a boy er mynd byggð á samnefndri bók. Hún fjallar um 12 ára strákinn Marcus sem að á nett bilaða móður sem reynir að fremja sjálfsmorð. Honum er strítt mikið í skólanum og á enga vini. Hann er elsti 12 ára krakki í heimi, hann er svo þroskaður og ábyrgðarfullur.
Will er 36 ára gamall karlmaður sem hefur aldrei þurft að vinna á ævi sinni. Pabbi hans samdi lagið Santa's super sleigh og lifir Will á auðæfum þess. Will er ekki heldur heppin í ástum en kemst fljótt að því að það sé mjög sniðugt að hitta einstæðar mæður. Þær eru svo tilfinningalega í rusli eftir slæma fyrrverandi og geta svo aldrei farið í langtíma samband. En hann veit ekki alveg hvar hann á að finna þær, hann sér þá einn daginn auglýsingu um styrktarhóp fyrir einstæða foreldra. Þar býr hann til son sinn Ned og hittir þar einstæðu móðurina Susie.
Þau fara að hittast og fara m.a. með Marcus sem er sonur vinkonu Susie í garðinn. Þann sama dag reynir mamma Marcus að fremja sjálfsmorð og liggja þá leiðir Will og Marcusar saman. Marcus fer alltaf að heimsækja Will eftir skóla til að forðast þunglyndu mömmu sína og hræðilegt einelti. Á milli þeirra tveggja myndast sterk tengsl, þar sem þeir kenna hvor öðrum að haga sér samkvæmt aldri. En hvernig eiga þeir að útskýra vináttu sína fyrir öðrum?
Myndin er alveg frábær, þrátt fyrir dramatíkina þá er hún gamanmynd. Strákurinn sem leikur Marcus er mjög góður í hlutverki sínu og vorkennir maður honum virkilega. Toni Colette stendur sig vel sem mamma Marcusar og sömuleiðis stendur Hugh Grant sig vel sem Will.
About a boy segir frá náunga að nafni Will(Hugh Grant) sem er atvinnulaus og tekjurnar hans koma frá stefgjöldum vegna jólalags sem faðir hans samdi. Okkar maður notar sinn alla frítíma í a…
About a boy segir frá náunga að nafni Will(Hugh Grant) sem er atvinnulaus og tekjurnar hans koma frá stefgjöldum vegna jólalags sem faðir hans samdi. Okkar maður notar sinn alla frítíma í að chilla og hafa það gott en allt það breytist þegar hann kynnist Marcus(Nicholas Hoult) litlum patta sem á móður í sjálfsvígshugleiðingum. Þeir kumpánar verða brátt góðir kunningjar og breyta lífi hvors annars(kræst hvað þetta var klisjulega orðað hjá mér). Þetta er gamansöm melódrama sem er fín skemmtun og heldur manni við efnið með því að vera næstum því spennandi á köflum og tónlistin frá Badly drawn boy gefur myndinni vissa stemningu. Hugh Grant er alveg frábær í hlutverki sínu og vil ég jafnvel meina að þetta sé með hans betri frammistöðum, þessa hlið á sér ætti hann að sýna oftar. Aftur á móti líður þessi mynd About a boy samt fyrir að hafa margtugginn boðskap(Saturday night fever...einhver?!) og svo er hún soldið litlaus þannig að ég verð að takmarka einkunnina á við tvær og hálfa stjörnu, annars hefði ég gefið henni þrjár. Engin snilld en fyrir þá sem vilja sjá eitthvað ánægjulegt léttmeti er þetta fínn kostur.
About a boy er skemmtileg mynd sem sínir á hinu sanna í lífinu. Hann Will er einn og búinn að vera með mörgum konum og lífið er létt hjá honum. Þar til hann fer í einnhvern sanleika hr…
About a boy er skemmtileg mynd sem sínir á hinu sanna í lífinu. Hann Will er einn og búinn að vera með mörgum konum og lífið er létt hjá honum. Þar til hann fer í einnhvern sanleika hring sem hann er eini maðurinn en bara til að kinnast konum þar hittir hann konu og hún var með strák með sér fyrst þegar þau hittust en var ekki strákurinn hennar. Hann kinnist strákinum sem heitir Marcus vel .Marcusi er mikið strítt í skólanum og kemur oft eftir skóla til Will.Will gefur marcus skó en þeim verður stolið og í jóla gjöf gefur Will Marcusi geisla spilara og geisla disk sem mömmu marcus finst ekki sérstakur.Mamma Marcus er veik og reyndi að fremja sjálfsmorð sem tókst ekki. Will kynntist konu sem á strák í sama skóla og Marcus konan heldur að Will eii Marcus en hann segjir henni sannleikan en þau ná ekki lengra samar.Will sem vinnur ekki við neitt lifir út af lagi sem pabbi hans bjó til.
Marcus verður hrifin að stelpu í skólanum og spir Will ráða.Marcus ákveður að taka þátt í skóla tónleikunum og ákvað að syngja Killing me softly fyrir mömmu sína því að henni finst henn syngja svo vel.Will fær að vita þetta á síðustu stundu og fer með mömmu hans niður í skóla.Marcus var ný byrjaður að syngja þegar Will kom með gítar spilaði undir og söng með. Um næstu jól var Will aftur með konunni semátti strákinn um jólinnn,Marcus,mömmu Marcus og stelpunni sem Markus var skotinn í.
Loksins... Loksins loksins loksins! Hugh Grant komst út úr hlutverkinu sem hann hefur verið að leika (mj.illa) undanfarinn ár og náði að skapa persónu! Hann á hér stórleik ásamt Toni Coll…
Loksins... Loksins loksins loksins! Hugh Grant komst út úr hlutverkinu sem hann hefur verið að leika (mj.illa) undanfarinn ár og náði að skapa persónu! Hann á hér stórleik ásamt Toni Collette & Nicholas Hoult. Hugh leikur mann (will )
sem hefur aldrei haft fast starf og lifir á höfundarréttarlaunum af lagi sem faðir hans samdi. Hann er frekar mikill flagari og reynir nánast við allt sem hreyfist. Loksins... Loksins loksins loksins! Hugh Grant komst út úr hlutverkinu sem hann hefur verið að leika (mj.illa) undanfarinn ár og náði að skapa persónu! Hann á hér stórleik ásamt Toni Collette & Nicholas Hoult. Hugh leikur mann sem hefur aldrei haft fast starf og lifir á höfundarréttarlaunum af lagi sem faðir hans samdi. Hann er frekar mikill flagari og reynir nánast við allt sem hreyfist. Þegar hann kynnist Markúsi(nicholas H) og móður hans(Toni Collettte) Tekur líf hans að breytast mikið og hann sér hvað það getur verið gaman að hjálpa öðrum.Markús er lagður í einelti í skóla og mamma hans er þunglind, og markús leitar til Wills þar sem honum finnst hann hafa eignast vin!Þegar hann kynnist Markúsi(nicholas H) og móður hans(Toni Collettte) Tekur líf hans að breytast mikið og hann sér hvað það getur verið gaman að hjálpa öðrum. ÉG MÆLI MEÐ ÞESSARI MYND!!! Frábær gaman mynd- en kippir manni samt niðrá jörðina!
Það hefur oft verið sagt að About a Boy sé eins konar karlkyns útgáfa af Bridget Jones Diary þar sem hún fjallar um líf piparsveins sem líkar ágætlega að vera einhleypur þrátt fyrir þ…
Það hefur oft verið sagt að About a Boy sé eins konar karlkyns útgáfa af Bridget Jones Diary þar sem hún fjallar um líf piparsveins sem líkar ágætlega að vera einhleypur þrátt fyrir þrýsting frá fólki í kringum hann. Þetta er heldur ekki það eina sem þessar tvær myndir eiga sameiginlegt, en Hugh Grant leikur í þeim báðum og hér er persóna hans ekki ólík þeirri sem hann lék í BJD. Samanburður milli þessara tveggja mynda er semsagt óhjákvæmilegur, og að mínu mati eru þær báðar álíka góðar - persónulega kýs ég þessa frekar og liggur skýringin á því væntanlega í því að hún hittir frekar í mark hjá karlkyns áhorfendum en BJD. Myndin er byggð á skáldsögu Nick Hornby, en síðasta bók hans sem var kvikmynduð var High Fidelity. Allir leikarar standa sig hér með prýði eins og vænta má af breskri mynd, húmorinn er sjaldnast langt undan og samtöl eru yfir heildina vel skrifuð. Söguþráðurinn er einnig klisjufrír og nokkuð frumlegur (þrátt fyrir að grunnhugmyndin sé það ekki endilega). Í hnotskurn er About a Boy skemmtileg og fyndin mynd sem ég get hiklaust mælt með fyrir nánast alla.
Snilld, þessi mynd kom alveg virkilega á óvart því að þær væntingar sem maður gerir til myndar sem heitir About A Boy og er með Hugh Grant í aðalhlutverki geta nú ekki verið miklar, eng…
Snilld, þessi mynd kom alveg virkilega á óvart því að þær væntingar sem maður gerir til myndar sem heitir About A Boy og er með Hugh Grant í aðalhlutverki geta nú ekki verið miklar, engu að síður er myndin með því betra sem hefur komið á þessu ári.
Myndin er sprenghlægileg og meiriháttar góð í alla staði, ofboðslega vel leikin og flott klippt, vel leikstýrð og tónlistin er mjög góð.
Besti leikur sem að ég hef séð hjá Hugh Grant og mér hefur alltaf fundist hann skila sínu vel.
Myndin segir frá stóra barninu (Hugh Grant) sem hefur aldrei unnið handtak aldrei tollað í sambandi, vill alls ekki lítið barn og er mjög sáttur við lífið eins og það er og svo hinsvegar litla barninu (Nicholas Hoult) sem er alls ekki sáttur við lífið, veit ekki einu sinni hvað samband er á enga vini nema mömmu sína sem er hinsvegar á ystu nöf með líf sitt.
Þessi tvö ólíku líf eru svo fléttuð saman í æðislegum söguþræði sem að engin ætti að missa af.
Ég mæli alveg eindregið með því að sjá þessa mynd og ég ætla að sjá hana aftur.
About a Boy er gamanmynd þar sem verið er um að ræða mannlega sögu með dramatísku ívafi. Ég fór á hana með takmarkaðar væntingar og vonaðist aðallega eftir einhverju í anda Bridget J…
About a Boy er gamanmynd þar sem verið er um að ræða mannlega sögu með dramatísku ívafi. Ég fór á hana með takmarkaðar væntingar og vonaðist aðallega eftir einhverju í anda Bridget Jones's Diary, en hún náði þó vel að uppfylla þær og m.a.s. rúmlega það. Satt að segja er About A Boy mun betri mynd en maður heldur. Þeir Chris og Paul Weitz (American Pie) eru hér aldeilis að standa sig, þar sem að þeir sjá um leikstjórnina og meðskrifa einnig handritið. Hugh Grant sýnir líka sína betri hlið og þetta er hugsanlega fyrsta skiptið þar sem að ég get ekki sagt að hann sé óþolandi, heldur vinnur hann sér inn óvæntan leiksigur. En hins vegar er það Nicholas Hoult (sem leikur strákinn) sem stelur senunni, og eignar sér myndina algjörlega. Hoult og Grant ná mjög vel saman á skjánum, samleikur þeirra er eitt það helsta sem stendur uppúr. Ekki spillir svo fyrir alveg stóskemmtilegur húmor, fjölbreytt tónlist, góð leikstjórn og óborganlegt handrit. Persónur myndarinnar eru líka flestar áhugaverðar og litríkar, samræðurnar eru vel prýðilega skrifaðar og umfram allt er sagan alveg yndisleg og það er merkilegt hvernig henni hefur tekist að forðast klisjur og væmni. About A Boy er sennilega ein óvæntasta og ánægjulegasta mynd sem ég hef séð í bíó undanfarna tíð, og ég mæli eindregið með henni fyrir bæði kynin. Fleiri svona myndir!!!...
Alveg meiriháttar skemmtileg gamanmynd þar sem Huge Grant slær í gegn með stórkostlegum leik ásamt meðleikurum sínum. Hér er hreinlega á ferðinni ein besta mynd ársins ef ekki bara sú be…
Alveg meiriháttar skemmtileg gamanmynd þar sem Huge Grant slær í gegn með stórkostlegum leik ásamt meðleikurum sínum. Hér er hreinlega á ferðinni ein besta mynd ársins ef ekki bara sú besta enn sem komið er. Full af breskum húmor.
Mér fannst þessi mynd mjög góð og ég mæli með henni! Myndin fjallar um þennan mann sem heitir Will. Það sem er svo sérstakt við þennan mann er að hann gerir EKKERT! Hann þarf heldur ek…
Mér fannst þessi mynd mjög góð og ég mæli með henni! Myndin fjallar um þennan mann sem heitir Will. Það sem er svo sérstakt við þennan mann er að hann gerir EKKERT! Hann þarf heldur ekki að gera neitt, því að hann á fullt af peningum! Pabbi hans (sem er dáinn) samdi einhvert jólalag og græddi fullt af peningum. Svo þegar hann deyr þá fær Will alla peningana! Will er ekki kvæntur, hann á engin börn og ekki einu sinni kærustu! Nóg um Will... Markús er strákur sem Will kynnist. Hann er 12 eða 13 ára gamall. Hann á mömmu sem er þunglynd eða eitthvað. Hann er lagður í einellti í skólanum og líður mjög illa. Þessi tveir ólíku einstaklingar verða síðan góðir vinir og margt skemmtilegt, og þó einkum fyndið, gerist hjá þeim!!!
About A Boy er fyndin, skemmtileg og umfram allt hlý og manneskjuleg gamanmynd. Maður getur ekki annað en hlegið yfir óförum Hugh Grants í myndinni og innantómri, sjálfselskri tilveru hans. Ég hef aldrei verið hrifinn af honum sem gamanleikara, en hann á hér fínan leik og hefur líklega aldrei verið betri. Hann fellur þó í skuggann af hinum unga Nicholas Hoult, sem fer á kostum í hlutverki drengsins sem ákveður að taka Hugh Grant upp á sína arma. Maður hefur ekki séð betri barnastjörnu frá því að maður sá Haley Joel Osment í fyrsta skipti. Þetta er ein af þessum fáu gamanmyndum þar sem maður hlær vegna þess að manni þykir vænt um persónurnar, frekar en af því að þær séu svo afkáralegar eins og vaninn er í bandarískum gamanmyndum. Það er eiginlega merkilegt að myndinni skuli vera leikstýrt af sömu könunum og leikstýrðu American Pie, vegna þess að þeir sýna bæði skilning á persónusköpun, aðstæðum og skilning á breskum veruleika. Bretar virðast núorðið eiginlega hafa einkarétt á því að búa til góðar gamanmyndir, og þessi er enginn undantekning. Öllum er hér með ráðlagt að skella sér í bíó og sjá þessa mynd, því hún kemur verulega á óvart.
"Marcus: I used to want Will to marry my mom. Ali: You serious? Marcus: Yeah, but that was when she was depressed and I was desperate. Will: Thanks, mate. "
