My Big Fat Greek Wedding (2002)

Á 21. sýningarviku þessarar myndar lét ég loks undan gífurlegum þrýstingi til að fara í bíó að berja Öskubusku sumarsins augum. Kanarnir halda ekki vatni yfir þessari litlu, ódýru mynd sem hefur heillað alla upp úr skónum og grætt fáránlegar peningaupphæðir frá því hún var frumsýnd í apríl. Ég verð að viðurkenna að My Big Fat Greek Wedding er algjört sjarmatröll sem tryggir breitt bros á andlitum bíógesta allan tímann. Myndin er mikið til byggð á lífi aðalleikkonunnar Niu Vardalos, sem er grísk-amerísk kona á fertugsaldri og var í mesta basli með að finna hinn eina rétta. Fjölskyldan er litskrúðug svo ekki sé meira sagt, og þegar hún verður ástfangin af manni sem er ekki af grískum ættum verður allt vitlaust hjá pabba gamla og öll fjölskyldan fer á annan endann. Vardalos hefur greinilega góðan húmor fyrir sjálfri sér og sérstaklega undarlegum hefðum mismunandi fjölskuldumeðlima. John Corbett, sem er sennilega best þekktur úr nýlegu hlutverki í Sex and the City, leikur verðandi eiginmanninn sem veit ekki hvaðan á sig stendur veðrið þegar Grikkirnir mæta á svæðið. Atriðin með foreldrum hans eru líka óborganlega fyndin. My Big Fat Greek Wedding er fyrsta flokks rómantísk gamanmynd, sérstaklega þar sem hún leggur meiri áherslu á gamanið en rómantíkina.

Þetta er hin fullkomna gamanmynd en leikararnir eru greinilega valdnir af miklum nákvæmni því vil ég seigja að þeir skila fullkomnlega sínu hlutverki!

Ekki eru bara leikarnir sem fara að kostum heldur hvað þessi mynd er einlæg og skemmtileg, og hvað leikararnir halda manni vel við efnið!

Fór ég með mömmu á þessa mynd á sunnudagskvöldi og þurfti ég að halda fyrir munnin á henni því við vorum í litlum sal í Laugarásbíó og hló hún svo hátt að ég skammaðist mín fyrir hana. Þetta hafa örugglega ekki margir krakkar þurft að gera og sýnir þetta hvað þetta er hín stórskemmtilega mynd frá upphafi til enda!!

En myndin fjallar um Gríska fjölskyldu eða nánar tiltekin eina manneskju í þessari fjölskyldu sem skilur ekki hvað er svona merkilegt við að vera Grískur!!

En þegar hún finnur draumaprinsinn þá vill hún reyna að fela hvað hún er Grísk og ljót tekur sig til og lagar sig, fellur gaurinn fyrir þssu og byrjar að elta hana um allt en

hvað gerist næst................

Þessi atburðar rás er hreint ótrúlega fyndin og bið ég alla að fara á þessa mynd sér til skemmtunar á sunnudagskvöldi, og ekki gleyma að taka mömmu með!!!!

Þunglyndi er það fyrsta sem mér dettur í hug. Joel Zwick hefði frekar átt að snúa sér að skógerð en kvikmyndaleikstjórn. Ekki er ég að skilja þessar vinsældir vegna þess að þetta er álíka frumleg mynd og uppþvotturinn sem ég gerði í gær. Þetta er svipuð ræma og Forces of nature nema með ófríða aðalleikara!


Þá um myndina: feit, ótrúlega hallærisleg, grísk kerling nær sér í karl sem er ekki grískur og í framhaldi af því skapast hundleiðinleg atburðarás sem er ekki vitund fyndin. Ég skemmti mér talsvert betur síðast þegar ég sá Omega!