The career of a disillusioned producer, who is desperate for a hit, is endangered when his star walks off the film set. Forced to think fast, the producer decides to digitally create an actress "Simone" to sub for the star — the first totally believable synthetic actress.
Ég hef lengi beðið eftir því að sjá Andrew Niccol stíga aftur í leikstjórasætið. Hann gerði seinast einhverja vanmetnustu sci-fi mynd sem ég hef á ævi minni séð, Gattaca, og er að s…
Ég hef lengi beðið eftir því að sjá Andrew Niccol stíga aftur í leikstjórasætið. Hann gerði seinast einhverja vanmetnustu sci-fi mynd sem ég hef á ævi minni séð, Gattaca, og er að sjálfsögðu þekktastur fyrir að hafa skrifað The Truman Show. En eins og allir eflaust muna þá var sú síðarnefnda alveg flugbeitt ádeila á sjónvarp og menninguna á bakvið hana. Nýjasta mynd Niccols, Simone, er bæði ádeila með smá dass af vísindaskáldskap. Það er hundleiðinlegt að þurfa að segja að myndin stóðst ekki þær væntingar sem ég gerði til fagmannsins á bakvið hana, en það þýðir auðvitað ekki samstundis að hún sé eitthvað slæm. Hún er nefnilega skítsæmileg. Myndin hefur virkilega ferska og skemmtilega hugmynd en það sem veldur vonbrigðum er hvernig hún nýtur sér hana.Sem satíra á fjölmiðla, kvikmyndaiðnaðinn og útlitsdýrkun nær myndin góðu flugi fyrsta klukkutímann eða svo. Al Pacino heldur einnig uppi góðu fjöri og hefur líklegast ekki verið svona hress í mörg, mörg ár. Aðrir leikarar eru afar fínir og það er vert að benda á alveg virkilega flotta kvikmyndatöku fyrst maður er kominn út í það að hrósa öllu. Niccol notaði einmitt mjög sérstaka litapallettu í Gattaca og maður sér það strax að hann hefur gert svipað hér, sem kemur rosalega vel út. Það sem Niccol hefði mátt gera betur aftur á móti er tónn myndarinnar. Handritið virðist vera í léttari kantinum en samt finnst manni myndin alltaf vera svo gríðarlega alvarleg. Meira að segja tónlistin er þunglyndari en mestallt sem ég hef heyrt bara í dramamyndum á þessu ári. Og það batnar ekki mikið að seinasti hálftími myndarinnar dettur út í enn meiri alvarleika, og þar datt ég nánast út úr allri sögunni og fannst hún fara út í alltof mikla steypu.Það sem hefur einkennt fyrri handrit Niccols eru gáfur, og það kemur furðumikið á óvart hvað Simone er á mörgum stöðum heiladauð, og þá sérstaklega í tæknideildinni. Einhver sem hefur lágmarksvit á tölvum sér að allt sem er gert hérna er gjörsamlega út úr kú, og úrlausnin við lokavandamálinu svokallaða var hreint út sagt hlægileg. Hvort þetta hafi verið partur af einhverju gríni hjá Niccol veit ég ekki alveg um. Mér hefði þótt það frábært ef svo væri, en eins og ég sagði þá er tónninn í svo miklu rugli að húmorinn hálfpartinn týnist.Niccol er kannski fullalvarlegur leikstjóri til að meðhöndla svona léttara efni. Ég vona samt að Gattaca sé ekki það eina sem hann getur stýrt vel, því ég hef mikla trú á manninum ásamt hugmyndum hans og rithæfileikum. Simone nær rétt svo (bara RÉTT SVO) að skríða yfir miðjumoðseinkunn, þökk sé Pacino. Það er nefnilega eitthvað svo gaman við það að horfa á slíkan gæðaleikara vera að taka þátt í svona farsa þar sem hann hleypur á milli staða og kemur sér sífellt í dýpri gryfju.6/10
Simone er stórfín afþreygingarmynd og kom undirrituðum skemmtilega á óvart. Al Pacino sýnir hér snilldartakta og það er aldrei dauður punktur í myndinni. Tónlistin er líka mjög góð og…
Simone er stórfín afþreygingarmynd og kom undirrituðum skemmtilega á óvart. Al Pacino sýnir hér snilldartakta og það er aldrei dauður punktur í myndinni. Tónlistin er líka mjög góð og passar vel við stíl myndarinnar. Sjáið þessa.
Frekar óvenjuleg mynd hér á ferðinni. Al Pacino leikur hér leikstjóra, hann þekkir mann sem er búinn að hanna forrit til að búa til persónur í kvikmyndum. Hann notfærir sér það án …
Frekar óvenjuleg mynd hér á ferðinni. Al Pacino leikur hér leikstjóra, hann þekkir mann sem er búinn að hanna forrit til að búa til persónur í kvikmyndum. Hann notfærir sér það án þessa að segja neinum frá en áður en hann veit af er tölvupersónan orðin ein vinsælasta sjónvarpstjarna í heiminum.
Myndin var kannski heldur löng, hefði ekki mátt vera lengri því mér var farið að leiðast í endanum. Brandararnir virka ágætlega en þeir eru bara of fáir. Al Pacino stendur sig vel í sínu hlutverki og ekki hægt að kvarta undan honum frekar en vejulega. Myndin gat orðið frekar ótrúleg á köflum. Annars skemmti mér ágætlega yfir henni nema ég var ekki mjög ánægður með endann.
Mér finnst Simone alveg stórgóð mynd með mikla ádeilu á vestrænt þjóðfélag hvað varðar blinda útlitsdýrkun og einnig ádeilu á hið týbíska form Hollywood mynda. Ádeilan er bara ek…
Mér finnst Simone alveg stórgóð mynd með mikla ádeilu á vestrænt þjóðfélag hvað varðar blinda útlitsdýrkun og einnig ádeilu á hið týbíska form Hollywood mynda. Ádeilan er bara ekki sett fram á mjög beittan hátt og því er svolítið erfitt að skynja hana. Það sem gerir þessa mynd ólíka öðrum ádeilumyndum er sú staðreynd að myndin er gerð nákvæmlega eftir þeirri uppskrift sem hún er þó að deila á. Smáatriði eins og eldgamli floppydiskurinn er bara upp á grínið held ég. Eins þau atriði þar sem Viktor(Al Pacino) er að fara að halda tónleikana eða eitthvað annað show með Simone þá er hann alltaf að klára undirbúninginn á síðustu stundu og það er meðvitað skot á það hvernig týbískt atriði til að skapa smá spennu í andrúmsloftinu er notað í mörgum formúlu kvikmyndum. Myndin hefur verið ódýr í framleiðslu enda varla hugsuð til að valda miklum vinsældum, frekar kannski til að ýta aðeins við fólki. Það besta við hana er að tvær manneskjur sem fara á þessa mynd geta í raun fengið gjörólíka upplifun þar sem önnur sér lélega, ódýra mynd gerða nákvæmlega eftir uppskriftinni og vekur ekki upp neinar tilfinningar en hin sér mikla ádeilu og mjög mikinn húmor.
Simone fjallar um kvikmyndaleikstjórann Viktor (Al Pacino), mann sem hefur mikla ástríðu fyrir starfi sínu en þegar við sögu kemur er ferill hans nálægt því að renna út í sandinn. Honum…
Simone fjallar um kvikmyndaleikstjórann Viktor (Al Pacino), mann sem hefur mikla ástríðu fyrir starfi sínu en þegar við sögu kemur er ferill hans nálægt því að renna út í sandinn. Honum finnst stjörnurnar vera of kröfuharðar og að bransinn snúist of mikið um þær. Þess vegna kann hann að meta það tækifæri sem hann fær þegar ný tækni kemst óvænt í hendur hans sem gerir kleyft að skapa tölvugerða leikara sem ekki er hægt að greina frá raunverulegum. Úr þessu tækifæri skapar hann leikkonuna Simone og beitir hinum ýmsu brögðum til að hylja þá staðreynd að hún er ekki raunveruleg manneskja. Hlutirnir flækjast enn frekar þegar vinsældir hennar verða með ólíkindum. Tæknileg nákvæmni verður aldrei talin sem sterkari hlið þessarar myndar, hún gæti verið verri en það sem við sjáum af því hvernig Simone er vakin til lífsins er ekki hægt að kalla annað en stórkostlega einföldun. Að hluta til ber reyndar að fyrirgefa þennan galla þar sem myndin yrði ekki skemmtileg afþreying fyrir aðra en tölvuáhugamenn ef dýpra hefði verið kafað. Andrew Niccol sem leikstýrir og skrifaði handritið er helst þekktur fyrir að hafa skrifað handrit af Truman Show og Gattaca (sem hann leikstýrði líka), en báðar eru óneitanlega ádeilumyndir hvor á sinn hátt. Simone lítur út fyrir að vera ádeilumynd en það er erfiðara að skilja nákvæmlega hvað er verið að deila á. Það er alls ekki þar með sagt að þetta sé slæm mynd, atburðarásin á sér mörg skemmtileg augnablik og Pacino er skemmtilegur og líflegri en hann hefur verið nýverið. Ágæt mynd fyrir þá sem hafa áhuga á viðfangsefninu, stjörnugjöf mín sýnir að ég er í þeim hóp.
Ég sá þessa mynd fyrir nokkrum vikum og fannst hún ansi hreint sniðug bara. Það sem mér finnst einna skemmtilegast við myndina er að hún tekur á máli sem Forrest Gump startaði - á sá t…
Ég sá þessa mynd fyrir nokkrum vikum og fannst hún ansi hreint sniðug bara. Það sem mér finnst einna skemmtilegast við myndina er að hún tekur á máli sem Forrest Gump startaði - á sá tími eftir að koma að það þarf ekki alvöru leikara í bíómyndir? Eða verður hægt að endurnýta Marilyn Monroe og Bing Crosby? Ég hvet þá sem fara á myndina til að sitja aðeins yfir kreditlistanum og athuga hver leikur S1M0NE sjálfa. Vekur upp ýmsar spurningar. Ég veit heldur ekki hvort það er bara ég eða hvort téð S1M0NE er svoldið lík henni Elvu Dögg okkar.
Það er reyndar eitt fyrirbæri sérstaklega í sambandi við þessa mynd sem gerir hana nett heimskulega - og það er sjálfur tölvubúnaðurinn sem leikstjórinn notar til að búa til heilu bíómyndirnar. Og svo ég tali ekki um diskettuna mikilvægu sem kemur fram í myndinni. Hvað er langt síðan var hætt að framleiða 5'1/4 diskettudrif? 15 ár?
Mér fannst þetta samt eins og áður segir ágæt mynd og mér fannst gaman að sjá Al Pacino í talsvert öðruvísi hlutverki en ég hef vanist honum í. Leiðist hann semsagt yfirleitt en fannst hann fínn hér.
Þetta er alveg einstaklega hæg og óraunsæ mynd. Þetta er ein lélegasta mynd sem ég hef séð. Hún er um leikstjóra sem er alveg að fara á hausinn og engin leikkona vill vinna fyrir hann svo…
Þetta er alveg einstaklega hæg og óraunsæ mynd. Þetta er ein lélegasta mynd sem ég hef séð. Hún er um leikstjóra sem er alveg að fara á hausinn og engin leikkona vill vinna fyrir hann svo að hann ásamt einhverjum geðsjúkling býr til tölvugerða leikkonu sem er svo fullkomin að það er ekki til fullkomnari mannvera í heiminum. Svo að hann gefur út eina mynd með henni og allir dýrka hana.. og vilja fá að hitta hana. En hún er bara tölva og það má enginn vita að hún er það. Svo er þetta bara um það að leikstjórinn er að reyna að fela það fyrir almenningi. Eins og þið sjáið er þetta ekkert voðalega heillandi. Þannig að ég vona bara að þið farið ekki að eyða peningum ykkar í að sjá hana.
