A Man Apart (2003)

Þessi mynd er með þeim lélegri sem ég hef séð núna nýlega, Vin Diesel er ekki hin besti leikari enn þessi mynd er flott og fín afþreying, enn hálfgert flopp, lélegur leikur og léleg saga.

Það er óhætt að segja að Vin Diesel standi sig alltaf vel sem harði töffarinn í heilalausu afþreyingunum. Hann stendur sig með prýði í þessari mynd og það vottar meira að segja af leikhæfileikum í manninum en þó ekki það mikið að það lyfti honum á annan stall en að hann hefur verið stimplaður. Sagan er þokkaleg en handritið er alls ekki gallalaust og skilur eftir göt sem þyrfti að fylla í. Engu að síður er myndin hin besta skemmtun, heilalaus en hvaða máli skiptir það maður býst ekki við neinu öðru þegar maður fer á hasarmyndir.

Það er alveg ótrúlegt hvernig aðstandendur halda að þeir geta blekkt áhorfendur með að lokka fólk á þessa mynd bara vegna þess að Vin Diesel er í henni, og þá eiga allir að halda að þetta sé spennumynd, þegar þetta er hins vegar bara 100% formúludrama í dulbúningi. Mér hefur alltaf þótt Diesel töff þótt hann sé ekki mikill leikari. Hann er aðallega bara skemmtikraftur sem á heima í hasarmyndum (xXx, Fast and the Furious o.s.frv.). Jú, vissulega hefur hann gert góða hluti í myndum af öðrum geirum (t.d. Boiler Room) en A Man Apart er bara eitthvað sem hann hefði átt að láta vera. Kannski ætlaði hann að nýta sér myndina til að brjóast út úr hefðbundnu týpu sinni og sanna fyrir heiminum að hann gæti leikið - sem hann gerir að vissu leyti, en myndin er það ómerkileg að ég get ekki ímyndað mér annað en að flestum sé skítsama hvernig hann stendur sig. Myndin hefði samt sem áður getað verið mjög góð, hefðu einungis betri menn verið ráðnir fyrir handritið. Myndin er bara of mikil klisja, og þá meina ég ekki að þetta sé bara eitthvað sem maður kannast við, heldur hefur maður séð eitthvað nákvæmlega líkt þessu oft áður. Útlitslega séð er hún samt framúskarandi, og öll tæknileg vinnsla er mjög góð. Leikstjórinn F. Gary Gray (The Negotiator) er fagmaður í því sem hann gerir og hann á í raun betra skilið, og sama má eiginlega segja um Diesel sjálfann. Því það er ekkert sem fór meira í taugarnar á mér þegar ég horfði á myndina en að sjá hann vælandi og að rembast við það að reyna að vera einhver dramaleikari, en það er bara alls ekki hans stíll - a.m.k. ekki með handrit sem er illa lyktandi af klisju, og gerir það frammistöðuna bara hlægilegri. En þessa einkunn fær Timothy Olyphant því hann er ávallt skemmtilegur og með góðan húmor. Tæknivinnslan skilar líka sínu, eins og ég tók áður fram. En restin er bara svo gölluð að myndin er varla þess virði að leigja. Sjáið hana frekar bara á RÚV þegar að því kemur. Þá bara ef þið eruð algjörlega límd við sjónvarpið og neitið að teygja ykkur í fjarstýringuna til að skipta um stöð.5/10

Það er hægt að segja að þetta er mjög góð mynd með töffaranum Vin Diesel. Eins og má vita að þessi mynd gengur útá að maðurinn missir kærustu eða konu sína og sver að hefna sín af þeim sem myrtu hana eða eikkað þannig. Ég pældi ekki beint í söguþræðinum þegar ég horfði á myndina heldur horfði ég á atriðin hversu vel þau voru gerð, hversu vel myndin hafði verið tekin ofl. Vin Diesel var alveg æðislegur í myndinni Fast and the furious þar sem ég sá hann í 1. skiptið og verð að segja að hann passar mjög vel við í allar myndir sem ég hef séð með honum. Enda er A Man Apart ein af bestu myndum sem koma í bíó í ár. Ég mæli mjög mikið með að fólk fari á myndina því þetta er geðveik mynd.