Holes (2003)

Ein óvæntasta bíómynd síðasta árs að mínu mati. Mynd sem maður hafði ekkert heyrt um og hefur greinilega ekki fengið þá markaðssetningu sem hún átti skilið.

Myndin er nokkuð róleg enda gerist hún í miðri eyðimörk þar sem ekki hefur komið regndropi í mörg ár, sökum gamalla galdra. Óhætt er að segja að myndin sé ekki eins og myndir eru flestar en það gerir sjálfsagt furðulegur en skemtilegur söguþráðurinn. Mæli eindregið með henni, það ætti engin að verða fyrir vonbrigðum með hana.

Þegar ég fór á þessa mynd var ég ekki að hafa hugmynd um hvaða filmu ég væri að fara sjá og því eftirvæntingin ekki mikil. En oft finnst mér best að dæma myndir þegar maður hefur ekkert heyrt um þær áður svo hlutleysið sé sem mest. Fannst mér þetta alveg rosalega vel skrifuð mynd þar sem sagan sem hún reynir að segja er næstum engin en nær samt að halda manni föstum við tjaldið af forvitni um hvað skildi ske næst. Einnig þótti mér mjög sniðugt að tvinna fortíðina og nútíðina svona saman og tengja síðan allt í eina sögu. Auðvitað var örlítill disney bragur á þessu og auðvitað hin klassíska ameríska væmni en fannst mér myndin búin að vinna sig það mikið upp að slíkir mínusar voru ekki að vega hátt. Þar sem myndin var nú ekki að krefjast neinna óskarsverðlaunaleikara ætla ég nú ekki að fara út í þá sálma að dæma um þá en ef einn stendur upp úr þá var það John Voight. Að lokum vil ég segja að ég tel að þessi mynd eigi eftir að valda fáum vonbrigðum hjá fólki og hvet því sem flesta að kíkja á hana í bíó/spólu (gildir einu)

Mér finnst þetta mjöög sniðug mynd..maður þarf aðeins að hugsa sem að getur alls ekki verið slæmt held ég!!!;) Svo er maður bæði í nútíð og þátíð sem gerir þetta soldið snúið en mjög skemmtilegt!!! Þetta fléttast allt saman í skemmtilegum stíl..og maður leggur sig við að fylgjast með og vera spenntur!!! Mæli með að kíkja á hana!!!

Eftir að hafa séð Holes í Kringlubíói langaði mig síst af öllu að fara þangað sem heitt er(þið sem hafa séð myndina vita hvað ég á við)en hvað sem því líður þá er þetta stórfín mynd byggð víst á einhverri skáldsögu sem ég hef ekki ennþá látið plata mig til að lesa. Segir í stuttu máli frá ungum manni að nafni Stanley Yelnats(afturábak sko)sem er dæmdur í þrælkunnarvinnu fyrir misskilning en kemur sér vel fyrir og vingast við vinnufélagana. Bölvun hvílir á ætt hans en örlögin grípa í taumana og allt fer vel. Hljómar hálf klisjulega en gengur samt mjög vel upp þó að boðskapurinn hafi farið alveg framhjá mér ef hann er nokkur á annað borð. Sigourney Weaver á þarna glæsilega frammistöðu og er hún ein af ástæðunum fyrir að myndin fær svona háa einkunn frá mér.

Þessi Disney/fjölskyldumynd er hin skrítnasta sem Disney hefur nokkurn tímann reynt að gera. Holes einbeitir sér á að gera flókna sögu og láta allt svo renna samana í endanum. Málið er hún segir svo mikið að samhengið ruglast og maður gleymir öllu. Orsakasamband virðist vera hlekkur myndarinnar. Allt gerist eins og átti að gerast, það gerast allir góðu hlutirnir fyrir góða fólkið á besta tíma en málið er að það gerist svo oft og bara án einnar ástæðar. Myndin hefur 3 sögur, eina aðal og 2 bakgrunns. Það er klippt á milli stundum þannig að það er tilgangslaust. Málið með þessa mynd er að hún er of barnaleg og of mikil Disney mynd. Hefði þetta verið teiknimynd hefði hún kannski verið betri. Svo kímnin, já kímnin. Stundum fyndin en svo eftir tíma er maður byrjaður að stara á skjáinn hlustandi á tóma hlátur múgsins og endar með því að maður fer að fylgja eftir komandi með gervi bros með breskan hlátur. En með mig þá sagði ég ´Fólk! Þetta var ekki fyndið´. Allir heyrðu. Jæja, húna var algert miðjumoð, stundum ágætt, stundum óskiljanlega úr samhengi en 2 stjörnur fær þessi mynd og alls ekki meira. Og varist þessa mynd sérstaklega í bíói!