Die Hard 2 (1990)

Framhaldið af Die Hard gefur hinni myndinni ekkert eftir ! Núna er John McClane fastur á eftir að hryðjuverkamenn ráðast á flugvöllinn. Meira má ég ekki segja svo ég ætla að leyfa ykkur að komast að því hvernig John reddar deginum !

Die Hard myndirnar eru allar mjög góðar, mikil spenna, húmor og hasar. Bruce Willis er auðvitað mjög góður leikari og túlkar John McClane mjög vel í öllum myndunum. Þó svo að 2-myndin sé góð toppar hún ekki 1 né 3 og þess vegna gef ég henni 2 og 1/2 stjörnu, en ég mæli með henni. Mjög góð afþreying.

Framhald fyrstu myndarinnar er ekki mikið síðri. Nú er McClaine staddur á flugvelli að bíða eftir konu sinni þegar lætin byrja. Hryðjuverkamenn taka yfir stjórnkerfi flugvallarins og hóta öllu illu ef ekki verður farið eftir fyrirskipunum þeirra, og enn og aftur tekur McClaine málið í sínar hendur. Ekki er minni hasar í þessari, enda er þetta nú framhald. Gífurlega flottar sprengingar, stórskemmtileg atriði, og mikið af skotbardögum. Frábær mynd sem ég mæli fullkomlega með!

Þessi mynd fjallar um lögreglumannin John Mclane sem er að ná í konuna sína sem er að koma frá útlöndum. En þegar Mclane kemst að því að það er verið að ræna flugvellinum þá er honum að mæta. Sjáið þessa frábæru spennumynd, ekki missa af þessari.

Önnur myndin í þessari þrenning (hef heyrt orðróm að sú fjórða sé á leiðinni), heimsækir John McClane (Bruce Willis) aftur á jólunum. Hann er á Washington Dullas Airport að sækja konu sína Holly (Bonnie Bedelia), en þau ætla eyða jólunum með foreldrum hennar. John er í slæmu skapi eftir að lenda í illdeilum við varðstjóra flugvallarins Lorenzo (Dennis Franz). Ekki fer dagurinn batnandi þar sem hryðjuverkamenn taki yfir stjórnkerfi flugvallarins og hóta nú öllu illu. Afskiptasemi John McClane af gangi mála er illa tekið af bæði flugvallaryfirvöldum og hryðjuverkamönnum, en það stopper ekki kauða þar sem konan hans er í einni af hinum mörgum flugvélum sem sveima yfir vellinum, smátt og smátt að verða eldsneytislausar. Ég held að það sé nokkuð ljóst að maður getur ekki búist við sömu stórmynd og Die Hard er. Hér er á ferðinni mun verra handrit, og ekki nægilegur húmor. Spennan er samt til staðar og er vondi kallinn, Colonel Stuart, skemmtilega leikinn af William Sadler (Bill and Ted´s Bogus Journey, The Green Mile). Myndin er líka alls ekki eins trúverðug og sú fyrsta, og má þar til dæmis nefna getuleysi flugvallarmanna til að finna leiðir til að lýsa upp flugbrautina. En látið ekki hugfallast, Die Hard 2 er stórgóð að flestu leyti, spennandi og hröð. Ef þú sást Die Hard og líkaðir vel, þá endilega leigðu Die Hard 2.

Frábær mynd með Bruce Willis sem leikur John Maclane sem er frábær. Hún fjallar um það að konan hans er að koma heim úr farþegaflugvél sem er rænt. En hún er ekki betri en Die Hard 1 en samt er hún frábær. Ef þú ert ekki búin að sjá hana þá er tími til að sjá hana en ef það er einhver annar en Bruce Willis sem myndi leika í Die Hard myndunum þá myndi hún ekki vera nærri eins góð vegna þess að Bruce Willis er bara meira en frábær. Góða skemmtun.