Lara Croft: Tomb Raider - The Cradle of Life (2003)
Tomb Raider 2
"The lady returns."
1 h 57 min2003
Hinn djarfi breski fornleifafræðingur Lara Croft hefur mögulega gert stærstu fornleifauppgötvun sögunnar: hnött sem leiðir til hins goðsagnakennda box Pandóru.
Off the coast of the volcanic island of Santorini, the intrepid archaeologist Lara Croft makes the unexpected discovery of a pulsating golden orb able to guide its holder to the mythical Pandora's Box. As the legendary artifact contains ancient mysteries of unfathomable power - said to contain one of the deadliest plagues on Earth, Lara is tasked by MI6 to make sure it doesn't fall into the wrong hands. With the aid of former Marine turned mercenary Terry Sheridan, she travels the world in pursuit of the precious item in a race against time; she must beat the unscrupulous Nobel Prize-winning scientist turned bioterrorist, Jonathan Reiss, to it.
Horfði á þessa í nótt eftir verzló reunion. Ég veit ekki hvort að það var bjórinn en þetta er ein alversta mynd sem ég hef séð, hún nálgaðist næstum því Batman & Robin. Fyrsta myn…
Horfði á þessa í nótt eftir verzló reunion. Ég veit ekki hvort að það var bjórinn en þetta er ein alversta mynd sem ég hef séð, hún nálgaðist næstum því Batman & Robin. Fyrsta myndin var ágæt afþreying en við hliðin á þessari breytist hún í eitthvað fullkomið meistaraverk. Cradle er eins og hún hafi verið gerð fyrir 10 ára krakka sem hafa aldrei séð myndir á borð við Indiana Jones eða James Bond. Hver einasta setning er hallærisleg klysja og action atriðin eru oftast tilgangslaus og fáranlega ótrúleg. Við erum að tala um það að Lara Croft kýlir hákarl (mjög gervilegan) og lætur hann svo synda með sig upp að yfirborðinu. Óvinurinn gæti alveg eins heitið Dr. Evil svo absúrd er hann. Í einu atriðinu drepur hann einn af fundarmanna á glæpafundi af því hann var svikari, mjög frumlegt. Þessi mynd er ekki kusk í nafla Indiana Jones. Ef þið hafið ekki séð hana í guðanna bænum EKKI SJÁ HANA!
Þetta er versta mynd Gerald Butler, versta mynd Angelina Jolie (sem var reyndar flott í silfur spandex búningnum) og versta mynd Jan De Bont sem er mikið sagt eftir Speed 2: Cruise Control.
Ég var í þannig stuði að ég nennti ekki að takast á við einhverja snilldar mynd sem lætur þig hugsa og tekur tíma að móttaka. Ég var bara í stuði fyrir mynd eins og Tomb Raider. Tomb …
Ég var í þannig stuði að ég nennti ekki að takast á við einhverja snilldar mynd sem lætur þig hugsa og tekur tíma að móttaka. Ég var bara í stuði fyrir mynd eins og Tomb Raider. Tomb Raider var upphaflega byggt á tölvuleik sem bar sama nafn og myndin. Lara Croft er aðalpersóna sögunar. Hún á að vera einhverskonar blanda af James bond og Indiana Jones nema hvað að hún er kona. Lara croft er leikin af Angelinu Jolie og tekst henni ágætlega til.
Myndin sjálf var nákvæmlega það sem ég var að leita af á þeim tíma en alls engin úrvals mynd. Ég hélt þó að hún myndi vera verri en hún var og komu mörg atriði mér mjög á óvart og á tímum var ég nokkuð spenntur, sem er bara gott. Einnig gef ég henni plús fyrir að flest öll áhættu atriðin eru gerð í alvöru og þar má nefna þegar þau(Lara og Terry) hoppuðu niður af háhýsinu í kína. Reyndar voru það ekki þau en plús samt sem áður.
Ef þú ert að leita að mynd sem reynir ekki á og hefur kynþokkafulla konu í aðalhlutverki sem gaman er að horfa á, þá gæti þetta verið myndin fyrir þig.
Tomb Raider The Cradle Of Life er án efa mjög góð mynd kannski svolítið slöpp á tímum en mjög skemmtileg ævintýramynd og ef þú ert tilbúinn að sætta þig við það þá er þetta mjög góð afþreying. Tæknibrellurnar eru mjög góðar og þær skyggja ekkert á sögunna sem er mjög gott og bardaga atriðin eru ágæt en þau hefðu getað verið betri og söguþráðurinn var mjög fínn en handritið ekki eins gott því það vantaði eitthvað aukalega í það. Í myndinni fer Lara Croft(Angelina Jolie)í leiðangur til að finna öskju Pandóru og hyggst ná öskjunni áður en brjálaði og valdagráðugi vísindamaðurinn Reiss(Ciarán Hinds)sem ætlar að nota hana til að drepa milljónir af fólki og gerir sér í raun ekki grein fyrir hverju hann er að sleppa út í heiminn með því að nota hana. Lara fær yfirvöld og lögregluna til að sleppa gömlum kærasta og vinnufélaga Terry Sheridan(Gerard Butler)sem fór í fangelsi fyrir að svíkja Löru og landið sitt. Myndin gerist á mörgum flottum stöðum þar á meðal Hong Kong og Grikklandi en hún endar svo í Kenýu. Myndin hefur meiri kosti en galla og er yfirburða skemmtileg, Jan De Bont er fínn leikstjóri og ég hef fylgst með honum alveg síðan hann gerði Speed, Twister og The Hunting alveg til Tomb Raider 2 og vonast til að sjá meira frá honum fljótt. Þessi mynd fær þrjár stjörnur frá mér því mér fannst hún skemmtileg, spennandi, flottar tæknibrellur og flott bardaga atriði og Angelina Jolie hefur aldrei verið betri í kvikmynd hingað og ég bara vona að Tomb Raider 3 verði gerð á næstunni en ég vona að Simon West taki við því verkefni.
Þessar þrjár stjörnur fær myndin af því að þegar ég sá hana horfði ég á hana með því hugarfari að þetta væri ævintýramynd.
Góð hasar/ævintýramynd með mörgum flottum atri…
Þessar þrjár stjörnur fær myndin af því að þegar ég sá hana horfði ég á hana með því hugarfari að þetta væri ævintýramynd.
Góð hasar/ævintýramynd með mörgum flottum atriðum.
Ekki búast við Indiana Jones, en horfðu á hana án of mikilla væntinga, því hún er nokkuð skemmtileg.
Mér fannst fyrsta myndin góð. Hún var vel tekin og hasarinn var kraftmikill og spennandi. Fyrri myndir eftir Simon West voru góðar og Tomb Raider var engin undantekning. En þessu var ömuleg af…
Mér fannst fyrsta myndin góð. Hún var vel tekin og hasarinn var kraftmikill og spennandi. Fyrri myndir eftir Simon West voru góðar og Tomb Raider var engin undantekning. En þessu var ömuleg af minni hálfu. Það voru nokkrar flottar senur en það bætti ekki kraftlausu hasaratriðin, leiðinlega leikstjórn og ömulegt andrúmsloft myndarinnar. Tomb Raider bólan er sprungin. Myndin er ömuleg og nýji leikurinn er svo troðfullur af villum að það er varla hægt að klára hann nema að fá eitthvað patch fyrir hann.
Ég fór á Tomb raider the cradle of life í gær og ég var bara vel sáttur. Í þessari mynd fer Lara Croft(Angelina Jolie) að leita að öskju Pandóru og þarf að finna hana á undan valdagrá…
Ég fór á Tomb raider the cradle of life í gær og ég var bara vel sáttur. Í þessari mynd fer Lara Croft(Angelina Jolie) að leita að öskju Pandóru og þarf að finna hana á undan valdagráðugum vísindamanni sem vill nota hana til ills. Hún fær til liðs með sér gamlan kærasta sem er svolítið dularfullur og villtur eins og hún og saman reyna þau að finna öskjuna. Þessi mynd er að mínu mati ekki alveg eins góð og sú fyrri eins og framhaldsmyndir eru því miður oft, en hún er samt mjög fín, en hún er pínu lengri en sú fyrri og langdregnari. Angelina Jolie er frábær og það er frábær enski hreimurinn hennar. Tæknibrellurnar eru ágætar og meira er ekki að segja um þær.
Myndin hefur sína kosti og galla en er í heildina bara ágætis afþreying.
Sennilega er ég einn af þeim fáu sem þótti fyrri myndin bjóða upp á ágætis skemmtanagildi, og ég skammast mín ekkert fyrir að segja það. Ég hafði þó engar væntingar stilltar fyrir …
Sennilega er ég einn af þeim fáu sem þótti fyrri myndin bjóða upp á ágætis skemmtanagildi, og ég skammast mín ekkert fyrir að segja það. Ég hafði þó engar væntingar stilltar fyrir þessa mynd því eins og vananum fylgir (í flestum tilfellum) eru framhaldsmyndirnar yfirleitt verri, og mér skjátlaðist ekkert að þessu sinni. Tomb Raider: The Cradle of Life er án efa ein af slöppustu spennumyndum sumarsins/ársins, og þann titil hlýtur hún með vissum heiðri. Myndin er ekki bara slöpp yfir heildina, heldur er hún bara svo asskoti leiðinleg. Hasarinn er líka tiltölulega óspennandi og hasarsenurnar í sjálfu sér óþarflega stuttar og kraftlausar í samanburði við ýmsar aðrar hasarmyndir á árinu. Angelina Jolie er óneitanlega algjör bomba í titilhlutverkinu, en hún virðist einhvern veginn taka sig mun meira alvarlega hérna heldur en í fyrri umferð, sem gengur aðeins upp á takmörkuðum sviðum. Söguþráðurinn er þó flottur, og það má eiginlega segja að það búi nettur Indiana Jones-fílíngur yfir honum, en handritið tekst einhvern veginn að rústa honum. Myndin tekur sig fullalvarlega (mun meira en hún á í rauninni að gera - halló! Þetta er byggt á skotleik!) og reynir að flytja þessum heimspekingslegum pælingum upp í hálfgerðan boðskap sem gengur bara ferlega illa upp. Jan De Bont á að vera löngu búinn að átta sig á því að hann er búinn að missa hæfileikann fyrir að gera spennumyndir og þessi mynd - sem og hans síðustu myndir (Speed 2 & The Haunting) - gerir fátt annað en að undirstrika þá staðreynd.3/10 - Ég gef ræmunni smá plús fyrir Gerard Butler, sem var sá eini sem virtist skemmta sér eitthvað út myndina.
Fín mynd sem kom skemmtilega á óvart. Ég var nú á tilfinningunni að þetta væri aum mynd en svo var ekki. Myndin heldur sínu striki allan tíman og nær að slá fyrri myndinni og kemst þa…
Fín mynd sem kom skemmtilega á óvart. Ég var nú á tilfinningunni að þetta væri aum mynd en svo var ekki. Myndin heldur sínu striki allan tíman og nær að slá fyrri myndinni og kemst þar með á toppinn. Allt er svo sem fínt í myndinni. Tæknibrellurnar virka. Leikurinn líka. Jolie líka. Þetta er svona top B-mynd þannig lagað. En þetta var þess virði því ég fór frítt í bíó.
Algjört sorp, ég held satt best að segja að Tomb Raider: The cradle of live sé eitt lélegasta framhald af mynd sem ég man eftir.
Ef það væri ekki fyrir Angelinu Jolie þá er ég ekkert v…
Algjört sorp, ég held satt best að segja að Tomb Raider: The cradle of live sé eitt lélegasta framhald af mynd sem ég man eftir.
Ef það væri ekki fyrir Angelinu Jolie þá er ég ekkert viss um að þessi mynd hefði fengið meira en hálfa stjörnu hjá mér.
Það er einfaldlega allt við þessa mynd sem er ábótavant, slagsmálaatriðin eru hallærisleg og allt að því léleg, vondu karlarnir eru glataðir. Svei mér þá ég held að handritshöfundarnir hafi snýtt þessu á blaðið í flýti, kanski hefði þetta verið fínt ef að þeir hefðu bara farið létt yfir með vasaklútinn á eftir.
Ég held ég eyði ekki fleirri orðum í þetta nema bara rétt í lokin, ekki sjá hana, að minsta kosti ekki í bíó.
