Master and Commander: The Far Side of the World (2003)

Pabbi vinar míns talaði við Russel Crowe (Jón Ársæll) og þegar ég fór á myndina með honum og vini mínum sá ég að þetta var góð mynd. Myndin fjallar um skipstjóra sem á að elta franskt skip og sprengja það. Það er ekki svo mikill söguþráður en áhöfnin stoppar á Galapagos-eyjum og læknirinn um borð finnur nýjar dýrategundir þar ásamt 9 til 11 ára stráki. Ég segi ekki meira en þessi mynd er fyrir þá sem hafa gaman af ævintýramyndum.

Sumar myndir eru einfaldlega stórkostlegar og skilja mikið eftir sig. Master and Commander er ein þessara mynda. Leikstjórinn Peter Weir (The Truman Show, Dead Poets Society) hefur með þessari mynd náð að skapa andrúmsloft sem seint verður leikið eftir. Myndin hreinlega togar mann inn í sig og áhorfandinn verður þátttakandi í söguþræðinum. Myndin gerist í upphafi 19.aldar, á tímum Napóleons. Stirðleiki var á milli stórveldanna Frakklands og Bretlans og segir myndin frá áhöfn breska skipsins Surprise. Skipstjórinn, Jack Aubry (Russel Crowe), kallar ekki allt ömmu sína og þekkir skipið út og inn og veit hvað það þolir. Hann hefur fengið fyrirmæli um að stöðva för franska skipsins Acheron með öllum ráðum. Vandinn er hins vegar sá að það skip er mun stærra og betra en Surprise. Þegar Acheron kemur Surprise á óvörum og skilur það eftir stórlaskað ákveður Jack Aubry að elta skipið uppi. Nú hefst eltingarleikur sem í upphafi virðist nokkuð ójafn en Jack Aubry lumar á nokkrum trompum sem hann telur duga, eða hvað? Master and Commander er frábærlega vel gerð kvikmynd. Jafnhliða því að sýna mikilfenglegar orrustur sýnir hún lífið um borð í skipinu sem er oft á tíðum mjög erfitt. Einangrunin fer illa í menn. Leikurinn er skotheldur enda handritið frábærlega skrifað. Kvikmynd sem óhætt er að mæla með.

Mjög góð mynd,ég sá hana fyrir nokkrum mánuðum og varð fyrir engum vonbrigðum. Myndin gerist á tíma Napóleons Bónapartes en breskt skip þarf að elta franskt herskip og sprengja það. Skipstjórinn (Russel Crowe) er tilbúinn í hverjar hættur sem eru til og málið er hvort að þeir deyja ekki. Leikstjórinn Peter Weir (Fearless,The Mosquito Coast,The Truman Show) leikstýrir ótrúlega vel og hljóðklipping og tæknibrellur eru í fremsta flokki. Búningarnir eru vandaðir og skipin sannfærandi. Það sést bara í land einu sinni og það er þegar þeir stoppa á Galapogos eyjum og það er í fyrsta skipti í kvikmyndasögunni sem er tekið upp eitthvað í kvikmynd þar á Galapagos. Myndin er tilnefnd til 10 Óskarsverðlauna og ég trúi því vel. Ég segi að lokum að ég mæli með þessari mynd.

Það eru ákveðnar myndir sem verða betri eftir annað áhorf, oft er það út af ruglingi eða skilningsleysi við fyrsta áhorf, stundum er það jafnvel út af slæmu skapi sem getur haft slæm áhrif á álit manns. Master & Commander: The Far Side of the World hinsvegar verður betri og betri eftir hvert einasta áhorf, ég sá hana í bíó til að byrja með, álitið mitt var á góðum nótum en aðeins rétt svo. Mér fannst hún langdregin, oft leiðinleg og innihaldslaus, þar sem ég bjóst við stríðsmynd og miklum hasar þá kom það mér að vonbrigðum að svo mikið væri einbeitt á persónunum í staðinn. Mögulega var ég einfaldlega í ekki svo góðu skapi. Seinna meir ákvað ég að gefa myndinni annað tækifæri, og það sannaði sig vel, ég tel Master & Commander vera bestu mynd 2003 (Return of The King líka), og ein uppáhaldsmyndin mín. Ég horfði framhjá fyrrum væntingarnar og sökk lengst inn í söguna, myndin er frábært dæmi um vel skapaðar persónur, enda er leikurinn líka í hæsta flokki. Russell Crowe og Paul Bettany bera myndina upp á hásæti allan tímann, svo er líka mikið úrval af aukaleikurum en þó aðallega óþekktir, Billy Boyd fékk þó skemmtilegt hlutverk en þó ekkert of áberandi. En það sem er áberandi eru mjög misjafnir dómar og mismunandi álit sem hafa borist gagnvart myndinni, Master & Commander er ekki mynd sem öðlast ekki aðveldlega mikinn ´mass appeal´. Margir, líkt og ég gerði, finnst Master & Commander einfaldlega leiðinleg því aðalgallinn við myndina er að ef þú fellur ekki fyrir persónunum þá muntu ekki geta fílað myndina. Þetta er tveggja klukkutíma persónusköpum með smá hasar inn á milli, allur hasarinn er þó glæsilega gerður, Master & Commander hefur líklega einhverja besta hljóðvinnslu sem kvikmynd hefur að bjóða og það borgar sig sérstaklega hér með risa fallbyssum og orrustum á sjó. Myndin minnir mig mikið á gamaldags kvikmyndir á þann hátt, líkt og Spartacus, Great Escape og Lawrence of Arabia, allt frábærar myndir sem beina einbeitingunni aðallega á fólkinu og persónuleikum þeirra, fyrrum sögur og hugsanir. Það er þó áhættan bakvið myndina, til dæmis það er aðeins ein kona í allri myndinni sem kemur fram í um það bil tíu sekúndur, ef Master & Commander hefði verið dæmigerð Hollywood ræma þá hefði verið reynt að kremja inn einhverja leiðinlega ástarsögu inn á milli sem hefði líklega dregið myndina niður að miklu leiti. Það er einnig þessi raunveruleiki bakvið gerð myndina sem hjálpar verulega, sýnt eru góðu og slæmu hliðar lífs á sjó, fólk er óhreint, líður illa og særist alvarlega enda gerist myndin á byrjun nítjándu aldar. Til þess að summa þessu öllu, Master & Commander: The Far Side of The World er tveir klukkutímar um vináttu skipstjórans Jack Aubrey/Crowe og læknisins Stephen Maturin/Paul Bettany og fyrir suma er þetta örugglega ekki mynd sem auðvelt er að fíla, en ég hvet alla sem finnst svo að gefa henni annað tækifæri því það breytti öllu fyrir mig.

Þetta var alveg fín mynd, þetta var alveg ágæt upplifun, það er erfitt að gera mynd um sjóorustur á þessum tíma spennandi þess vegna fær hún svoldinn bónus frá mér :).

Mér fannst myndin vera stutt, hún hélt manni einhvern veginn,

mórallinn í salnum var alveg ágætur fólk hló að þeim góða brandara sem Russel kom með.


Megi guð geyma konur okkar og ástkonur, og sjá til þess að þær muni aldrei hittast :)


Man ekki hvort þetta var akkúrat svona, en myndin var ágætis skemmtun, manni leiddist ekkert á henni, en samt mistókst henni að halda manni í þvílíkri spennu eins og Hringjadróttinssaga gerir.

Sagan er góð, því er ekki að neita, en myndin er leiðinleg.

Myndin er allt of löng og allan tímann er maður að bíða eftir því sama sem síðan loksins kemur, engum að óvöru, eftir tæpa þrjá klukkutíma.

Ég var búinn að heyra að þetta væri ein besta mynd ársins en ég get fullyrt það að það er ekki satt, það er ekkert við þessa mynd sem gerir henni kleyft að komast inn á þann skala. Leikarar eru ágætir enda stór nöfn á ferð, en engin er þó með stjörnu leik. Sagan er góð en virkar illa á mann þegar framsetningin er eins löng og þessi. Þó er ekki hægt að setja neitt út á tæknibrellur og búningaval sem virkaði alveg ágætlega á mann. Bardagaatriðin voru fín en of fá og allt of fyrirsjáanleg ásamt því að vera alltaf þau sömu nema bara á sitthvorum staðnum í myndinni.

Þegar litið er yfir afraksturinn þá er það eina merkilega við myndina að maður hálfpartinn sér eftir því að hafa eitt þremur tímum í bíó til að sjá hana, og það var einungis merkilegt vegna þess að það var það eina sem kom á óvart við myndina.

Fór á þessa mynd fyrst og fremst útaf Russel Crowe enda einn uppáhaldsleikarinn minn eftir L.A. Confidential. Hins vegar varð ég fyrir vonbrigðum með hann enda skipti í raun engu máli hvort hann væri á skjánum eða ekki vegna þess hve léleg persóna hans var skrifuð. Síðan þegar ég kom af myndinni fór ég smá saman að átta mig á því að það gerðist nákvæmlega ekkert í þessari mynd, söguþráðurinn var enginn og þeir hefðu léttilega geta stytt myndina úr 3 tímum í 10 mínútur án þess að maður hefði misst af einhverju. Niðurstaða: engin saga, engar persónur og því mjög hlutlaus mynd, þ.e. maður gæti í raun verið að horfa á tómann skjá. Hálf stjarna fyrir tæknibrellurnar þó.

Að lokum vil ég segja að það sem fór allramest í taugarnar á mér var að þessi mynd er gerð eftir bók þar sem Bretar eru að elta ameríska freigátu en ekki franska og auðvitað má ekki meiða ameríkanana í bíó. Svipað og U666 (man ekki tölurnar) þar sem bandaríkjamenn nátu þýskum kafbát á sitt vald þegar í raunveruleikarnum voru það Bretar.

Master and Commander er frábær mynd. Hún sýnir lífið um borð á seglskipum vel. Engin ofurhetja í myndinni og hún nær fullt af góðum spennu atriðum, þau gerast kannski hægt en þessi segl skip á sýnum tíma voru líka hæg í snúnningum. Hún verður aldrei langdreigin og það er ekki hægt að sjá neina vankanta á tæknibrellum. Það mæti halda að þeir hefðu byggt tvö skip í fullri stærð. Mikið af úrvarls leikurum og er þessi mynd vel þess virði að fara á í bíó. Þetta er ekki mynd sem mér finnst að eigi að skora mikið á Óskarnum en samt sem áður mjög góð mynd og flott afþreying.

Master and Commander The far side of the world sem gerist árið 1805 í Napóleonstríðunum fjallar um Jack Aubrey skipstjóra á Bresku skipi sent til að stöðva Franskt herskip sem er mun stærra, meir vopnuð og með meiri menn. Jack sem er kallaður Lucky-Jack er alltaf svo heppinn að það heppnast allar sendifarir hans en hann er nú í fyrsta skiptið í mun verri aðstæðum. Myndin heldur sínu striki. Er aldrei of langdregin, er aldrei leiðinleg. Mjög vel leikin, vel skrifuð og nær Peter Weir að gera þessa mynd eins og búist var við. Svo er líka Billy Boyd betur þekktur sem Pippin í Lord of the Rings myndunum í aukahlutverki í skipi Aubrey´s. Þetta er góð mynd sem er þess virði að sjá í bíó og borga 800 krónur en að tilnefna þessa mynd til fjölda óskara þar að meðal bestu mynd sem sumir hafa spáð finnst mér of mikið. Mjög góð mynd, vel gerð, vel allt. Hún kemur manni ei að vonbrigðum.