White Chicks (2004)

Sá white chicks um daginn og hún var nú bara svona allt í lagi. wayans bræður eru samt frábærir í hlutverki löggugaura sem fá það hlutverk að ná í forríkar systur sem svipa skemmtilega til hilton systranna og eiga að gæta þeirra fyrir mannræningjum. þær eiga að fara til Hamptons í veislu og á leiðinni þangað lenda þau í litlu bílslysi sem gerir það að verkum að systurnar fá meiddi á nef og munn og geta ómögulega látið taka mynd af sér í veislunni. Bræðurnir fara þá í hlutverk þeirra í veislunni og þá hefst fyndin og skemmtileg atburðarrás:) ætla ekkert að segja meira um það. þetta er fyndin mynd á köflum og maður veit alveg hvernig hún mun vera þegar maður byrjar að horfa á hana en samt ágætis skemmtun.

Ok,Ok white chicks er mjög léleg kvikmynd,alveg full af atriðum sem við höfum séð áður.Mjög ófrumleg og mikið af klisjum hér og leikurinn er ekkert sérstaklega góður,handritið já mjög slæmt en White chicks bætir það með rosalega fyndnum atriðum inná milli eru samt ofnotuð atriði(atriði sem maður sér í næstum öllum svona grínmyndum).

leigði hana á afmælinu mínu og hef séð hana nokkuð oft.

Mörg atriðin eru drepfyndin og hló mjög mikið yfir White chicks en er ekki eins fyndin og Scary movie sem er nú ein fyndnasta mynd sem ég hef séð.

Fyndin,skemmtileg og flott Jamei King tvær stjörnur.

FBI bræðurnir Kevin og Marcus er nokkuð misheppnaðir lögreglumenn bestu skinn en handtökurnar mistakast nokkuð oft svo ekki meira sé sagt.

Við það að vera næstumreknir þurfa þeir að keyra ofdekraðar Beverly Hills systur sem eru bygðar á Hilton,Olsen,Duff og Simpson systrunum svo þær komist á snobbaði helgarsamkomu.Afhverju þurfa þær fylgd með FBI?Þær eru í hættu því FBI grunar að mannræningi vilji ná þeim.Þau lenda hinsvegar í því að bílinn fer af veginum og þær frá rispu á nefið og neita því að fara.

Svo Kevin og Marcus þykjast vera stelpurnar og getur þetta ekki orðið neitt annað en fyndið og klijukennt.

Fyndin en gölluð

Þetta byrjaði allt með Some Like it Hot árið 1959, og í kjölfarið fóru fullt af bíómyndum að fylgja eftir grunnplottinu um karlmenn sem klæðast sem konur (The Rocky Horror Picture Show, Tootsie, Mrs. Doubtfire... á maður nokkuð að halda áfram??), og flestar í því skyni að grín sé gert úr því um leið. White Chicks er nýjasta tilraunin í þessari formúlu, og þar sem efniviðurinn er langt kominn uppúr því að vera úreltur mætti halda að hér væri um þreytta tilraun að ræða. Reyndar hélt ég svo, en fyrst að Wayans bræður eiga til með að vera þónokkuð skemmtilegir og oftar en ekki bráðfyndnir mætti alveg koma því til skila að myndin geri sæmilega hluti án þess að detta niður í leiðindi. Húmor bræðranna getur náð góðum hæðum (Scary Movie), en jafnframt slöppum (Scary Movie 2). White Chicks er mitt á milli og virkar hún á misgóðu leveli. Shawn og Marlon Wayans eru báðir góðir en þeir geta lítið að því gert þegar handritið fer að þreytast, eins og t.d. nær lokin, og sumir brandararnir fara að endurtaka sjálfa sig. Auk þess er vert að taka það fram að trúverðugleiki sé ekki sterkasta hlið myndarinnar. Maður þyrfti að vera alvarlega orðinn skertur í kollinum ef maður gæti ekki séð að eitthvað væri grunsamlegt við útlit þessara ''stelpna.'' Maður á pínu bágt með að kaupa það að bókstaflega allar persónur myndarinnar, þ.á.m. hæst settu FBI-fulltrúar, halda að þetta séu virkilega kvenmenn. Sá sem eignar sér skjátímann er aftur á móti Terry Crews (einhverjir þekkja hann kannski úr Malibu's Most Wanted eða Starsky and Hutch), og hann á einmitt fyndnustu (og sjúkustu?) brandaranna ("Once you go black, you´re gonna need a wheelchair"). Einsöngur hans í bílnum var algjört brill. En svona yfirhöfuð er hér um að ræða ósköp fljótgleymda en þó passlega skemmtilega 90 mínútna afþreyingu. Og miðað við þá þunnildi sem plottið er og þann takmarkaða húmor sem tengist viðfangsefninu myndi ég segja að það væri bara mjög gott hrós.6/10