Harold & Kumar Go to White Castle (2004)

Æ ég veit það ekki. Ég er kannski bara svona vanþroskaður en mikið hrikalega fannst mér þetta fyndin og skemmtileg mynd. Þetta er svona mynd þar sem allt er látið flakka, öllu gáfulegu, listrænu eða bara heilbrigðu er hent út um gluggann. Hérna er soðinn saman þvílíkur hrærigrautur af dellu og fávita skap, sem er síðan skeytt saman við ákaflega einfaldan söguþráð um ferðalag tveggja vina. Þetta er frábært dæmi um dellumynd sem reynir ekki að vera neitt annað og gengur upp.

Þessi mynd er betri en ég bjóst við þessi mynd er hinn hreinasta snild bara flottasta grín mynd sem ég hef á ævi minni séð.



ég mæli með þessari mynd allir að fara að sjá hana :)

Bara skemmtileg mynd, ekki eins fyndin og Van Wilder en nálægt. Það er lítið annað hægt að segja, það koma fram skemmtileg cameo eins og Jamie Kennedy og Neil Patrick Harris. Eins og allar aðrar táningaslapstick myndir eru sömu klisjunar en öðruvísi umhverfi, Harold and Kumer gerist bara utan skóla.

Eftir að unglingrínið hafði verið framleitt í bílförmum síðustu ár var ég núinn að missa trúna á þessum geira kvikmyndanna og var löngu hættur að taka eftir ýmsu rusli sem var hent í bíóhúsin í von um skjótvænan gróða. En ég ákvað samt að skella mér á Harold and Kumar. Útkoman var alls ekki slæm, hún var reyndar góð. Sagan fjallar um tvo hasshausa sem verða óvænt svangir eftir miklar hassreykingar og leggja af stað í ævintýralegt ferðalag á hamborgarastaðinn White Castle(sem er til í alvörunni, góð auglýsing fyrir þá). Á leiðinni hitta þeir ótrúlegustu persónur og eru nokkur skemmtileg cameo í myndinni frá m.a Ryan Reynolds og Neil Patrick Harris. Þeir félagar John Cho og Kal Penn standa sig með Prýði og skemmti ég mér stórkostlega, ég væri ég ekkert á móti annarri mynd með þeim félögum.

Prýðileg gamanmynd um hasshausana Harold og Kumar sem halda í leiðangur eftir hinu fullkomna munchies á föstudagskvöldi eftir að hafa verið duglegir við jónureykingar. Þessi leiðangur, sem er jafnframt nánast öll atburðarrás myndarinnar, verður fljótt dálítið súrrealískur og má með sanni segja að þessu kvöldi muni þeir seint gleyma. John Cho muna margir eflaust eftir úr American Pie myndunum (annar MILF gaurinn) og tengsl þessarar myndar við þá seríu er meiri, því að Eddie Kay Thomas sem lék hinn ógleymanleg Finch er hér líka í aukahlutverki. Ef horft er á myndina sjálfa minnir hún í raun og veru meira á Wanyes World en American Pie sökum þess hversu súrrealískur söguþráðurinn verður oft á tíðum. Harold og Kumar komast því miður ekki í sama klassa og þær tvær myndir en þeir bæta það að stóru leiti upp með vera nokkuð ferskar klisjulausar persónur. Það hafa verið gerð framhöld af mun verri myndum en þetta og persónulega hefði ég ekkert á móti því að sjá meira af ævintýrum þeirra félaga.

Stoner-myndir eru ekki eitthvað sem ég held mikið upp á og ég hef séð þær fleiri slæmar heldur en góðar. Harold & Kumar Go To White Castle virðist hins vegar ná takmörkum sínum réttum, og þau geta nú ekki verið mörg. Þegar leikstjórinn er sá sami og gerði hina rammskökku Dude, Where's My Car? ætti það að vera sjálfuppgefið hvað hér er á ferð. Myndirnar eru mjög svipaðar frá grunni en meira hefur annars verið lagt í að auka stigi viðbjóðs og greddubrandara. Hinir 'sjúku brandarar' sem við koma inn á milli eru mis(-smekklegir)fyndir en húmorinn bara almennt fannst mér nokkuð góður, þ.e.a.s. ef maður kann að meta steikta og hálf ''uppdópaða'' kímnigáfu. Tvíeykið, sem þeir John Cho (asíski (MILF) gaurinn úr American Pie) og Kal Penn (sá indverski úr Van Wilder) mynda, er óborganlegt og drengirnir slá rækilega í gegn saman, og það skiptir einmitt mestu máli. Nokkur bráðfyndin gestahlutverk bregða líka fyrir og það sem kemur einna helst á óvart er að myndin inniheldur nokkuð sérstakan og óvenju vel heppnaðan boðskap sem einblínir á þröngsýni margra hvað varðar kynþætti. Ekki slæmt, sérstaklega þegar mynd er um að ræða þar sem jónurnar ráða ríkjum. Af þeim örfáu góðu 'grasgrínmyndum' sem ég veit um þá efa ég ekki að þetta sé ein af þeim bestu. Spurning hvort það segi meira um þann geira heldur en þessa mynd, en ef það breytir einhverju þá er þetta að mínu mati ein af fyndnari og flippaðri grínmyndum ársins, og ég væri vel til í að sjá Harold & Kumar leika lausum hala í annarri mynd.7/10