Ladder 49 (2004)

Eftir 11. september urðu slökkviliðsmenn ósjálfrátt að hetjum þjóðarinnar í Bandaríkjunum og er enn í dag sífellt verið að halda fyrirlestra yfir fólki um hversu mikilvægir og hugrakkir þeir eru. Ég bjóst við því að Ladder 49 yrði ekta amerísk hetjudáðarmynd með mikilli þjóðardýrkun og ofaukinni, tilgerðarlegri dramatík sem einblíndi mikið á þetta viðfangsefni. Ég gerði ráð fyrir því versta, en varð satt að segja fyrir óvæntri upplifun. Myndin er flott gerð, vel leikin, átakanleg, spennandi á köflum og bara nokkuð sterk yfir heildina. Hún fær svosem ekkert enga plúsa fyrir ''frumleika'' sinn eða hinar ýmsu klisjur sem læðast um inn á milli, en lokaniðurstaðan skilar frá sér hreint afbragðsgóðri afþreyingu. Hér er stór hluti myndarinnar í höndum Joaquin Phoenix, og bregst hann manni ekkert frekar en áður. Hann er nú reyndar stórkostlegur, og nær einhvern veginn að forðast það að gera persónu sinni að stereótýpu og leikur hann meira sem hversdagslegan einstakling. John Travolta fær líka miklu meira að gera núna en á undanförnum árum og stendur hann sig frábærlega með aukahlutverkið sem hann fær. Mér hefur alltaf líkað vel við manninn, en átti ekki von á svona góðri hlið að honum. Frásögn myndarinnar er líka mjög fín og hún gerir mjög góða hluti með persónusköpunina, sem borgar sig vel þegar það kemur að 'alvarlegri' hliðum hennar. En þrátt fyrir að vera 100% amerísk á vissum stöðum nær hún góðu sambandi við áhorfandann, a.m.k. í mínu tilfelli, og snertir hún við manni á réttum stöðum meðan hún heillar mann á öðrum. Kvikmyndatakan fannst mér m.a. virkilega flott og ég dáist mikið að hversu vel gerðar háskasenurnar voru. Í stað þess að styðjast við hjálp tölvubrellna til að skapa eld notar hún aðferðirnar af gamla skólanum. Mjög skörp ákvörðun. Akkúrat þessa stundina á ég erfitt með að finna mér mynd sem hefur komið mér eins vel á óvart og Ladder 49, á þessu ári þ.e.a.s. Hún skilur ýmislegt eftir sig og eru talsvert góðar líkur að hún fái fólk til að skilja það sem hún reynir að segja við mann. Hef sjaldan orðið eins ánægður með Bandaríska formúlumynd.7/10

Ég gekk inná þessa mynd með mjög litlar væntinar. Bjóst við hálfgerðrum Backdraft clone. Mynd sem mér hefur alltaf líkað vel við. Ég skal alveg viðurkenna að þegar myndin vara að klára sig gat maður ekki enn grátið yfir þessari mynd. Það hefur engin mynd síðan að ég sá Once were warriors á 21 árs afmælinu mínu. Og það var ekkert miðað við þessa mynd. Hún hitti vel í hjarta stað. Vegna þess að hún er ekki einhver flashy Hollýwood mynd, heldur einbeitir á karakterana og hvað gerir þá að slökkvuliðsmönnum. Þetta er svona mynd í huga mínum þar sem allt smellur vel saman. Leikhópur, útlit, tónlist og leikstjórn. Ekki veikur blettur, þó verður að segjast að Juaquim Phoenix er alltaf að sanna meir og meir hve góður leikari hann er. Travolta, hvað kemur til að hann fer ekki í taugarnar á mér?? Hataði hann í The Punisher enn í þessari mynd leikr hann mjög vel. Reynir ekki að stela sviðljósinu. Enn í staðin er einn af burðarbitum þessarar mynd. Svo út frá þessu er hægt að dæma að mér líkaði myndin. Rétt er mæli með að allir sjái hana. Nema kannski Hollywood Junkíinn sem vill sýnar bombur og innantóma mynd. Farðu frekar á Alien Vs. Predator. Fyrir fólk sem fílar myndir eins og Shawshank Redeption sem er ein af mínum uppáhaldsmyndum. Þessi mynd endar á óvæntan hátt enn jákvæðann hátt á 'Wanted' Dvd listanum mínu ;) Skellið ykkur bara í bíó.

Ladder 49 er snilldar mynd þótt ég fíli ekki drama myndir þá er þessi snilld ég táraðist 2 í myndinni og nærrum grét í annað skiptið John Travolta hefur ekkert verið á þessum nótum nýlega eins og í Sword Fish og The Punisher þá er hann vondi kallinn en núna er hann góði kallinn sem á mikklu betur við hann, Joaquin Phoenix leikur mjög vel í þessari mynd og leikur frekar líkt hlutverk í þessari mynd miðað við myndir eins og The Village og Signs þá er hann hetjan í þessum myndum. Það sem var gott við þessa mynd er að hún er ekki allveg eins og aðrar bandarískar myndir sem svolítið að koma inn núna.

Ég sá þessa mynd upp á velli og ég verð að segja þessi mynd kom mér mikið á óvart. Þegar að maður sér þessa mynd þá heldur maður að þetta sé ein útgáfa af Backdraft en þegar betur er að gáð þá er þess mynd talsvert öðruvísi. Myndin skartar þeim Joaquin Phoenix og John Travolta í aðalhlutverkum. Travolta stendur sig afar vel í sínu hlutverki og er mjög raunverulegur í hlutverki slökkviliðstjórans en það er samt Joaquin Phoenix sem er aðal maðurinn og stendur sig einstaklega vel. Phoenix leikur slökkviliðsmann sem að er sendur til að vinna á slökkvistöð númer 49, hann er þar fyrst sem prufu slökkviliðsmaður þar sem hann er nýr í heimi slökkviliðsmanna. Travolta leikur slökkviliðsstjóran á stöð 49 og tekur að sér að kenna Phoenix allt sem hann þarf að kunna. Phoenix kemst samt mjög fljótt að því að starf slökkviliðsmanna er enginn dans á rósum, hann fær fljótt að kenna á hættunum sem fylgja starfinu en hann gerir allt sem að hann getur til að sinna því vel og bjarga mannslífum. Þetta er mjög hröð og spennandi mynd sem að fær hárinn á manni til að rísa. Þessi mynd sínir á raunverulegan hátt þær hættur sem að slökkviliðsmenn í Bandaríkjunum þurfa að takast á við en láta sig hafa það bara til þess að geta bjargar lífi annara. Bæði Travolta og Phoenix fengu að aka með slökkviliðinu í Baltimore til þess að geta byggt upp persónurnar og til þess á fá smjörþefinn af því sem slökkviliðsmenn gera. Þessi mynd minnir mann oft á Backdraft en er samt öðruvísi á margan hátt. Ég hef sjálfur fengið að aka með slökkviliði úti og ég get sagt að útkoman úr myndinni er mjög góð. Myndinn er vel leikinn og vel tekin. Það er nefninlega ekki auðvelt að búa til svona mynd þar sem mikið er notast við eld og hann er ekkert samvinnufús. Ég mæli eindregið með þessari mynd, þettar er mjög góð afþreying, hún er spennandi og skemmtileg og gefur almenningi tækifæri á að kynnast starfi slökkviliðsmanna. Þegar þú ert búin(n) að sjá myndina þá skaltu fara á næstu slökkvistöð og kynnast slökkviliðsmönnunu og síðan þakka þeim fyrir það sem þeir gera.