Ahead of Time (2004)

Í takt við tíman er óbeint framhald myndarinar Með allt á hreinu sem sló í gegn árið 1982. Myndin er nú aðeins lakari enn forveri hennar en hún hefur þó áhveðið skemmtana gildi sem er það sem skiptir máli. Leikurinn í myndinni er svona lon og don og eiga þeirr Stuðmenn alveg ágætis leik þó að þeir geri lítið annað en að syngja og dansa. En þeirr falla allir þó allir algjörlega í skuggan af Eggerti Þorleifssyninn en hann á magnaðan leik sem Dúddi rótari en í leik sínum gerir hann grín af mörgum þjóðþekktum Íslendingum og tekur hann þá Þórhall miðil svolítið í gegn. Eggert heldur uppi myndini alveg eins og hann gerði í Með allt á hreinu og er mokkuð ljóst að þessar stuðmanna myndir væru glataðar án hans. Löginn í myndini eru nokkuð skemmtileg og hafa stuðmenn sinnt lagasmíðinni af mikilli fagmennsku. Það sem fór helst í taugarnar á mér við þessa mynd hversu illa hún var klippit og var oft skippt mjög furðulega á milli atriða. Þegar í heildinna er litið er hér á ferðinni ágætis mynd sem er allveg fínn í það að drepa tíman með. Takk fyrir.

Í takt við tímann er mynd sem ég fór á með væntingar í lágmarki, og rúmlega það. Það er kannski enginn ákveðin ástæða þar á bakvið. Ég fílaði fyrri myndina ágætlega þótt ég færi aldrei að tala um hana sem einhverja snilld. Kannski það hafi eitthvað að gera með það að ég er ekki nógu gamall til að minnast hennar með sömu nostalgíu og flestir aðrir. Þar að auki hafði hún voða lítið innihald og var persónusköpun í algeru lágmarki, þannig að ég hef aldrei litið á hana sem mikið meira en ofurlangt tónlistarmyndband. Annars er ég ekki mjög bjartsýnn þegar það kemur að íslenskum framhaldsmyndum. Líf-myndirnar voru svosem fínar en Stella í Framboði var t.d. einhver almesti viðbjóður sem þjóðin hefur þurft að þola, og ég kenni henni fyllilega um að hafa eyðilagt fyrri myndina sem var nánast klassík. Ég viðurkenni að ég óttaðist það sama þegar ég fór á þessa mynd.Í takt við tímann reynir að endurvekja sama kolruglaða og nett klikkaða fíling sem flæddi gegnum Með Allt á Hreinu, og það má eiginlega segja að hún reyni of mikið. Hins vegar kemst hún upp með það, kannski misoft, en það gerist. Það getur eiginlega ekki kallast annað en einskær heppni, því myndin er á köflum svo gífurlega absúrd og yfirdrifin að það er ekki eðlilegt. Mér dettur strax í hug stutta senu þar sem Egill Ólafs greiðir fyrir pylsu með DVD eintaki af fyrstu Stuðmannamyndinni, sem segir manni að þessi mynd setur sér nákvæmlega engar reglur. Það sem heldur henni gangandi er þessi orka sem hún býr yfir, og allt liðið virðist skemmta sér ágætlega. Eggert Þorleifsson heldur uppi léttu gríni í hlutverki eðalgreysins Dúdda meðan Stuðmenn flakka með gamninu. Jakob Frímann Magnússon stendur að vísu uppúr með skemmtilegri nærveru meðan Egill Ólafs og Ragnhildur Gísladóttir eru pínu þurr á skjánum. Kemistrían á milli þeirra hefur horfið með níunda áratugnum.Tónlistin þarf varla á útskýringu að halda. Persónulega er ég ekki heimsins mesti Stuðmannaaðdáandi en hér smelltu lögin vel inn í atburðarásina (ef atburðarás skildi kalla, ég tók varla eftir einhverju áberandi plotti) og sum þeirra reyndust vera ansi góð.Sumar senurnar í myndinni eru samt klaufalegri en aðrar, endirinn var t.d. ferlega skemmdur og hallærislegur. Ég get svarið það að myndin fengi hjá mér hærri einkunn hefði hann verið breyttur, þó ekki væri nema smávegis. Að flestu leyti er þó hin prýðilegasta skemmtun hér á ferðinni. Engan veginn betri en sú fyrri, og ekkert sem á skilið fjöldann allan af verðlaunum. Sjáið hana bara sem það flipp sem hún er. Ekkert annað.6/10

Í Takt Við Tíman er framhald Með Allt Á Hreinu sem að sló í gegn á sínum tíma. Hér er á ferðinni en ein úldin Íslensk þvæla þar sem maður gerir ekkert annað en að drepast úr leiðindum. Það koma jú stundum fyrir að maður hló en það var ekki lengi og ekki oft, ég sá eftir 800 kallinum mínum og vara alla við að sjá þessa skelfilegu vitleysu sem að ætti að banna í bíó. Með Allt Á Hreinu var mikið betri þó svo að hún hefði verið frekar leiðinleg en hún var samt miklu skárri. Í Takt Við Tíman er leiðinleg og illa leikin mynd sem að skilur ekkert eftir sig.

Var að koma af þessari mynd og skemmti mér mjög vel. Það er ekki auðvelt verk að fylgja Með allt á hreinu eftir og auðvitað er viðbúið að menn hafi þúsund mismunandi skoðanir á því hvernig hún ætti að vera - og jafnvel hvort það átti yfir höfuð að gera framhald Mér fannst myndin hinsvegar vera mjög góð, full af skemmtilegum bröndurum og frösum sem eiga eftir að lifa. Klárlega. Hún stóð amk undir þeim væntingum sem ég gerði til hennar. Það er ekki hægt að gera aðra Með allt á hreinu og var ég satt best að segja að ekki bjartsýnn á að Stuðmönnum tækist að gera jafn skemmtilega mynd aftur. Ég skemmti mér hinsvegar konunglega og legg til að hver og einn fari bara á myndina og móti sína eigin skoðun....hún fær a.m.k. mín meðmæli

Ég verð að viðurkenna að ég bjóst ekki við miklu þegar ég fór á þessa mynd. Mér datt ekki í hug að hún gæti toppað Með allt á hreinu. Hún gerir það að vísu ekki, en hún kemst eins nálægt því og hægt er. Brandararnir eru fyndnir, tónlistin er frábær og Stuðmenn eru náttúrulega bara æðislegir (some things never change):D Ég hvet alla til að sjá Í takt við tíman sem allra fyrst.

Fönn, fönn, fönn, ... Það er auðvitað alltaf erfitt að gera mynd númer tvö þegar fyrri myndin er hrein snilld. Þá gerir maður sér líka væntingar um að næsta mynd muni toppa þá fyrri. Með þetta í farteskinu fór ég að sjá Í Takt við Tímann og verð að segja að ég varð ekki fyrir vonbrigðum. Þarna tókst mönnum að gera heilstæða íslenska söngvamynd sem óbeint framhald af fyrri myndinni. Textar Stuðmanna hitta vel í mark og lögin allflest grípandi. Ég gekk t.a.m. út raulandi nokkra góða frasa. Dúddi stóð fyrir sínu þótt hann væri kominn á æðri braut en hinir félagarnir. Hann átti fjölmarga góða frasa eins og Ég skal tantra ykkur trunturnar ykkar... og Nei, nei, allavega Fifty/Sixty. Gervi Egils Ólafssonar fannst mér flott og bíð þess að sjá hann opna útfararstofu í þeim stíl sem þarna er líst. Ekki ónýtt að fara ofan í gröfina með svona fjöri. Ég mæli eindregið með að sjá þessa mynd í bíó þar sem bæði mynd og hljóð njóta sín betur en heima í stofu. Einnig hlakka ég til að eignast diskinn með tónlistinni til að geta betur legið yfir textum Stuðmanna sem eru frekar en ekki meinfyndnir og fullir af háði. Takk fyrir mig !

Sá hana 2. jóladag. Alveg ótrúlega fyndin mynd. Var búinn að hlæja stöðugt í korter þegar ég fattaði að Dúddi var ekki einu sinn mættur. Og þegar hann mætti þá fyrst fór myndin að vera verulega fyndin. Hef heyrt að hún hafi verið klippt talsvert til eftir forsýningar. Slæm mynd fyrir þá sem ekki fíla absúrd húmor.

Í takt við tímann er uppfull af góðum húmor og Eggert fer gjörsamlega á kostum í hlutverki Dúdda, langbesta hlutverk sem ég hef séð hann í. Nýja útgáfan af búktalssatriðinu fræga var mjög vel gerð, kom skemmtilega á óvart og fékk mann bókstaflega til að grenja úr hlátri. Salurinn var stútfullur af fólki og gat ég ekki betur séð en að flestallir hafi hlegið jafnmikið og skemmt sér jafnvel og ég. Lögin í myndinni eru líka mun betri en ég þorði að vona og poppaði hvert lagið á fætur öðru upp í huga mér löngu eftir að ég kom út af myndinni. Ég leyfi mér því að fullyrða að myndin Í takt við tímann sé góð skemmtun og virkilega vel heppnað framhald af myndinni Með allt á hreinu sem sést best á því að ég hef aldrei hlegið jafn mikið í kvikmyndahúsi áður.

Úff hvað get ég sagt:o/ Kom út kolrugluð vissi ekki hvort ég átti að hlæja eða gráta, var ég að misskilja eitthvað....eða kannski þau!!! Kíkti á kvikmyndir.is og sá mér til mikils léttis að ég er ekki orðin húmorslaus með öllu og það er ekki ég sem er kannski úr takt við tímann!! Því miður vonbrigði en kannski maður heyri þeim eitthvað til málsbóta með meiri gagnrýni. Sjáum til....

Oj bara! þessi mynd var sú ÖMULEGASTA sem ég hef á ævi minni séð, hún var mjög langdreginn og tónlistinn var mjög léleg. Ég ætlaði að labba út í hléi en ég varð að sjá hvort það gerðist ekki eitthvað sem myndi bjarga myndinni en það gerðist ekki. Ef að vinir ykkar eru ekki meðlimir í þessari hljómsveit sleppið þá að fara á hana.

Ég fór á þessa mynd með engar væntingar og var þessvegna ekkert fúll þó hún væri mjög léleg, en þó var hún eiginlega lélegri en ég átti von á, Í takt við tíman er sennilega versta nafn sem hægt var að velja á mynina því hún gæti ekki verið meira úr takt við tíman tónlistarlega og húmorslega. Það kom mér þó á óvart að salurinn í Laugarásbíói væri nánast tómur kl 16 á frumsýningardegi 2. í jólum en segir kannski margt um Stuðmenn sem skemmtikrafta. Frumleiki er ekki til í þessari mynd og húmorinn er slappari en spaugstofuhúmorinn. Stuðmenn hefðu betur sleppt því að gera þessa mynd og leyft manni að eiga frekar minninguna um ´allt á hreinu