The SpongeBob SquarePants Movie (2004)

Þegar ég fór á þessa mynd var ég bara búin að heyra um þættina á Mtv þannig að ég vissi ekki við hverju ég átti að búast.Svo byrjaði líka þessi mesta sýrutripps mynd sem ég hef séð og ég get svarið það að ég hló allan tímann. Spongebob ég er aðdáandi þinn!!

Það er eitthvað við þennan SpongeBob Squarepants sem er svo óborganlegt og trippað, og mér finnst alveg sorglegt hvernig við íslendingar höfum náð að slátra góðu barnaefni sem nær til fólks á öllum aldri með íslenskri raddsetningu. Stór hluti af þessum húmor týnist gjörsamlega í þýðingunni. En þessir þættir eru eitthvað svo flippaðir og óútskýranlega kjánalegir að maður getur ekki annað en hlegið lúmskt að þessu. SpongeBob bíómyndin inniheldur stóran hluta af þessum sama húmor. Það er kannski dálítið erfitt að teygja úr efninu yfir í mynd í fullri lengd, og einstaka sinnum missir hún flug sitt örlítið, en þetta sleppur, enda ekki nema einhverjar 80 mínútur. En líkt og maður er orðinn vanur í fjölskyldumyndum nú til dags, þá er SpongeBob myndin drekkhlaðin tvíræðum merkingum, földum bröndurum og meinfyndnum skotum á hina ýmsu hluti (takið sérstaklega eftir Rocky Horror tilvísuninni. Hrein snilld). Þessi mynd er gulltryggð til að kæta sem flesta, unga sem aldna, og ef þú hlærð ekki a.m.k. eitthvað að hinni mögnuðu upphafssenu myndarinnar, þá er þetta líklegast ekki efni fyrir þig. Eitt að lokum: Fer það ekki að verða pínulítið þreytt að vera sífellt að láta David Hasselhoff bregða fyrir í gestahlutverki?? (sjá Dodgeball og Eurotrip) Annaðhvort er maðurinn bara með svona góðan húmor fyrir sjálfum sér, eða hann þarf alvarlega að reka umboðsmanninn sinn...7/10

Hérna er um að ræða þræl skemmtilega mynd sem kom mér skemmtilega á óvart, þegar ég var að byrja að horfa á myndinna hélt ég að ég væri að fara horfa á einkvað svona teykvimyndarrugl enn svo var ekki hún er bara þræl skemmtileg og bráð fyndinn og mæli ég með því að allir sem hafa gaman af teyknimyndum sjá þessa.

Það er eitthvað við þennan svamp sem er svo fyndið:D þættirninr á stöð 2 eru snilld þannig að ég ákvað að skella mér á hana! ´Hún kemur mér nú nokkuð á óvart með fyndnum húmor og skemmtilegum söguþræði!!! Þannig að ef að þú ert ekki búinn að sjá hana og ert að vandræðast yfir því á hvaða mynd þú átt að fara þá er ekki spurning að fara að sjá þessa:D:!

Þessi mynd er sýrðasta mynd sem ég hef séð. En samt er hún líka sú fyndnasta. Húmorinn er svo útúrsýrður að maður getur ekki annað en hlegið. Ég hef horft á marga þætti og misst mig yfir þeim, en myndin vá! hún er mörgum sinnum fyndnari en þættirnir og helst það allan timann. Og að hafa David Hasselhoff í henni er snilld. fyrir þá sem halda að þetta sé barnamynd, þá er hún það ekki. Húmorinn er svartur og maður þarf að hafa sýrðan húmor til að fatta þetta. ég mæli með þessari mynd fyrir alla og sérstaklega unglinga (eins og mig) með steiktan húmor. Fullkomlega fullt hús fyrir þessa mynd.

Mér fannst þessi mynd algjör snilld. Ég var grenjandi af hlátri

alla myndina.Ég bjóst ekki alveg við þessu þótt þættirnir séu

líka snilld. En þessi mynd er svo miklu betri en snilld að það er ekki eðlilegt. Mæli svoleiðis með henni.

Það er eitthvað við Spongebob. Að því ég best veit hafa sjónvarpsþættirnir ekki verið sýndir á Íslandi og landinn því ekki kunnugur húmornum í kringum þennan skrautlega svamp. Það kom mér satt að segja á óvart að myndin er skemmtileg, enda átti ég ekki von á góðu frá Nickelodeon (sem mér þykir yfirleitt framleiða heldur óttalega miðjumoðslegt krakkaefni). Kvikmyndin er fyndin, og jafnvel þess eðlis að maður hefur gaman af að horfa á hana í annað og jafnvel þriðja skiptið, því að húmorinn er annsi hreint sýrður á köflum og þónokkuð um allskyns smáatriði og skot sem maður kemur ekki endilega auga á í fyrstu atrennu. Svo er enn skemmtilegra að horfa á myndina út frá kynjafræðilegu sjónarhorni, enda úir og grúir af dónalegum og samkynhneigðum-tilvísunum í myndinni. Má þar nefna veitingastaðinn Chum bucket (þar sem bókstafnum h er ofaukið) og bleikan krossfisk sem svífur í fallhlíf yfir skara fólks með fána á priki milli rasskinnanna.