Bewitched (2005)

Þokkaleg og lauflétt gamanmynd sem segir frá því þegar sjónvarpsþáttaröðin Bewitched frá sjöunda áratugnum er tekin fyrir og færð í nútímabúning og Isabel Bigalow(Nicole Kidman) er sett í hlutverk nornar en viti menn, hún er raunveruleg norn. Will Ferrell leikur Jack Wyatt mótleikara Isabel og fylgjumst við nú með hvernig samband þeirra þróast. Basicly þá byrjar þessi mynd Bewitched alveg mjög vel, býður upp á margt gott, heldur þannig vel áfram en síðan fer hún smám saman að missa dampinn. Þessi grunnhugmynd á skilið betra heldur en þessa formúlukenndu froðu sem hún verður að seinni partinn og jafnvel Steve Carrell í annars mjög skondu hlutverki sem poppar þá upp bjargar litlu. Annars er þetta prýðileg mynd og Nicole Kidman hefur ekki verið svona góð lengi. Hvernig fer hún að því að vera svona sæt og skemmtileg? Will Ferrell sýnir engan stórleik en er mjög fyndinn og heldur myndinni á floti. Án hans væri Bewitched ekki svona mikil gamanmynd. Michael Caine er að vísu í engu spes hlutverki hér og kann ég eiginlega betur við hann sem Alfred í Batman. Ágætis mynd en hlunkast niður þegar langt á hólminn er komið. Tvær og hálf stjarna segi ég. Tilvalið að kíkja á þessa.

Bewitched sem er rómantísk gamanmynd er byggð á samnefndum sjónvarpsþáttum en að þessu sinni leika Nicole Kidman,Will Ferrell,Micheal Caine og Shirley Maclaine aðalhlutverkin. Isabel Bigelow(Kidman)er alvöru norn og býr í Hollywood. Hún er ekki að búa til seyði út nornapott heldur getur hún gert það sem hún vill en hún er orðin leið á þessu og vill verða venjuleg en faðir hennar Nigel(Caine) er ekki sama máli.

Jack Wyatt(Ferrell)er hræðilegur leikari og rosalegur egóisti,hann ætlar að endurgera sjónvarpsþættina Bewitched(þeir voru til í alvörunni) sem fjölluðu um nornina Samönthu sem reynir að aðlagast lífinu sem venjuleg Amerísk húsmóðir. Jack á að leika manninn hennar Darrin en ætlar að gera sig að aðalpersónunni og hann fær allar setningarnar og atriðin og vill fá ómenntaða og óþekkta leikkonu til að leika Samönthu svo að hann fái alla athyglinga. Jack finnur Isabel í bókabúð og sér að hún er tilvalin í hlutverkið en veit ekki að hún er alvöru norn.

Myndin er ágætlega gerð en leikstjórnin hefði mátt vera betri en var þó ágæt. Atriðið úr trailernum þegar Jack fer í viðtal hjá Conan O´Brian og Isabel gerir hann nakinn var allt örðuvísi en í trailernum og illa uppfært. Isabel var ekki einu sinni í atriðinu og þetta var draumur. Það kom mér á óvart hversu slöpp úrvals leikkonan Nicole Kidman er í aðalhlutverkinu en hún er þó ekki hræðileg. Will Ferrell er ekki góður í sínu hlutverki en er þó mjög fyndinn á köflum. Jason Schwartzman og Steve Carell er mjög lélegir í sínum hlutverkum,kannski var það persónunum að kenna. Shirley Maclaine var líklega skárst en þó langt frá því að vera góð,Michael Caine var ekki góður heldur.Myndin var frekar klisjukennd og handritið var ekki mjög gott en samt ekki rosalega lélegt.Held að þetta sé aðallega konu/stelpu mynd en þeir sem eru mikið fyrir rómantískar gamanmyndir gætu haft gaman af bewitched.

Bewitched er rómantísk gamamynd sem fjallar um þau Jack Wyatt (Will Ferrel) og Isabel Bigelow (Nicole Kidman). Jack er þekktur leikari sem er að gera endurgerð af sjónvarpsþáttunum Bewitched (1964-1972) og þarf leikkonu í aðalhlutverk. Sú sem verður yrir valinu er Isabel, en einnig vill svo til að hún er alvöru norn.

Ferrel er þekktur fyrir aulahúmor úr öðrum mynda sinna, og verður engin breyting á hér, þar sem persóna hans er aulaleg og bókstaflega treggáfuð. Kidman er hins vegar fáguð í öllum leik og er sérstaklega skemmtilegt að sjá þessa tvo menningarheima kvikmyndanna mætast hér. Þessi mynd státar af góðum húmor og er karakter föður Isabel, Nigel Bigelow (Michael Caine) mjög skemmtilegur og túlkar Caine hann vel. Mæli með þessari fyrir góða skemmtun.