The Chronicles of Narnia: The Lion, the Witch and the Wardrobe (2005)

Bíóferðin mín á Narniu byrjaði svona eins og ósköp venjulegar bíóferðir: Þegar ég kem í bíóið er ekki þverfótað fyrir fólki. Þegar ég loksins kemst í röðina átta ég mig á því að ég hef gleymt gleraugunum mínum heima. Ég hleyp heim, og þegar ég kem aftur er engin röð að miðasölunni. Ég kaupi miða, og ætla að fara að kaupa mér popp og gos, en kemst þá að því að öll röðin að miðasölunni hefur færst að sjoppunni... Dæmigert.

Sem betur fer fékk ég það allt endurgreitt, og svo mikið meira. The Chronicles of Narnia: The Lion, the Witch and the Wardrope er byggð á samnefndri bók eftir C.S. Lewis. Narniu bækurnar eru mínar uppáhalds bækur, og þrjár þeirra standa uppúr: The Silver Chair, The Voyage of the Dawn Treader og The Lion, The Witch and the Wardrope, bókin sem þessi mynd er gerð eftir. Þegar ég frétti að gera ætti mynd um hana, varð ég (auðvitað) alveg rosalega spenntur, fór látlaust inná heimasíðu myndarinnar til að skoða fréttir af henni, og var alltaf að horfa á auglýsingar (trailera) eða stuttmyndir um gerð myndarinnar. The Lion, the Witch and the Wardrope er gerð eftir fyrstu Narníubókinni sem C.S. Lewis skrifaði, en annarri bókinni í tímaröðinni (á eftir The Magicians Nephew), og fjallar um fjögur börn sem eru send uppí sveit til frænda síns, Digory Kirke, á meðan seinni heimstyrjöldin vofir yfir. Yngsta stelpan, Lucy, finnur einn daginn gríðarstóran skáp og ákveður að fela sig í honum, þar sem að krakkarnir eru í feluleik. En hún kemst að því að þetta er töfraskápur, sem liggur beint inn í töfralandið Narniu. Hún kemst að því að í Narniu hefur verið vetur í heila öld. Ástæðan fyrir því, er að Hvíta Nornin (The White Witch) hefur skipað sig sjálfa drottningu yfir Narniu og látið ríkja endalausan vetur, þó að engin jól komi... Tölvufyrirtækið Weta sér um tæknibrellur myndarinnar, sem eru gjörsamlega frábærar, enda sama fyrirtækið og vann við gerð The Lord of the Rings myndanna. Ef ég hefði ekki séð þátt um gerð myndarinnar hefði ég líklega haldið að ljónið Aslan væri alls ekki tölvugert, svo flott og eðlilegt er það. Tónlist myndarinnar er eftir Harry Gregson-Williams, og ég verð að segja að þetta er ein yndislegasta tónlist sem heyrst hefur í bíómynd að mínu mati (fyrir utan tónlist eftir Danny Elfman og tónlistin í The Lord of the Rings eftir Howard Shore). Síðan eru það leikararnir: Georgie Henley leikur yngsta systkinið, Lucy, og gerir það alveg ágætlega, miðað við hversu ung hún er. Skandar Keynes virkar ekki alveg í hlutverki Edmunds. Hann er ekki nógu svona... “Illgjarn” eins og hann á að vera, svíkur systkini sín fyrir nammi, og níðist á yngsta systkini sínu. Anna Popplewell leikur síðan næstelsta systkinið, Susan, mjög vel, enda er hún auðvitað aðeins eldri en Georgie og Skandar (þó að það segi kannski ekkert alltof mikið um leikarana). Hins vegar er William Moseley frábær sem elsta bróðirinn, Peter. Hann er gjörsamlega alveg eins og ég ímyndaði mér hann, hugrakkur og hugljúfur unglingsstrákur, sem gætir systkina sinna vel, en samt svolítið hræddur við að beita sverði. Síðan er það Tilda Swinton sem leikur Hvítu nornina eða The White Witch. Hún leikur hana mjög vel, en samt er það karakterinn og útlitið sem fer í taugarnar á mér. Í bókinni er hún dökkhærð og náföl, og miklu stærri heldur en venjuleg manneskja, hálfgerður risi, og miklu hræðilegri, miklu illgjarnari og miklu hættulegri. Andrew Adams, sem leikstýrði Shrek 1 og 2 leikstýrir þessari mynd, og sannar að hann á miklu meira skilið en að leikstýra bara teiknimyndum (þó að sumar teiknimyndir séu mjög góðar) og ég vonast eftir að sjá fleiri myndir eftir hann á næstunni (ef ekki bara aðra Narniumynd). Narnia er semsagt frábær ævintýramynd sem allir ættur að sjá. Ég bíð spenntur eftir næstu mynd, Prince Caspian (ef hún verður gerð), og vona að hún verði eins góð og þessi.

Þessi mynd er stórkostleg og er algjör unun að horfa á, að mínu mati. Er virkilega flott gerð, mikill hasar og flottur heimur sem er skapaður fyrir Narniu. Svo er Tilda Swinton virkilega (köld) í hlutverki sínu sem Ísdrottningin. Brellurnar eru einnig mjög vel gerðar. Þó að ég hafi ekki lesið nein af verkum C.S. Lewis, þá er ég nokkuð viss um að Narnia gæti ekki verið flottari gerð en hérna. Allavega, stórskemmtileg ævintýramynd sem ég mæli með fyrir alla að sjá sem fyrst.

Þessi ótrúlega The chronicles of Narnia myndin og ég mæli með þeim sem sjá þetta að fara á hana í bío þessi mynd er ótrúleg þú getur ekki ýmindað þér hvernig hún er. fariði í bío á þessa ótrúlegu mynd.

Ég fór á þessa mynd á forsýningu og verð að segja að ég varð ekki fyrir vonbrigðum, Narnia er rosalega svona sérstök mynd og enginn mynd lík henni sem ég hef séð. myndin fjallar um 4 systkyni sem eru send til eitthvers prófessors sem á heima í kastala útaf Þjóðverjar eru að sprengja Bretland í klessu, en í kastalanum eru krakkarnir að leika sér í feluleik og finna skápinn sem leiðir í annan heim (Narnia). í Narnia er ekki mjög gott að búa fyrir öll þau fyrirbæri sem búa þar því að illa nornin hefur tekið yfir allt narnia og fáir eftir til að standa á móti henni, Spádómurinn í myndinni segir frá að 4 hetjur muni koma úr öðrum heim og bjarga Lífverum í Narnia frá höndum Hvítu nornarinnar.

eini gallinn sem mér fannst við myndina er að einn systkinana hann Edmund var að hann passaði ekki inn í myndina hann er eiginlega allt of furðulegur og heimskur í myndinni svona eiginlega of leikið hlutverk sitt og ekki alveg leikið það eins og hann hefði átt að gera. hann hefði frekar átt að leika sig meira reiðan og hefnigjarn þótt hann hafi ekkert illt í efni, í staðinn var hann að leika svona heimskan, gráðugan, svikara og var alltaf hissa.

en í heild sinni er myndin rosalega fín, spennandi og einstök og kemur manni í svona gott skap :)