Running Scared (2006)

Æðisleg mynd í alla kanta.

Byrjar eins og skot og heldur manni föstum yfir alla myndina með bæði spennandi, flottum sem og óhugnalegum atriðum.



Joey Gazelle, leikinn af Paul Walker (Fast and The Furious, 2Fast 2Furious, Into the Blue of.l), er meðlimur í mafíu og helstu verkin hans eru að losa aðra við byssur sem eru notaðar og geymir hann þær hjá sér.

Einn daginn vantar eina byssuna hjá honum og þar byrjar vandræðin og eltingarleikurinn um að endurheimta hana.



Spennandi mynd með frábærum söguþræði, vel skrifuðu handriti, magnaðri lýsingu og skemmtilegri klippingu.



Þessi mynd er án efa skyldueign og þarf amk. að horfa á hana tvisvar.

Running scared er ein af þessum myndum sem byrja leiðinlega en síðan fara þær að skána þegar eitthvað líður á sýningartímann. Ég bjóst persónulega við þessari mynd mjög góðri en leist svo ekki á blikuna þegar fimm mínútur eða svo voru liðnar því að þetta leit út fyrir að vera innihaldslaust sorp en síðan fór eitthvað almennilegt að gerast og í stuttu máli sagt er þessi mynd mjög hröð og spennandi. Aftur á móti er þetta ekki eins og eitthvað sem við höfum ekki séð áður og minnir óneitanlega á Guy Ritchie stílinn bara færður til bandaríkjanna. Myndatakan hér vill augljóslega vera mjög flott en oft á tíðum er hún svo öfgakennd að hún er bara beinlínis hallærisleg. Ég vil einnig gagnrýna myndina fyrir það að það eru nokkrir dauðir punktar í henni og jafnvel skemmtilegu atriðin hafa ekki þennan neista sem maður sækist eftir í svona mynd. En Paul Walker leikur aðalhlutverkið mjög vel og sannfærandi og Chazz Palminteri leikur lítið en skemmtilegt hlutverk. Alltaf jafn gaman þeim leikara. Í heildina er þetta svona skítsæmileg krimmamynd og spennandi við fyrsta áhorf en skilur ekkert eftir sig og ef ég nenni að kíkja á hana aftur þá verður að líða langur tími þangað til.

Þessi mynd kom mjög skemmtilega á óvart, því ég bjóst við algjörum vibjóð, en myndin var alls ekki svo slæm.


Ég meina í heildina litið fannst mér hún svolítið hallarísleg, og hún gat stundum verið frekar asnaleg, og leiðinleg. Sem ég veit að er mjög neikvætt.


En svo komu atriði sem voru svo otrúlega góð,og bara líka óhugnaleg, og myndin var líka mjög spennandi, og rann hratt í gegn, byrjaði bara eins og skot.


Myndin var já ótrúlega sveiflukend, góð og svo léleg, gekk þannig út alla myndina.


Myndin gerist á einum sólahring, og byrjar á að hópur manna ræna glæpagengi í bænum. Og glæpagengið nær að skjóta og drepa þessar menn, en þeir gerðu sér ekki grein fyrir því að þessir menn voru löggur, og eru því núna í frekar mikilli hættu. Svo þeir gefa einum meðlimi það hlutverk að losa sig við byssurnar sem þeir notuðu til að drepa löggurnar.

Hann felur byssunar í kjallaranum, en sér ekki að sonur sinn og vinur hans sjá hvar hann felur byssunar. Svo um kvöldið rænir vinurinn byssunni, og þá byrjar sko eltingarleikur sem ég hef aldrei á ævinni séð í bíómynd.


Það er alveg ótrúlegt hvað gerist í þessari mynd, og myndin heldur manni alveg í heljartökum.


Mér fannst myndin góð, en það var nú samt margt sem hafði mátt fara betur.