The Wild (2006)

The Wild er það sem þú fengir líklegast út ef þú myndir setja Madagascar og Finding Nemo saman í hakkara. Þessi svokölluðu frumlegheit ásamt hugmyndafluginu á bakvið myndina bendir a.m.k. sterkt til þess. Í þessu stjórnlausa tölvuteiknimyndaæði er þessi mynd eins auðgleymd og þær gerast. Myndin er akkúrat ekkert fyndin, og hvorki spennandi né almennilega skemmtileg. Persónurnar hitta lítið til manns og raddsetning leikaranna skilur fá sem engin spor eftir sig. Jákvæða punkta fær myndin fyrir annars vegar fyrir ágæta grafík, þó svo að útlit eitt og sér nái aldrei að vera fullgild ástæða til að skella góðum meðmælum á eina bíómynd. Ég hef þessa umsögn stutta, og ég geri það viljandi, enda er The Wild þegar farin að hverfa úr minninu. Þannig að þrátt fyrir að vera sæmileg barnapía fyrir krakkana, þá er þessi mynd hvergi þess virði að skella á æðri stall.4/10