In 2027, in a chaotic world in which humans can no longer procreate, a former activist agrees to help transport a miraculously pregnant woman to a sanctuary at sea, where her child's birth may help scientists save the future of humankind.
=Hugsanlegur spoiler, ef þið hafið ekki séð myndina, ekki skoða=
Það er hægt að segja að þessa mynd er allt. Það er mjög góð spenna, hasar, góður húmor og mjög mikil speki. Myn…
=Hugsanlegur spoiler, ef þið hafið ekki séð myndina, ekki skoða=
Það er hægt að segja að þessa mynd er allt. Það er mjög góð spenna, hasar, góður húmor og mjög mikil speki. Myndin er eftir bók (sem ég er reyndar ekki búin að lesa) og ég held að hún gekk mjög vel í sölu. Ef ekki þá er fólk eitthvað vangefið. Mér actully brá því að þessa mynd var svo sjitt góð. Ég vissi ekki að Clive Owen gat verið Svona góður leikari. Ég hef ekki séð margar myndir með honum fyrir utan Shoot Em'Up, Sin City (snilld) Gosford Park, mér fannst frekar innlokaður í henni á mínu mati. Svo er það leikstjórinn Alfonso Guaró sem gerði Harry Potter á sínu tíma og var mjög góð, svo gerði hann þessa!
Leikararnir eru mjög skrautlegir og leika allir asnalega vel. Clive Owen sem persónan Theo pössuðu mjög vel saman. Báðir rónalegir, dáldið daufir en samt fyndnir. Svo er það Julianne Moore sem ég fíla ekkert það mikið, það er bara eitthvað svo böggandi við hana (kannski því hún er rauðhærð? nei djók) en hún var þolanleg í þessari en samt endist hún ekkert lengi. Svo var það Chiwetel Ejiofor, mjög lúmskur í þessu hlutverki. Hann gerir sig voðalega saklausan allan tíman og leikur það mjög vel. Michael Cain ávalt klassískur, það er svo gaman að horfa á hann að það er ekki fyndið. Hann líka gerir sig voðalega heimskan og kjánalegan en í samt er hann mjög gáfaður. Pam Ferris er mjög góð leikkona er alls ekki léleg í þessari mynd, hún lætur bara lítið befa af sér, koma svona sirka 2 stór atriði með henni, ég myndi alveg vilja sjá meira af henni en hún var samt alveg nógu lengi.
Það sem heillaði mig mjög mikið við þessa mynd var handrit, útlit og myndatökurnar. Allt sem maður sér í myndinni er skrifað í handritinu og það fer á svið og það er tekið upp (eins og við vitum). En það er bara svo mikið. Það er bara svo mikið og flott að gerast í bakgrunninum og nærum því tekið upp bara í einu skoti, sem er svo sjúklega flott. Handritið gerir rosalegan basic söguþráð af flækju. Alls enginn galli, það bara sýnir það hvað myndin er með mikið ýmindunarafl og með búnka af skemmtilegum hugmyndum.
Það sem gerir myndina mjög sérstaka er að það er mjög mikil speki í henni og margar pælingar. Til dæmis, Risastóra blöðru-svínið á coverinu á plötunni Animals með Pink Floyd var bara fljúgandi í bakgrunninum í einu atriðinu. Ég var pínu hissa að sjá það fljúgandi þarna eins og ekkert sé, og leggur mjög mikið á heilann minn til þess að skilja bara þetta eina atriði. Myndin sagði mér mjög eitt skemmtilegt við mig og það finnst mér frekar djók og það hljómar svona: Sjá hvað heimurinn gæti orðið brjálaður ef ekkert barn er búið að fæðast í 18 ár.
Myndin er rosaleg góð og finnst mér frekar gleymd. Hún var tilnefnd til þriggja óskarsverðlauna og var ekki neitt af þeim. Besta myndatakan, besta klippingin og besta handritið. Ég meina, hún gat allavegana fengið fyrir bestu myndatökurnar (klárlega) því þær voru sjúklega góðar. Geðveikt innihald, æðislegt útlit og rosalega vel leikinn.
HÆL CAINE!
Byrjar doldið hægt, en þegar líður á myndina verður hún meira og meira spennandi með atriðunum.
Svona í heildina litið þá er þetta skemmtilega útfærð mynd með spennandi söguþræði. Skemmtilegum karekturum og tónlistin alveg smellpassar inn í myndina.
Children of Men er ein af þessum myndum sem náði mér frá fyrstu mínútu og hélt mér föstum alveg þangað til að lokatextinn byrjaði að rúlla. Myndin er að mínu mati Meistaraverk með s…
Children of Men er ein af þessum myndum sem náði mér frá fyrstu mínútu og hélt mér föstum alveg þangað til að lokatextinn byrjaði að rúlla. Myndin er að mínu mati Meistaraverk með stóru M-i og því er hún allt sem hún á að vera og hefur allt sem þarf. Myndin er kvikindislega vel unnin, ómótstæðilega fersk, klisjulaus, vel skrifuð, frábærlega leikin og bara nánast fullkomin út á alla kanta! Ég segi það ekki oft, en myndin náði eitthvað svo sterkt til mín og því finn ég ekki dauðan eða veikan punkt við hana.En burtséð frá framleiðslugildinu þá er myndin ótrúlega spennandi, stundum fyndin, grípandi allan tímann og síðast en ekki síst ótrúlega falleg undir yfirborði ógeðsins sem umvefur söguna; [Smá spoiler!] Til dæmis í senunni þar sem að Clive Owen og Claire-Hope Ashitey ganga niður stigann í gegnum ringulreið ofbeldisins með nýfædda barnið, og hver einasti maður vopnaður gerir nákvæmlega ekkert annað en að hleypa þeim í gegn með undrunarsvip og óvissu um hvernig skal láta í kringum fyrsta barnið sem fæðst hefur í 18 ár, áður en kúlnahríðirnar halda áfram strax eftirá. Ég missi kannski stig í karlmennsku minni fyrir að segja þetta, en þetta er eitt fallegasta atriði sem ég hef á ævi minni séð og það var ekki langt í það að ég hefði fundið fyrir tárum.[Spoiler endar] Alfonsó Cúaron slær rétt á allar nótur með þessari mynd. Leikstjórn hans er markviss og kröftug. Líka ákvarðarnir hans gagnvart litlum hlutum eins og hvernig myndatakan fer fram er alveg stórkostleg. Það er náttúrlega vert að taka það einnig fram að þessi mynd hefur án efa eina flottustu kvikmyndatöku sem að ég hef séð. Clive Owen er líka að mínu mati hálf vanmetinn þarna. Mér fannst hann vera frábær, og á hann fjölmörg verðlaun skilið (Óskar, halló?!?!). Julianne Moore er líka að venju góð þrátt fyrir lítinn skjátíma og Michael Caine stelur öllum senum sem hann sést í. Tónlistarnotkun myndarinnar er sömuleiðis áhrifamikil og fyllir hún vel upp í andrúmsloftið. Ég er ekki frá því að segja að þetta sé besta mynd ársins 2006, með úrvalsmyndunum The Departed og El Laberinto del Fauno rétt hangandi á eftir henni. Mér finnst hún vera gullmoli án nokkurs vafa. Get ekki beðið eftir að eigna mér hana. Ég slæ þá kvikmyndaáhugamenn kalda utanundir ef að þeir neita að horfa á þessa mynd!10/10
Ég fór á þessa mynd og vissi ekkert hvað ég var að fara á þannig ég vissi ekkert við hverju ég mátti búast. Þessi mynd gefur manni nýja og frekar slæma sýn inn í framtíðina. Ágæ…
Ég fór á þessa mynd og vissi ekkert hvað ég var að fara á þannig ég vissi ekkert við hverju ég mátti búast. Þessi mynd gefur manni nýja og frekar slæma sýn inn í framtíðina. Ágætis söguþráður með mörgum skemmtilegum pælingum.
Mjög góð mynd í alla staði, sérstaklega fyrir þá sem hafa gaman af pólitiskum myndum. Innflytjendamál, stríð og mengun jarðar. Hér er á ferðinni að mínu mati góður leikstjóri sem …
Mjög góð mynd í alla staði, sérstaklega fyrir þá sem hafa gaman af pólitiskum myndum. Innflytjendamál, stríð og mengun jarðar. Hér er á ferðinni að mínu mati góður leikstjóri sem velur úrvalsleikara frá Bretlandi í þessari dökku framtíðarsýn. Michail Caine bregst ekki í aukahlutverki frekar en fyrri daginn.
Children of Men er ad mínu mati alveg ágaet mynd, vel gerd og gódir leikarar en mér finnst samt eitthvad vanta í hana í endanum, hann var alltof fljótur.
Mér langadi ad vita meira um endanu…
Children of Men er ad mínu mati alveg ágaet mynd, vel gerd og gódir leikarar en mér finnst samt eitthvad vanta í hana í endanum, hann var alltof fljótur.
Mér langadi ad vita meira um endanum, kannski er framhald, ég veit thad ekki. En annars maeli ég med henni og ég myndi alveg vilja sjá hana aftur.
Children of men er eina af þessum myndum sem maður gleimir seint og líka mynd sem maður sér aftur og aftur.
Ótrúlegt hvað leikstjórinn nær að fanga raunveruleikann í þessari mynd, þv…
Children of men er eina af þessum myndum sem maður gleimir seint og líka mynd sem maður sér aftur og aftur.
Ótrúlegt hvað leikstjórinn nær að fanga raunveruleikann í þessari mynd, því þér líður eins og kamerumaðurinn sé hluti af myndinni, (í sumum atriðum) og maður fær spennuna beint í æð.
Ótrúlegt hvernig þetta er gert, rosalega löng atriði, ekkert klippt og krúið allt á eftir þeim, má ekkert klikka. Ég var alveg gáttaður yfir þessu, var bara algjörlega snildarlega gert.
Allavega, myndin var ótrúlega góð í alla staði, og mæli ég eindregið með því að þið heimsækið þessa í bíó.
Besta mynd síðasta árs, ekki spurning. Myndin sameinar góða sögu, pólitískan boðskap, hrottalega framtíðarsýn, mikla spennu og frábærar frammistöður frá gæðaleikurunum Clive Owen og…
Besta mynd síðasta árs, ekki spurning. Myndin sameinar góða sögu, pólitískan boðskap, hrottalega framtíðarsýn, mikla spennu og frábærar frammistöður frá gæðaleikurunum Clive Owen og Michael Caine og útkoman: Meistaraverk. Örugglega með metnaðarfyllstu verkum sem Alfonso Cuaron hefur gert, og vonandi fáum við að sjá meir af almennilegum bíómyndum á þessu ári. Fær 4 hjá mér.
Hvað gerist þegar mannkynið getur ekki lengur fjölgað sér? Það er spurning sem Children of Men veltir fyrir sér en hún bætir einnig við, hvað ef skyndilega hið ótrúlega gerist? Hvað…
Hvað gerist þegar mannkynið getur ekki lengur fjölgað sér? Það er spurning sem Children of Men veltir fyrir sér en hún bætir einnig við, hvað ef skyndilega hið ótrúlega gerist? Hvað ef það er aðeins ein kona á allri Jörðinni sem er ófrísk? Árið er 2027, aðalpersónan er venjulegur maður (Clive Owen), hann fær það verk að þurfa að vernda þessa ófríska konu og koma henni til hjálpar til hinna dularfullu Human Project stofnun sem á víst að vera til þess að finna lausn á vandamáli mannkyns. Children of Men hefur sannað fyrir mér hve svakalega góður leikstjóri Alfonso Cuarón er, hann á fullkomlega verðskuldaðan óskar fyrir bestu leikstjórn hérna. Hér skapast nýtt stig af raunverulisma í kvikmyndagerð, hráa myndatakan sem nær oft að taka margra mínútna tökur af heiminum rífa sig í tætlur, þá meina ég í löngum tökum án neinna klippinga og það var ekkert annað en svakaleg upplifun. Atburðarrásin heldur sér trúverðugri og fellur ekki í neinar slæmar Hollywood klisjur, persónurnar eru einnig stórgallaðar sem gera þær ennþá raunverulegri, skemmtilegt að sjá Michael Caine sem gamlan maríjúana reykjandi hippa. Children of Men er ein merkilegasta ´heimsenda´ hugmynd sem sést hefur lengi, en ekki gleyma að hún er byggð á samnefndri bók eftir P.D James, en mér sýnist að myndin hafi breytt rækilega til í sögunni. Ég var límdur við bíósætið þar sem sagan var ekki að gefa mér tækifæri til þess að losna, hún er spennandi, hröð & hrá og oftar en ekki kemur vel á óvart. Í lokin er Children of Men ekki aðeins fjárans góður framtíðarþryllir, heldur ádeila á hugsunarhátt manna um hvernig við förum með hvort annað og leyfum örvæntingunni að stjórna okkur í vonlausri framtíð. Það er reyndar fátt sem myndin deilir ekki í, gefið er í skyn margt úr sögu okkar að eiga sér stað enn og aftur, jafnvel gefið sterkt í skyn til útrýmingabúðir Nasista. Myndin gæti talist minnismerki um hvað gæti gerst og hvað við eigum ekki að gera ef það kæmi að því, ef það er eitthvað sem mannfólk á bágt með þá er það að læra af fyrri mistökum, mér fannst myndin vekja upp margar merkingafullar og áhrifaríkar spurningar um mannkynið í heild sinni. Children of Men stendur uppi þetta árið sem ein af betri myndum 2006, gæti mögulega talist sú besta.
Children of men. Mynd sem ég hlakkaði til að sjá en varð svo fyrir vonbrigðum. Sagan er í sjálfu sér ekkert slæm, gerist árið 2027 þegar konur geta ekki lengur átt börn en svo(á reynda…
Children of men. Mynd sem ég hlakkaði til að sjá en varð svo fyrir vonbrigðum. Sagan er í sjálfu sér ekkert slæm, gerist árið 2027 þegar konur geta ekki lengur átt börn en svo(á reyndar óútskýrðan hátt, nema eitthvað hafi farið framhjá mér) verður ung blökkukona ófrísk og aðalsögupersónan Theo(Clive Owen) tekur að sér að leiða hina barnshafandi í gegnum alla ringulreiðina svo að barnið bjargist. Góð hugmynd en með betra handriti og betri leikstjóra hefði verið hægt að skapa eftirminnilega mynd. Hún er mjög hrá sem er reyndar yfirleitt alveg ágætt en hér fer þetta alveg í froðu sökum þess hvað Children of men er illa unnin og skortir allan neista. Skammið mig bara en þetta er það sem ég sá. Við erum samt ekki að tala um neina hörmung beint, Clive Owen gerir nú sitthvað fyrir myndina. Hann er ekkert stórkostlegur en nokkuð nettur og heldur myndinni uppi. Michael Caine leikur roskinn marihúanaræktanda og ég verð að segja að mér fannst hann það besta við myndina. Áhugaverður og skemmtilegur karakter sem hann leikur en því miður ekki alveg nógu mikið nýttur. Sviðsmyndin er flott og hasarinn ekki af verri endanum. Children of men fær tvær stjörnur frá mér. Ekki alslæm og ágætis afþreying en það er of margt við hana sem hefði mátt fara betur.
