Jackass Number Two (2006)

Það er svo fjandsamlega skemmtilegt að horfa á Jackass. Ég veit ekki af hverju! Mér finnst ég ætti að skammast mín fyrir að hlæja að þessu en einhvern veginn hætti ég ekki að hlæja að óförum þessara drengja og Jackass 2 er án efa besta samansafn af atriðum sem ég hef séð frá bjálfunum hingað til. Ástæðan er mjög einföld: Markmið þeirra er að toppa síðustu mynd og það sést svo sannarlega að því var náð því eins og við má búast er þessi (heimildar?)mynd ósmekkleg út á alla kanta og talsvert meira sjokkerandi en hin. Svo eitthvað sé nefnt þá eru menn ælandi hægri og vinstri, skítandi framan í kameru og drekkandi vessa sem enginn heilbrigður aðili ætti að koma nálægt. Og þetta eru ekki einu sinni öfgakenndustu atriðin. Get lofað þér að þú munt seint gleyma þeim eftirminnilegustu.Jackass 2 er samt ekki bara skemmtilegri útaf því að hún er klikkaðri heldur en fyrri myndin, heldur líka útaf því að hún er betur skipulögð (og þ.a.l. metnaðarfyllri) og hugmyndaríkari, eins furðulega og það hljómar. Hún flæðir sömuleiðis betur og endar á alveg hreint brilliant máta, og þá með atriði sem ég bjóst engan veginn við. Slíkar uppákomur eru öruggar um að senda mann heim með þroskaheft bros á vörinni. Einu atriðin sem ég var strax orðinn þreyttur á voru þegar Spike Jonze dulbýr sig sem gömul kona. Tæplega fyndið einu sinni, ekki oftar.Ef þú ætlar samt að sjá Jackass 2, þá er eins gott að þú gerir það með félögum þínum eða í fullum sal af fólki sem veit nákvæmlega hvað það er að fara að horfa á og fílar það í botn. Stemmningin mun vera rosaleg og maður verður hálf leiður nánast þegar ruglið er búið. Þú munt kúgast, hneykslast og líta undan margoft, en fyrir mitt leyti er þetta eitthvað það skemmtilegasta sem ég hef séð á árinu. Mig langar að biðja um meira en ég veit ekki hvort það sé heilbrigt að hugsa einu sinni út í það. Það er algjörlega ófyrirsjáanlegt hvað þetta lið leggur á sig til að toppa sig. Ef þessir dólgar skildu ákveða að gera nr. 3, þá er meira spurning hvort þeir lifi það sjálfir af heldur en hvort maður ætti að þora að horfa á það.8/10

þegar ég var í áfmæli hjá vini mínum heyrði ég að það væri að fara horfa á jackass 2 þá búðist ég við gamanmynd en allt kom fyrir ekki hræðilegur dónaskapur í þessu ég skil ekkert í þessum Jeff Tremaine að gera svona dónaskap..... ég gef henni hálfa stjörnu bara fyrir atriðin sem voru ekki með dónaskap!!!!!!