The Last Picture Show (1971)

The Last Picture Show er ein af þessum eldri myndum sem manni er ráðlagt að sjá. Hún er vissulega vel gerð og einstök að mörgu leyti.

Hún fjallar um nokkra krakka í smábæ í Texas á lokaári sínu í high school. Þeim leiðist mikið lífið því það er ekkert við að vera í þessum uppþornaða og deyjandi bæ. Það eru ýmsar uppákomur og vandræði sem að myndast í lífi þeirra og þau þurfa að takast á við ýmislegt til að þroskast. Myndin fékk nafn sitt á því að bærinn var orðinn svo niðurníddur að það þurfti að loka kvikmyndahúsinu.

The Last Picture show er fín mynd, það er hennar galli að hún eldist ekki alveg nógu vel. Eldri kynslóðin hefur meira gaman af henni en sú yngri og því er tilvalið að horfa á hana með einhverjum eldri.
Myndin verður líka hálf langdregin á köflum.
Það er samt heilmikill metnaður að baki þessari mynd. Myndin lætur mann virkilega finna fyrir hversu ömurlegt lífið er á þessum stað og maður finnur virkilega til með persónunum.

Þeir sem hafa gaman af eldri myndum sérstaklega um 6. áratuginn munu fíla þessa.