Læknir verður heltekinn af því að eiga kynmök, eftir að eiginkona hans viðurkennir að hafa haft kynferðislegar langanir til manns sem hún hitti og refsar...
After Dr. Bill Harford's wife, Alice, admits to having sexual fantasies about a man she met, Bill becomes obsessed with having a sexual encounter. He discovers an underground sexual group and attends one of their meetings -- and quickly discovers that he is in over his head.
Leiðinlegt að vita það að hann Kubrick gamli hafði dáið 4 eftir final-cutið á Eyes Wide Shut. Hann sem var held ég besti leikstjóri alla tíma, myndirnar hans frá 2001 og alveg hingað líta rosalega vel út. Held ég bestu myndirnar hans á mínu mati eru A Clockwork Orange sem er held ég besta mynd sem ég hef séð, Full Metal Jacket og Eyes Wide Shut. Stanley Kubrick er legend, blessun sé minning hans, enda er hann mikill "Influence" marga kvikmyndagerðamanna.
Handritið er byggt af smásögu sem heitir "Dream Story" eftir Arthur Schnitzler og ég verð að segja, handritið er svo stútfull af pælingum að heilinn minn gat ekki ráðið við það. Mér leið eins og ég var að horfa á myndavél við að elta mann í erfiðleikum. Tilfinningarnar í myndinni eru svo svakalegar að ég held að ég hafi tárast aðeins. Samtölin eru líka fáranlega raunveruleg að það var erfitt að horfa í sumum pörtum. Handritið er á sjálfum sér ógeðfellt. Allt er svo of raunverulegt, allt í myndinni var svo mikið troða öllu inn í sér, dáldið þunglyndislegt og lokað. Eins og enginn vildi segja neitt, við þurfum í alvörunni að finna út hvernig persónur myndarinar líður.
Tom Cruise og Nicole Kidman voru með ólíkindum í myndinni. Eins og ég sagði áður, voru gjörsamlega að loka sig inni og ég pældi í því allan tíman hvernig þau liðu og hvað var í gangi í hausnum á þeim allan tíman. Persónurnar sem þau léku voru alls ekki illa skrifaðar, enda fann maður dáldið til með þeim í endanum, ef þau hefðu verið illa skrifað, þá hefði ég verið ósáttur með myndina, en án djóks þetta er var ógeðslega flott hjá þeim.
Ef maður er ekki að hugsa um persónurnar sem Tom og Nicole eru að leika þá eru persónurnar í kring eru annsi áhugaverðar líka. Enda segji ég, miklar pælingar (hvað er ég búin að segja orðið "pælingar" oft?). Held ég leikarin sem mér fannst vera áhugaverðastur þá er það Todd Field sem lék píanóleikaran. Hann lék þetta svo rosalega vel, maður var fastur við sætið.
Efnið sjálft er rosalega gott. Myndatakan (hefur alltaf haft áhrif á mig þegar ég horfi á Kubrick-mynd) er fokking góð, klipping var góð og ég leikurinn...(þarf ég að segja það?). Myndin er áhrifamikil frá upphafi til enda. Kubrick aðdáendur eiga eftir að dýrka þessa mynd, held ég, ef ekki þá veit ég ekki hvað skal segja. Kannski ekkert. En, ég mæli með að þeir sem elska Kubrick, horfi á þessa mynd.
Síðasta myndin sem Stanley Kubrick gerði áður en hann dó er því miður ekkert spes. Eyes Wide Shut fjallar basically ekki um neitt, hún bara lýsir hjónabandi Bill(Tom Cruise) og Alice Hartf…
Síðasta myndin sem Stanley Kubrick gerði áður en hann dó er því miður ekkert spes. Eyes Wide Shut fjallar basically ekki um neitt, hún bara lýsir hjónabandi Bill(Tom Cruise) og Alice Hartford(Nicole Kidman) og þegar Bill lendir í röð einkennilegra atvika. Það sést greinilega á öllu að þetta er Stanley Kubrick mynd en hún er samt meira í stíl við The Shining heldur en til dæmis 2001 eða Full Metal Jacket. Eyes Wide Shut er reyndar nokkuð góð til að byrja með og lofar jafnvel sálfræðilegum trylli en síðan verður hún svo mikið dramatísk að það drepur stemninguna og tilgangsleysið tekur við. Ég gerði mér grein fyrir að myndin stefndi ekki neitt og satt að segja var mér farið að leiðast hálfpartinn síðasta klukkutímann. Tom Cruise er alveg fínn í hlutverki sínu en ekkert framúrskarandi. Nicole Kidman er mjög flott en fær bara engan veginn nógu mikinn skjátíma hér. Eyes Wide Shut er alls ekki alslæm en hún bara verkar eitthvað svo daufleg. Ég get bara ekki mælt með henni nema kannski fyrir allra hörðustu Stanley Kubrick aðdáendur.
Ein eitt snilldarverkið frá meistara Kubrick heitins. Myndin sýnir fram á skynsemina í aðferðum Filipseyinga að skemmta sér með grímur, svo enginn þekki hver annan. Óvenjulegur söguþrá…
Ein eitt snilldarverkið frá meistara Kubrick heitins. Myndin sýnir fram á skynsemina í aðferðum Filipseyinga að skemmta sér með grímur, svo enginn þekki hver annan. Óvenjulegur söguþráður, og góður leikur ásamt því að myndin er unnin í traustum höndum eins besta leikstjóra síðustu aldar. Skylduáhorf!!!
SNILLD! Það er orðið yfir þessa mynd. Ég hafði virkilega gaman af þessari síðustu Kubrick-mynd. Það eru greinilega mjög skiptar skoðanir um myndina eins og það sýndi sig þegar við f…
SNILLD! Það er orðið yfir þessa mynd. Ég hafði virkilega gaman af þessari síðustu Kubrick-mynd. Það eru greinilega mjög skiptar skoðanir um myndina eins og það sýndi sig þegar við fórum fjórir félagarnir á myndina, því álit okkar á myndinni var nokkuð misjafnt. Það er alveg hægt að segja að boðskapurinn sé augljós þegar upp er staðið, en hann er sá sami og í t.d. Big Swap. Þetta er alls ekki mynd sem þarf að sjá í bíó, þó það skemmi ekki. Myndin er ekta Kubrick-mynd þó svo að ég hafi ekki séð þær allar, margt í myndinni minnti á t.d. Shining, þar má nefna sérstaklega tónlistina sem að vísu er kannski full ýkt á köflum en nær að byggja upp drungalega spennu, og svo reyndar tökustílinn (einnar-vélar-tökur) sem er eitt aðalsmerkja Kubricks. Hvað leik hjónanna varðar, þá skila þau bæði afbragðsleik, þó margir minnist sérstaklega á góðan leik Kidman, þá fannst mér leikur hennar ekki eins lýtalaus og Cruise. Myndin er alls ekkert svo svakalega svæsin, og held ég að tilgangurinn sé alls ekki að reyna að hneyksla fólk með myndinni, þó að í sumum tilfellum geri hún það kannski. Kubrick kann virkilega að teygja lopann, og þá á réttan hátt. Myndin byggir skemmtilega upp spennu, og þráðurinn er í raun óútreiknanlegur, þess vegna má segja að myndin hafi ekki náð að vera beint langdregin þó hún hafi verið nokkuð löng. Alls ekki mynd fyrir alla, a.m.k. ekki fyrir suma sem horfa á myndir með afþreyingargildi eingöngu í fyrirrúmi því myndin er listræn skemmtun frá A-Ö.
Þetta er síðasta myndin sem Stanley nokkur Kubrick gerði, Eyes Wide Shut. Hér koma saman þau fyrrverandi hjón Tom Cruise og Nickole Kidman í alveg svona nokkuð góðri mynd, fannst mér allav…
Þetta er síðasta myndin sem Stanley nokkur Kubrick gerði, Eyes Wide Shut. Hér koma saman þau fyrrverandi hjón Tom Cruise og Nickole Kidman í alveg svona nokkuð góðri mynd, fannst mér allavega. Samt eitt við myndina: Endirinn á myndinni er skrýtinn. Samt mynd sem hægt er að mæla með.
Ein versta mynd sem ég hef séð. Ég get bara ekki skilið hvað fólk sér við þessa mynd, ef það sér eitthvað. Tom Crusie er ofmetinn leikari að mínu mati. Ég hef það fyrir grundvallarr…
Ein versta mynd sem ég hef séð. Ég get bara ekki skilið hvað fólk sér við þessa mynd, ef það sér eitthvað. Tom Crusie er ofmetinn leikari að mínu mati. Ég hef það fyrir grundvallarreglu að ég klára myndir sem ég byrja á. Sama hvað þær eru leiðinlegar. Eina góða við þessa mynd er að ég fékk mér einn bjór á meðan ég var að horfa á hana. Minningin um hann mun lifa lengur en þessi viðbjóður.
Kubrick var snillingur. Allt sem frá honum kom var gott og er þessi kvikmynd þar engin undantekning. Sem betur fer fór lítið fyrir strípli og bólförum aðalleikaranna, hjónakornanna Cruise o…
Kubrick var snillingur. Allt sem frá honum kom var gott og er þessi kvikmynd þar engin undantekning. Sem betur fer fór lítið fyrir strípli og bólförum aðalleikaranna, hjónakornanna Cruise og Kidmans sem reyndust bara stórgóð í hlutverkum sínum. Ekkasog Kidmans fóru þó örlítið í taugarnar á mér, þegar hún lýsti draumförum sínum um miðbik myndarinnar, en það verður samt að teljast alveg fyrirgefanlegt. Myndin gengur í stórum dráttum út á baráttu Cruise við gráa fiðringinn og misheppnaðar tilraunir hans til framhjáhalds, en fyrir vikið lendir hann fljótlega upp á kannt við magnaðann sértrúarsöfnuð sem virðist einskis svífast. Tónlistin er áhrifamikil, myndatakan góð og sviðsetningarnar óaðfinnanlegar. Myndin stendur fyllilega undir lengdinni og er aldrei langdregin. Ég mæli hiklaust með henni.
Kvikmyndin Eyes Wide Shut er síðasta kvikmynd meistarans Stanleys Kubricks en hann lést í mars 1999, einungis fjórum dögum eftir að hann afhenti Warner-kvikmyndafyrirtækinu kvikmyndina fullkláraða. Segja má að þetta hafi verið dæmigert fyrir nákvæmnina í Stanley Kubrick því myndin hafði verið í bígerð í fjöldamörg ár eða frá því hann sendi frá sér næstsíðustu kvikmynd sína "Full Metal Jacket" árið 1987. Mikil leynd hvíldi yfir allri gerð myndarinnar sem gerði það m.a. að verkum að eftirvænting kvikmyndaheimsins var mikil, ekki síst vegna þess að í aðalhlutverkum voru leikarahjónin, Tom Cruise og Nicole Kidman. Hún hlaut frábæra dóma gagnrýnenda og þótti mér hálf dapurlegt að hún skyldi ekki hljóta neina tilnefningu til stærstu óskarsverðlaunanna 1999. Mér fannst t.d. að Stanley Kubick hefði átt að fá útnefningu fyrir leikstjórn sína, en það er dæmalaus skömm að bandaríska kvikmynaakamían heiðraði aldrei þennan snilling með leikstjóraóskar (reyndar hlaut meistari spennunnar Alfred Hitchcock hann aldrei heldur). Það er ekki auðvelt að ætla að lýsa söguþræði myndarinnar því hann er margslunginn og jafnvel þess eðlis að hann má túlka á marga vegu. Aðalpersónurnar eru hjónin Bill og Alice Harford. Þau eiga eina dóttur og á yfirborðinu virðast þau lifa nokkuð hamingjusömu lífi. Það verður þó fljótlega ljóst að eitthvað kraumar undir í sambandi hjónanna og þegar Alice viðurkennir fyrir Bill að hún hafi næstum því látið undan freistingum annars manns taka einkennilegir hlutir að gerast sem hafa veruleg áhrif á líf þeirra hjóna. Í fyrstu virðist sem engin hætta sé á ferðum en smám saman verður Bill ljóst að það er ekki bara hjónbandið sem lagt hefur verið að veði heldur líf þeirra beggja. Stórfengleg kvikmynd sem er hæfilegur endapunktur á farsælan og óviðjafnanlegan feril þessa meistara sem setti mikinn og stóran svip á kvikmyndasögu seinni hluta tuttugustu aldarinnar með meistaraverkum á borð við 2001: A Space Odyssey, Paths of Glory, The Shining, Lolita, Full Metal Jacket, A Clockwork Orange, Spartacus og síðast en ekki síst Dr. Strangelove. Hann markaði spor í kvikmyndasöguna sem aldrei munu fyrnast og skapaði meistaraverk sem munu lifa með heimsbyggðinni um eilífð
HALLÓ! Hvað er að fólki? Eyes Wide Shut er ein af bestu myndum síðasta árs! Hún er næstum því fullkomin; frábærlega vel leikin, skemmtileg og EKKI LANGDREGIN! Kvikmyndatakan er yndisleg, …
HALLÓ! Hvað er að fólki? Eyes Wide Shut er ein af bestu myndum síðasta árs! Hún er næstum því fullkomin; frábærlega vel leikin, skemmtileg og EKKI LANGDREGIN! Kvikmyndatakan er yndisleg, söguþráðurinn spennandi, tónlistin flott. Það er allt gott við þessa mynd. Það eina sem var ekki frábært var staðsetning hlésins, en það kom í miðju "orgíu"-atriðinu og eyðilagði mikið. NIÐUR MEÐ HLÉ! Stanley Kubrick kann ekki að gera lélega mynd og þeim sem fannst þessi mynd vera léleg þurfa að hugsa sinn gang! Eyes Wide Shut: Brilliant!
Þessi síðasta mynd sem Kubrick sendir frá sér fjallar á áhugaverðan hátt um afbrýðisemi og hjónaband. Bill (Cruise) og Alice (Kidman) hafa verið gift í 9 ár og kvöld eitt eftir að þa…
Þessi síðasta mynd sem Kubrick sendir frá sér fjallar á áhugaverðan hátt um afbrýðisemi og hjónaband. Bill (Cruise) og Alice (Kidman) hafa verið gift í 9 ár og kvöld eitt eftir að þau koma úr veislu þar sem þau döðruðu bæði við annað fólk eiga þau samtal sem gerir Bill nær sturlaðan af afbrýðisemi. Sama kvöld er Bill kallaður til sjúklings og sér hlutina í öðru ljósi eftir uppljóstrun eiginkonu sinnar. Afganginn af atburðarásinni verður hver að túlka fyrir sig en það er skemmst frá því að segja að á ferðalagi hans kynnist hann mörgum skrautlegum persónum og sér hluti sem hann hafði varla órað fyrir að væru til. Það helsta sem hægt er að setja út á við þessa mynd er að hún myndir ekki mjög trúverðuga heild. En þrátt fyrir það er Stanley Kubrick meistari augnabliksins og atburðarásin er nógu áhugaverð til að halda manni vakandi út allar 160 mínúturnar. Leikur, leikstjórn, kvikmyndataka og sérstaklega tónlist eru nær óaðfinnanleg. Eins og í öðrum myndum Kubricks er ekki augljóst hvaða boðskapur felst í myndinni og um það verður hver að gera upp sinn eigin hug. Það er óhætt að segja að þetta sé ekki mynd sem fellur í kramið hjá öllum en fyrir þá sem kunna að meta listrænar kvikmyndir þar sem ekki er verið að útskýra allt óhóflega mikið mæli ég sterklega með henni.
