Black Christmas (2006)

Þá er það jólamyndin. Black Christmas er endurgerð af samnefndri mynd frá 1974 sem er almennt talin vera fyrsta slasher myndin (4 árum á undan Halloween). Ég hef því miður ekki séð þá gömlu, þannig að ég get ekki tjáð mig um hana að öðru leiti en að hún þykir ein sú besta af þessum tegundum mynda. Þessi mynd er nokkuð týpísk að því leiti að við erum með hús fullt af mjög vitlausum stelpum, morðingi sleppur úr geðveikrahæli og fer í húsið sem hann átti heima í þegar hann var lítill. Þegar morðin byrja þá ákveða stelpurnar ekki að hlaupa burtu, heldur fara þær að vandræðast og leita að honum, mjög gáfað. Annars fannst mér fyndin mjög skemmtileg, solid slasher alveg. Best var þegar það var sagt frá uppruna morðingjas, farið mun dýpra en venjulega. Allt ofbeldi er sérstaklega brutal og áhrifaríkt og myndin er vel blóðug. Það eru augu rifin út og étin en það ógeðslegasta var þegar vondi kallinn tók skinnbúta af fórnalambinu með piparkökuformi, bakaði og borðaði með mjólk. Fín skemmtun fyrir alla sem vilja flýja ömurlega jóladagskrá á rúv og skjá einum.