Timecop (1994)

Hugmyndin um tímaflakk er rosalega spök og gaman að forvitnast um hvað maður myndi gera ef maður gæti farið aftur í tímann. Timecop kemur með nokkur dæmi um hvað væri hægt að gera og finst mér takast ágætlega með það. Van Damme stendur sig alveg sem hasarleikari ( enda þurfa þeir ekki að standa undir miklu ). Ef þú hefur gaman af Van Damme hasarmyndum, þá á þessi ekki eftir að klikka.

Van Damme leikur hér lögregluþjón sem er einn þeirra sem passa upp á tímann svo að bíræfnir tímaferðalangar noti hann ekki til að græða peninga til dæmis. Okkar einlægur kemst svo að því að sá ruglingur hefur átt sér stað í tímanum að hann getur breytt honum sér í hag. Myndin er B mynd og er ágæt sem slík. Ágætis skemmtun en það hefði kannski mátt bæta einhverju við. Van Damme er soldið slappur en Ron Silver er bráðskemmtilegur sem aðal skúrkurinn. Engin stórmynd en allt í lagi að horfa á.

Eftir að hafa séð myndina get ég ekki orða bundist og ákvað að pósta þessa gagnrýni hér svo ENGINN annar myndi lenda í þessari hörmung. Ótrúlegt að leikstjóri eins og Peter Hyams (Outland, 2010, End of Days) skuli gera eitthvað svona. Þessi mynd flokkast eiginlega sem glæpur gegn mannkyni og það að Van Damme skuli yfirhöfuð leika í myndum sem koma á videoleigur er ofar mínum skilningi. Í stuttu máli sagt leikur Van nontalent Damme löggu sem hefur það hlutverk að gæta þess að menn fari ekki að fikta við tímann til að gera sig ríka. Ágætis hugmynd bakvið handritið og fínar heimspekilegar pælingar orsakir og afleiðingar o. S. f. V. Mike Richardson og Mark Verheiden hafa örugglega lagt mikla vinnu í handritið og vonast til þess að einhverjir með hæfileika tækju það upp á arma sína og gert kvikmynd en NEI!!!! Van Damme kemur inn og fer eitthvað að sparka og vesenast og útkoman er eftir því. Ekki skrítið þó þessir menn hafi ekki skrifað handrit eftir þessa mynd. Mia Sara er jafnvel enn ömurlegri en Van Damme og hefði aldrei átt að koma nálægt þessari mynd. (ekki frekar en nokkur annar) Bæbæ 350 kall og 90 mín. af lífi mínu sem munu ekki koma til baka.