Bob Weinstein staðfesti við Variety að Neve Campbell sé búin að ráða sig í hlutverk Sidney Prescott á ný fyrir hina nýju Scream 4. Tökur munu hefjast í apríl og maí á næsta ári. Þetta mun verða fyrsta myndin í nýrri trílógíu en stúdíóið, Dimension Films, hefur verið í viðræðum við Wes Craven um að leikstýra myndunum.
Áður voru David Arquette og Courtney Cox búin að staðfesta sig í myndina. Dimension films eru einnig með áform uppi um að gefa út Halloween 3d og endurútgáfu af Children of the Corn.
Weinstein stefnir einnig á þrívíddina en hann ætlar sér að taka upp nýjar myndir með Scanners og Hellraiser í þrívídd. Einnig á verkefnalistanum hans eru myndirnar An American Werewolf in London og Short Circuit.