A computer programmer's dream job at a hot Portland-based firm turns nightmarish when he discovers his boss has a secret and ruthless means of dispatching anti-trust problems.
Þessi kom mér skemmtilega á óvart enda bjóst ég ekki við miklu af þessari. Myndin fjallar í stórum dráttum um Gary Winston sem örugglega er byggður á Bill Gates og því hversu langt ha…
Þessi kom mér skemmtilega á óvart enda bjóst ég ekki við miklu af þessari. Myndin fjallar í stórum dráttum um Gary Winston sem örugglega er byggður á Bill Gates og því hversu langt hann gengur til að verja sig gegn samkeppni. Meðal leikara eru Ryan Phillippe ( Var frábær í Cruel Intentions) og Tim Robbins (Shawshank Redemption og Arlington Road). Fín ræma, rennur vel í gegn sem gerir hana álitlegan kost þegar hún kemur á leigurnar.
AntiTrust er ágætismynd. Helsti galli myndarinnar er sá að hún er of fyrirsjáanleg og nær því aldrei að byggja upp almennilega spennu. Það hefði hún svo sannarlega getað gert. Allir lei…
AntiTrust er ágætismynd. Helsti galli myndarinnar er sá að hún er of fyrirsjáanleg og nær því aldrei að byggja upp almennilega spennu. Það hefði hún svo sannarlega getað gert. Allir leikarar standa sig ágætlega, þó svo að persónusköpunin sé ekki mjög merkileg. Hugmyndin er góð en það væri hægt að gera enn betri mynd úr henni. Þessi mynd er eiginlega bara svona videospóla, bíðið þangað til að hún kemur út á spólu.
Þrátt fyrir slaka gagnrýni leit ég á það sem skyldu mína sem tölvunarfræðing að kíkja á Antitrust, ég átti von á frekar slakri mynd en raunin var að myndin kom mér skemmtilega á ó…
Þrátt fyrir slaka gagnrýni leit ég á það sem skyldu mína sem tölvunarfræðing að kíkja á Antitrust, ég átti von á frekar slakri mynd en raunin var að myndin kom mér skemmtilega á óvart. Söguþráðurinn fjallar um nýútskrifaðan tölvunarfræðing að nafni Milo sem er boðin vinna hjá stórfyrirtækinu NURV (sem er byggt meira eða minna á Microsoft fyrirtækinu). Þrátt fyrir að NURV vinni ekki beint samkvæmt hugsjónum hans verður til vinátta milli hans og stjóranda NURV, Gary Winston, en persóna hans á að minna sterklega á Bill Gates. En Adam er ekki lengi í paradís því fljótlega kemur í ljós að það er eitthvað dularfullt við starfsemi NURV og Milo finnur sig í erfiðri stöðu gagnvart aðilum sem svífast einskis til að vernda fyrirtækið. Ljósu punktarnir eru að handritið er ágætt og kemur nokkrum sinnum á óvart ásamt því sem tæknileg ónákvæmni er ekki eins hroðaleg og í flestum myndum sem tengjast tölvum. Leikarar standa sig svona í meðallagi en Tim Robbins veldur dálitlum vonbrigðum í hlutverki óprúttna stjórnandans. Það er alveg ljóst að þessi mynd er ekki fyrir alla, en þeim sem hafa einhverja þekkingu á tölvubransanum ætti allavega ekki að leiðast.
Mikið af atriðum í myndinni gerðu mig orðlausa því ég þurfti að hafa vel fyrir því að reyna að skilja tölvumálið. Myndin nær ekki að ná upp neinni spennu, spennuatriðin eru fyrirs…
Mikið af atriðum í myndinni gerðu mig orðlausa því ég þurfti að hafa vel fyrir því að reyna að skilja tölvumálið. Myndin nær ekki að ná upp neinni spennu, spennuatriðin eru fyrirsjáanleg og standa ekki undir sínu. Ryan Philippe er allt í lagi í hlutverki sínu sem Milo forritari. Milo er eini sæti forritarinn sem á kærustu, og það þykir óvanalegt (kemur fram í myndinni). Forritarnir viðurkenna að þeir séu algerir nördar og finnst það allt í lagi. En í heild leiðinleg mynd. Í endann á myndinni þegar allur sannleikurinn kemur í ljós, þá verður hún hallærislegri en allt. Ekki sjá hana.
Ryan Phillippe sýnir á sér nýja hlið í þessari sem Milo Hoffman ungur og upprennandi forritari sem fær vinnu hjá NURV, fyrirtæki í eigu Gary nokkurs Winston sem leikinn er af Tim Robbins. Þessi mynd byrjar ekkert of vel, manni finnst maður vera mataður af upplýsingum í byrjun þegar Milo og vinir hans eru kynntir til sögunnar, sem er aldrei gott. En myndin nær sér á gott flug og Peter Howitt leikstjóri (Sliding Doors) nær að byggja upp spennu sem er vel 800 kr. virði. Þetti er mjög góð afþreying sem fléttar saman tækni, spennu og mannlegt eðli. Milo grunar fyrirtækið um spillingu og upp vakna siðferðilegar spurningar sem Milo þarf að spyrja sjálfan sig að. Tónlistin í myndinni er prýðisgóð Tim Robbins er sérstaklega góður sem Gary Winston. Frammistaða annarra leikara er ágæt en Ryan Phillippe hefur verið betri (t. D í Way of the gun) og vinnur engan leiksigur.
Nokkuð svöl mynd. Svona conspiracy-big-brother-theory thriller um súper-nörd sem fer að vinna hjá aðal tölvufyrirtækinu og tekur eftir ýmsu grunsamlegu. Ágætur hasar og spenna, allt í lag…
Nokkuð svöl mynd. Svona conspiracy-big-brother-theory thriller um súper-nörd sem fer að vinna hjá aðal tölvufyrirtækinu og tekur eftir ýmsu grunsamlegu. Ágætur hasar og spenna, allt í lagi leikur. Þetta gæti náttúrlega verið raunveruleikinn. Það er verið að fylgjast með þér einmitt núna. Mæli með henni, maður þarf ekki endilega að vera súper-nörd : )
Það besta sem ég get sagt um AntiTrust er að hún var ekki jafn léleg og ég bjóst við. Að því sögðu verð ég hins vegar að taka það fram að AntiTrust er síður en svo það sem kall…
Það besta sem ég get sagt um AntiTrust er að hún var ekki jafn léleg og ég bjóst við. Að því sögðu verð ég hins vegar að taka það fram að AntiTrust er síður en svo það sem kallast góð kvikmynd. Hugmyndin er samt sem áður fín. Handritshöfundarnir hafa tekið allt það versta við Bill Gates og Microsoft og varpað því yfir á Gary Winston (Tim Robbins) og tölvurisann hans, NURV. Winston er illi tvíburi Bill Gates. Hann sankar að sér bestu forriturum sem til eru í þeim tilgangi að vera alltaf fyrstur á markaðinn með nýjar vörur og halda þannig í markaðshlutfall sitt, sem jaðrar við einokun og er því undir smásjá dómsmálaráðuneytisins (hljómar allt kunnuglega, ekki satt?) Einn af þessum forriturum er Milo Hoffman (Ryan Phillippe), sem svíkur vini sína frá Stanford með því að þiggja vinnu hjá NURV. Winston tekur hann undir væng sinn til að byrja með, og Milo er gjörsamlega heillaður af athyglinni. Áður en langt um líður fer hann hins vegar að taka eftir ýmsu sem fær hann til að hugsa sig um tvisvar. Þá byrjar ofsóknarkenndin á fullu. Það er þá sem myndin hættir að ganga upp. Hún gengur einfaldlega of langt með paranoiuna, og leiðist út í ótrúlega langsótta vitleysu. Jafnframt er saga þar sem Milo er á báðum áttum varðandi kærustuna (Clare Forlani) og stelpu sem vinnur með honum (Rachael Leigh Cook) látin deyja án þess að hún sé notuð á fullnægjandi hátt. Robbins er góður sem vondi kallinn og nýtur þess greinilega að leika slík hlutverk (samanber Arlington Road). Ég er enn á þeirri skoðun að Phillippe geti ekki leikið og sé mest til þess nothæfur að fara úr að ofan. Cook og Forlani eru vannýttar, því miður. AntiTrust er sæmilegasta vídeóskemmtun, en ekki mikið meira en það.
All ages
Violence
