Fáar myndir gerðu það eins gott í kvikmyndahúsum árið 1994 og þessi spennutryllir, enda er hér á ferð algjör veisla fyrir þá sem unna spennandi söguþræði. Keanu Reeves leikur spreng…
Fáar myndir gerðu það eins gott í kvikmyndahúsum árið 1994 og þessi spennutryllir, enda er hér á ferð algjör veisla fyrir þá sem unna spennandi söguþræði. Keanu Reeves leikur sprengjusveitarmanninn Jack Traven sem kallaður er á vettvang þegar um sprengjuhótanir er að ræða. Ef hann hefur einhvern tíma þurft á hæfileikum sínum að halda, þá er það nú, því snargeggjaður, en eitursnjall, náungi hefur nefnilega komið fyrir sprengju í strætisvagni sem verður virk um leið og hraði vagnsins fer yfir 80 kílómetra hraða á klukkustund. Eftir það springur sprengjan um leið og hraðinn verður minni en það. Hryðjuverkamaðurinn lætur Traven vita um fyrirætlanir sínar og býr svo um hnútana að Traven er gert mögulegt að komast á vettvang - eftir að sprengjan er orðin virk. Verkefni Travens er því að tryggja að vagninn nái að halda lágmarkshraða og að finna leiðir til að aftengja sprenguna. Til að auka á vandræðin verður vagnstjórinn fyrir skoti og í sæti hans sest ung kona sem hefur ekki einu sinni bílpróf! Leikurinn berst víða um götur Los Angeles þar sem hraðinn er mikill! Keanu Reeves og Sandra Bullock eru hreint frábær í góðum hlutverkum. Einnig eru þeir Dennis Hopper og Jeff Daniels góðir. Þriggja og hálfrar stjarna mynd sem ég mæli eindregið með. Góð og hörkuspennandi mynd sem ég hef horft á milljón sinnum Alls ekki missa af henni!!!
